ಮಲ್ಲ ಅರಸುನಾ ಅಕುಳೆ ಮೇಲರಸುನಕ್ನಳ ಅಂಕೆಡ್
ಉಪ್ಪುವೆರ್.ಇಕ್ಕೇರಿದ ವೆಂಕಟಪ್ಪ ನಾಯಕೆ ಅದಿಲ್ಶಹ
ಸುಲ್ತಾನರೆಗ್ ಕಪ್ಪಕೊರ್ಪಿನ ಸಂಗತಿ ತೆರಿದುಪೊಳಿ.ಅದಿಲ್ಶಹ
ಸುಲ್ತಾನೆ ಮೊಗಲ್ ಕಪ್ಪ ಕೊರ್ಪೆಂದ್
ಪಿಂದ್ದ.ಇಂಚ ಉಪ್ಪುನಗ ಉಳ್ಳಾಲೊದ ಮಾರಾಣಿಯೆರ್
ಪೋರ್ಚುಗೀಸೆರೆ ಶರ್ತೊಗು ಒಪ್ಪಿದ್ ಶಾಂತಿನ್ ಕಾಪಾಡುನವು
ಎಡ್ಡೆ! ಇಂದೆಟ್ ಅಪನಾಲೀಸ್ದ ಪ್ರಶ್ನೆ ಇಜ್ಜಿ.
ಅಬ್ಬಕ್ಕ:ಸ್ವಾಭಿಮಾನದ ಪ್ರಶ್ನೆ ಇಜ್ಜಿಂದಾಂಡ ಎಂಚಲಾ ದಿನದೆಪ್ಪೊಗಳಿ!
ಉಳ್ಳಾಲೊದ ಮಾರಾಣಿಯೆರ್ ಎನ್ನ ಅಮ್ಮಾಜಿಯರ್ಂದ್
ಪನಪುನ ಅತ್. ಆರ್ ನಮ್ಮ ನಿರೆತ ರಾಜ್ಯದಾ. ನಾಡ್
ಸ್ವಾತಂತ್ರ್ಯನು ದೆರ್ತ್ ಪತ್ತಿನಾರ್. ಹೋರಾಟ ಮಲ್ಪುನಾರ್.
ನಮ ಆರೆನ ಬೆಂಬಲೊಗು ಉಂತೊಡತ್ತಂದೆ ಪರದೇಶಿಲೆ
ವಂಚನೆಗ್ ಬಲಿಯಾಯೆರೆ ಬಲ್ಲಿ
ಮ: ಮಾಪು ಮಲ್ವುಲೆ, ಮಾರಾಣಿಯೆರೆಗ್ ರಾಜಕಾರಣದ ಸೂಕ್ಷ್ಮದ
ಆತೊಂಜಿ ಅನುಭವ ಇಜ್ಜಂದೇ ಪಣೊಡಾಪುಂಡು.
ಉಳ್ಳಾಲೊಡ್ಡುಲಾ ನಂಕ್ ನಮ್ಮ ಕುಡ್ಲದ ಭವಿಷ್ಯನೇ ಮುಖ್ಯ!
[ಅಬ್ಬಕ್ಕ ದಾನ್ನೊ ಪನೊಡುಂದುಪ್ಪುನಗ ಬಂಗರಸು ಲಕ್]
ಬಂಗರಸು: ಮಾನ್ಯ ಸಭಾಸದೆರ್ ಮಾತ ತನ್ಕುಳೆ ಅಭಿಪ್ರಾಯೊಳೆನ್
ಪ್ರಾಮಾಣಿಕವಾದ್ ಪಂಡೆರ್; ಸಂತೋಸು. ಎಂಕ್ ಈ ಚರ್ಚೆ
ಇಷ್ಟಾಂಡ್. ಪೂರಾ ಅಭಿಪ್ರಾಯೊಳೆನ್ ಆಲೈತಿನ ಎಂಕ್ ತೋಜುನೆ
ದಾದ ಪಂಡ, ಸದ್ಯೊಗು ನಮ ವಾ ಪಕ್ಕೊಗುಲಾ ಮಾಲಂದೆ
ತಟಸ್ರಾದ್ ಉಂತೊನುಗ. ಸಭೆ ಮುಕ್ತಾಯ ಆವಡ್!
[ಸಭೆ ಮುಕ್ತಾಯ ಆಪುಂಡು]
******
ನೋಟ - ನಾಲ್
[ಅಂತಃಪುರ ಅಬ್ಬಕ್ಕಾದೇವಿ ಓಲೆ ಗ್ರಂಥವೊಂಜೆನ್ ಮನನ ಮಲ್ಟ್ಬಾಲ್ ..ಅಪಗ ದಾಸಿ ಬರ್ಪಳ್]
ದಾಸಿ: ಅರಸುಳು ಬರೊಂದುಳ್ಳೆರ್ ಅಮ್ಮಾಜಿ ಅಬ್ಬಕ್ಕ: ಆವಡ್, [ಓಲೆನ್ ಮಡತ್ತ ಕಣ್ಣಿಗ್ ಒತ್ತೋನುನಾಗ ಬಂಗರಸು ಬರ್ಪೆ] ಬಲ್ಲೆ, ಬಲ್ಲೆ.
ವೀರರಾಣಿ ಅಬ್ಬಕ್ಕದೇವಿ / 9
