ತುಳು ಆತಿಜಿ, ಉದಾ: ಕರ್+ಪೊನ=ಕರ್ಬೊನ (ಕಪ್ಪು ಬಂಗಾರ, iron)
ಆದ್ ತುಳು-ಕನ್ನಡೊಡು ಇತ್ದ್ ತುಳುಟು ಅಂತ್ಯ ಅನುನಾಸಿಕ
ಮಾಜಿದ್ ಕರ್ಬೊ ಆಂಡ್. ಕನ್ನಡೊಡು ಕರ್ಬೊನ್>ಕಬ್ಬೊಣ್>ಕಬ್ಬಿಣ
ಆಯಿನಿ ಕಾಲಕರಿನಂಚ, ಪರಿವರ್ತನೆ ಸಾಗ್ದ್ ಬತ್ತದುಪ್ಪುನಿ. ಕನ್ನಡದ
ಗ್ರಂಥ ವ್ಯವಸ್ಥೆಡ್ ತುಳುವ ಪಾತೆರೊ ಬಾಯ್ದಾರೆಯಾದ್,ಅವೇ ಉಚ್ಚಾರದ
ಸಮರ್ಥನೆದ ರೀತಿಡ್ ಈ ಶಬ್ದಲು ಅಂಚನೇ ಒರಿದುಳ್ಳ. ಆಂಡ ಅಯ್ತ
ಹಿರಿತನೊಕು ಕುಂದು ಇಜ್ಜಿ. ತುಳುತ ಪದ ಗೆಲ್ತೆ>ಗೆಂದಿಯೇ ಇನ್ಪಿ ರಡ್ಡ್
ರೂಪಲಾ ಕವಿರಾಜಮಾರ್ಗದ ಪದ್ಯ 122ಡ್ ಗೆಲ್ತಂ>ಗೆಲ್ದಂ ಇಂದ್ದ್
ತೋಜಿದ್ ಬರ್ಪುಂಡು.
2.61 ತುಳುವೊಡು ಅಪ್ಪೆ (mother), ಅಮ್ಮೆ (father) ಇನ್ಪಿನಯಿಕುಳು ವಿಚಿತ್ರ
ಕುತೂಹಲಕಾರಿ ಪದಲು. ಈ ರಡ್ದ್ ಶಬ್ಧಲೆನ ಅರ್ಥತೆರಿದ್ ಡಾ| ಕಾಲ್ಡ್
ವೆಲ್ಲರ್ ಆಶ್ಚರ್ಯ ಪಟ್ಟದ್ ಪೋಯೆರ್. ಆಂಡ ಪಂಪಭಾರತೊಡು,
"...ನಿನ್ನಾದಿಯೊಳಗಬ್ಬೆ ಕೊಂತಿ ನಿನಗಮ್ಮನ ಅಹರ್ಪತಿ" ಇಂದ್ದ್ ತುಳುತ
ಸಮಾನಾರ್ಥದ ಪದಲೆನ್ ಪಂಪಕವಿ ಉಪಯೋಗ ಮಾಳ್ತ್ದೆ. ಅಬ್ಬೆ
ಘೋಷಪದ(voiced) > ಅಪ್ಪೆ (unvoiced) ಅಘೋಷಪದ. ಪೂರ್ವಭಾವಿ
ರಚಿತವಾತಿನ ಪದ ಇಂದ್ದ್ ತೆರಿವುಂಡು, ಉಚ್ಚಾರದ ಸುಲಭತೆಗಾದೇ
ಘೋಷ ಶಬ್ದಲು ನಂತ್ರದ ಮಾರ್ಪಾಟವಾಪಿನಿ ವಿನಹ ಬೇತೆ ಕಾರಣ ಅತ್ತ್.
ಅಬ್ಬೆ>ಅವ್ವೆ ಆಯಿನ ನನ ಒಂತೆ ದುಂಬುದ ಮಾರ್ಪಾಟ. ತಾಯಿ,ಅವ್ವೇ
ಇತ್ಯಾದಿ ಸಮಾನಪದಲು (synonyms) ಇತ್ತ್ದ್, ಮಹಾಕವಿ ಪಂಪೆ ಅಬ್ಬೆ
ಪದೊನು ಉಪಯೋಗ ಮಾಳ್ತಿನ ತೂಂಡ, ಆ ಕಾಲೊಡು ಜನಮಾನಿ
ಪಾತೆರ್ಪಿನ ಶಬ್ಧಲೆಗ್, ಪ್ರಾಕೃತ-ಅಪಭ್ರಂಶದ ಲೆಕ್ಕೊ ದಿಂಜ ಮಹತ್ವವಿತ್ತಂಡ್
ಕಾವ್ಯಲೆಡ್. ಈ ಅಜ್ಜಿ ಪದ ಹಳೆಗನ್ನಡದ ಪಾತೆರೊಡು(ಕುಂದಾಪುರೊಡು)
ಇತ್ತೆಲಾ ರೂಢಿಡ್ ಇತ್ತದ್, ಬಳಕೆ ಇಪ್ಪುನ ಭಾಷೆ, ಪರತ್, ಪುತ್ ಇನ್ಪಿ
ವರ್ಗೀಕರಣ ನ್ಯಾಯವತ್ತ್.
ರನ್ನನ ಗದಾಯುದ್ದೋಡು: "ಎಮ್ಮಮ್ಮನಪ್ಪ ಶಂತನು ಗಮ್ ಯೋಜನ ಗಂಧಿಯೆನಿಸಿದ ಸತ್ಯವತಿ ಗಮ್ ಚಿತ್ರಾಂಗದನುಮ್ ವಿಚಿತ್ರವೀರನುಮ್ ಎಂಚೀಶ್ವರ ತನುಜರಾದರ್ ಮುಲ್ಲ ಅಮ್ಮ ಪದ father ಇಲ್ಲಿ ಅರ್ಥೋಡು ಉಪಯೋಗವಾತ್ಂಡ್. ತಮಿಳ್ ತಿರುವಾಚಕೊಡು ಕೂಡಾ ಅಮ್ಮನ್ ಇನ್ಪಿ ಪದ ಇಂದೇ ಅರ್ಥ ಕೊರ್ಪುಂಡು. ನನ ಕ್ರಿ.ಶ. ೯೪೦೮ ರಚಿತವಾದಿತ್ತಿನವು ಇನ್ಪಿ ವಡ್ಡಾರಾಧನೆಡ್ "ನಿನ್ನ ಕೈಬಂದಂ ಕೊಳ್ಳೆ ಪೋಗಬ್ಬಾ","... ನಿನ್ನಂ ಏಕಕಾಷ್ಟಕೂಟ ಬಡಿದನಬ್ಬಾ ಎಂದು ಬೆಸಗೊಂಡಡೆ,...ಅರಸಿಗೆಂದರ್-ಅಲ್ಲಾ ಇಂದೆಮಗೆ ಉಣಲ್ಲೆ ಬಗೆಯಲ್ಲ". ಈ ಮಾತಾ ಅಬ್ಬೆ ಪದಲು ತುಳುವ ಅಪ್ಪೆ ಪಾತೆರೊದ ನಂತ್ರದವು. ಅಂಚನೇ "ಬಗೆ" ಪದ ತುಳುಟು ನನಲಾ ರೂಢಿಡೇ
