ಅಬ್ಬಕ್ಕ:ಅರಸುಲು ಕುಡ್ಲದ ಅರಂತಡೆಟ್ ಇಪ್ಪುನನೇ ದಾಯೆಗೋ ಕಡಮೆ
ಆವೊಂದುಂಡು.ರಾಜ್ಯೊದ ಆಡಳತೆದ ವಿಚಾರೊಡುಲಾ ಹೆಚ್ಚಿಗೆ
ಗಮನ ದೀಪುಜರ್. ಜೋಕುಲೆ ವಿಷಯೊಡುಲಾ ಆತೆ.ಬಳಪುನ
ಬಾಲೆಲೆಗ್ ಅಪ್ಪೆ-ಅಮ್ಮೆರೆನ ಸಾಮೀಪ್ಯ ಅಗತ್ಯ ಅತ್ತೆ?
ಬಂಗರಸು:ಆರೋಪೊಳೆನ ಸರಮಾಲೆನೇ ಉಂಡೊಡೊ!ಉಪ್ಪಡ್,
ಜೋಕ್ಲಗ್ ಅಪ್ಪೆನ ಸಾಮಿಪ್ಯ ಇತ್ತ್ಂಡ ಧಾರಾಳ ಆಂಡ್.ಇತ್ತೆ
ನಮ್ಮ ಜೋಕುಳೆಗ್ ದಾದ ತೊಂದರೆ ಆಂಡ್? ಅಕ್ಲೆನ ವಿದ್ಯೆ ಬುದ್ದಿಡ್ ಅಡ್ಡಿ ವಿಡ್ಡೂರ ದಾಲಾ ಇಜ್ಜತ್ತ?
ಅಬ್ಬಕ್ಕ:ನಮ್ಮ ಜೋಕುಳೆ ವಿಚಾರ ಮಾತ್ರನೇ ಅತ್ತ್. ಪ್ರಜೆಕುಳು ಪನಪಿ
ಜೋಕುಳೆನ್ಲಾ ವಿಶೇಷ ಮಮಕಾರೊಡು ತುವೊಣುನವು ರಾಜಧರ್ಮ.
ಬಂಗರಸು:ಪ್ರಜಾವರ್ಗೊನು ನಮ ಮದತ್ಜಿ.ಪೂರಾ ಸಂಗತಿಲು
ವ್ಯವಸ್ಥಿತವಾದ್ ನಡಪುಂಡು.ಮಾರಾಣಿಯೆರ್ ಆದರ್ಶೋದ
ಕನೊಟು ವಿಹಾರ ಮಲತೊಂದು ತಪ್ಪು ತೆರಿಯಂದ್
ತೋಜುಂಡು.ಕರ್ತವೊಯೊದ ಲೆಪ್ಪುಗು ಓಕೊಣುದು ನಂಕ್
ನಮ್ಮ ರಾಜ್ಯದುಳಯಿ ಸಂಚರಿಪೊಡು.ಅರಂತಡೆನ್ ಅಲಕ್ಷ್ಯ ಮಲ್ಪುನವು ಉದ್ದೇಶ ಅತ್.
ಅಬ್ಬಕ್ಕ:ಒಂಜಿ ವೇಳ್ಯ ಅರಂತಡೆನಾಂಡಲ ಅಲಕ್ಷ್ಯ ಮಲ್ತೊಂದು ಮಲ್ಲೆ
ಅತ್ತೆ.ಪ್ರಜಾಹಿತೊನು ನಿರ್ಲಕ್ಷ್ಯ ಮಲ್ಪೆರೆ ಬಲ್ಲಿಯತ್ತೆ?ಪ್ರಜಾಹಿತ
ಪಂಡ ಬಜಿ ಉಣಸ್ ವಸತಿಳೆನ್ ಒದಗಾವುನೆ ಮಾತ್ರತ್ ಅಕಲೆಡ
ಸ್ವಾಭಿಮಾನೊ,ಸ್ವಾವಲಂಬನೆನ್ ಮೂಡಾವುನೆಲಾ ಮುಖ್ಯಂದ್ ಎನ್ನ ಅಭಿಪ್ರಾಯ.
ಬಂಗರಸು:ಸ್ವಾಭಿಮಾನೊಗು ಓಲು ಕೊರತೆ ಆತ್ಂಡ್?
ಅಬ್ಬಕ್ಕ:ನೇರವಾದ್ ಪನ್ಪುಂಡ, ಆ ಪರದೇಶಿ ಪೋರ್ಚುಗೀಸರೊಟ್ಟು
ಗುಪ್ಪಿನ ಇಷ್ಟಾದಿಗೆ ನಮ್ಮ ಸ್ವಾಭಿಮಾನೊನು ಪೊಳಿತದ್ ಮುಕ್ಕೆರೆ
ಇಯಾರುಂದು ಎಂಕ್ ತೋಜುಂಡು.ಅಕುಳೆ ಮಿತ್ ಅರಸುಳೆಗ್
ವಿಪರೀತ ವಿಶ್ವಾಸ ಇತ್ತಿಲೆಕ್ಕ ತೋಜುಂಡು.
ಬಂಗರಸು:ಅಂಚ ದಾಲಾ ಇಜ್ಜಿ.ಪೋರ್ಚುಗೀಸರ್ ವಿಜಯನಗರ
ಸಂಸ್ಥಾನದ ಅರಸುಳೆನ್ ಮೆಚ್ಚಾದ್ ಈ ಪಡ್ಡೆಯಿ ಕರಾವಳಿಡ್
ವಪಾರದ ಹಕ್ ಪಡೆದಿತ್ತೆರ್.ವಿಜಯನಗರದಕುಳೇ ಒಪ್ಪಿಗೆ ಕೊರಿಬೊಕ್ಕ ನಮ ಪನ್ಪುನೆ ದಾದ?
ಅಬ್ಬಕ್ಕ:ವಿಜಯನಗರದ ಅಧ್ಯಾಯ ಇಂಚೊಗು ಮುಗಿದ್ಂಡತ? ಇತೆ
ನಮ್ಮ ರಾಜ್ಯೋಗು ತಾಗ್ದಿತ್ತಿನ ಕಡಲದ ಒಡೆತನ ನಮ್ಮವೇ
ಅತ್ತೆ?ಆ ಪರಕೀಯೆರೆಗ್ ಸುಂಕಂದ್ ಒಪ್ಯಾವೊಡುಂದು ಆಕ್ಷು
ವೀರರಾಣಿ ಅಬ್ಬಕ್ಕದೇವಿ /11
