ಪುಟ:ವೀರರಾಣಿ ಅಬ್ಬಕ್ಕದೇವಿ.pdf/೧೯

ಬಂಗರಸ:ಮಾರಾಣಿಯೆರ್ ಒವಒಂಜಿ ಗಹನವಾಯಿನ ಗ್ರಂಥಪಠನೊಡು
ಮಗ್ನವಾತಾರ್‌ಂದ್ ತೋಜುಂಡು.ತೊಂದರೆ ಆಂಡಾ ದಾನ್ನ?
ಅಬ್ಬಕ್ಕ : (ತೆಲಿತೊಂದು)ಅಯ್ಯೋ ತೊಂದರೆ ದಾದ? ಬುಕ್ಕೊ ಓದುಂಡಾಂಡ್!
ಬಂಗರಸ:(ಕುಳ್ಳುದು) ವಾ ಗ್ರಂಥೊ ಅವು ಮಾರಾಣಿಯೆರೆ? (ಪೇಟ ದೆತ್ತ್ ದೀಪೆ)
ಅಬ್ಬಕ್ಕ:ಇಂದು ನಮ್ ಮೂಡಬೆದ್ರದ ಮಹಾಕವಿ ರತ್ನಾಕರನ 'ರತ್ನಾಕರ ಶತಕ'
ಬಂಗರಸ:ಓಹೋ, ಆ ಕವಿನ ಭರತೇಶ ವೈಭವ ಗೊತ್ತು.ರತ್ನಾಕರ ಶತಕದ ವಿಚಾರ ಆತೊಂಜಿ ಪೊಲಬು ಇಜ್ಜಿ.
ಅಬ್ಬಕ್ಕ:ಭರತೇಶ ವೈಭವ ಶೃಂಗಾರ ಕಾವ್ಯ ಪಣ್ಪಿನವು ಲೋಕ ಪ್ರಸಿದ್ಧ!ಅವು ಈರೆಗ್ ಇಷ್ಟ ಆಪಿನವು ಸಾಜ!
ಬಂಗರಸ:ಎಂಕೌಂದ್ ಸರ್ವ ರಸಿಕೆರೆಗ್ಲಾ ಅವು ಕೊಂಡಾಟೊದ ಕಾವ್ಯ.
ಅಬ್ಬಕ್ಕ:ಇಂದು ಆ ಬಗೆತ ಅತ್ತೆ. ಬದ್‌ ಸಲ್ಲುನ ಅಮೂಲ್ಯ ನೀತಿ ಧರ್ಮೊಳೆನ್ ಕವಿ ಬಗೆಬಗೆಯಾದ್ ಪ್ರತಿಪಾದನೆ ಮಲ್ತದೆ.
ಬಂಗರಸ:ಪಂಡ, ಉಪದೇಶ ದಿಂಜಿನ ಗ್ರಂಥ!
ಅಬ್ಬಕ್ಕ:ಉಪದೇಶ ಇದ್ಯರೆ ಬಲ್ಲಿಯಾ? ಎಲ್ವಡ್ ಗುರುಕುಳು ಪಡೊಂದಿತ್ತಿನ ಪಾತೆರ ಅಪಗಪಗ ನೆಂಪಾಪುಂಡು.
ಬಂಗರಸ:ವಾ ಪಾತೆರ ಅವು?
ಅಬ್ಬಕ್ಕ:ಅಯಿ ರಾಜ್ಯ ಆಳುನಾನ ಕರ್ತವ್ಯದ ಪುದೆ ಮಲ್ಲಂದ್ ಪಂದಿತ್ತೆರ್.ಬೇತೆ ಬೇತೆ ಕತೆಕ್ಲನ್ ಉದಾರ್ಮೆ ಕೊರೊಂದಿತ್ತೆರ್.ಹೆಚ್ಚಿಗೆ ಸುಕೊತ ಆಸೆ ಸಲ್ಲಂದ್‌ಂದ್ ಪವೊಂದಿತ್ತೆರ್,ಎನ್ನ ಮಾಮಾಜಿಲಾ ಇಂದುವೇ ಪಾತೆರ ಪಣ್ತಿನವು ನೆಂಪಾಪುಂಡು
ಬಂಗರಸ:ಇಂದು ಮಾತಾ ಇತ್ತೆ ದಾಯೆ ನೆಂಪಾಂಡ್ ಮಾರಾಣಿಯೆರೆ? [ದಾಸಿ ಪೇರ್-ಪಂರ್ದ್ ದೀದ್ ಪೋಪಲ್]
ಅಬ್ಬಕ್ಕ:ಕಂಡಣೆ ಬುಡೆದಿಯೆರ್ ನಡುಟು - ಅಕ್ಲು ರಾಜ – ರಾಣಿಯರೇ ಆದ್ ಇತ್ತ್ಂಡಲಾ ಮುಚ್ಚುಮರೆ ಉಪಯೆರೆ ಬಲ್ಲಿ ಅತ್ತೆ?
ಬಂಗರಸ:ಖಂಡಿತ ಉಪರೆ ಬಲ್ಲಿ. ಕಂಡನಿ ಬುಡೆದಿನ್,ಬುಡೆದಿ ಕಂಡಣಿನ್ ವಿಮರ್ಶೆ ಮಲ್ಪೊಳಿ.
ಅಬ್ಬಕ್ಕ:ವಿಮರ್ಶೆ ಮಲ್ಪೊಳಿ ಅತೆ? ಇಂಚಿಪ್ಪ ಎಂಕ್ ದಾದ ತೋಜಿಂಡ್ ಪಂಡ ಅರಸುಲು ತನ್ಕುಳೆ ಕರ್ತವೊದ ಕಡೆಕ್ ಹೆಚ್ಚಾದ್ ಗಮನ ಕೊರ್ಪುಜೆರ್.ಇಂಚ ಪಂಡೆಂದ್ ಅರಸುಲು ಬೇಸರ ಮಲ್ಪೆರೆ ಬಲ್ಲಿ!
ಬಂಗರಸ:[ತೆಲ್ಲೊಂದು] ಓ! ಆಕ್ಷೇಪ ನಮ್ಮಡೆಗೇ ತಿರ್ಗ್‌ಂಡ್? ಅವು ದಾಯೆಮಾರಾಣಿಯೆರೆಗ್ ಅಂಚಿತ್ತಿ ಅಲ್ಮಾನ ಬತ್ತ್ಂಡ್?