ತನ್ಕುಳೆ ಕಾರ್ಗ್ ಏರಾಂಡಲಾ ಕುಡರಿ ಪಾಡೊನ್ವೆರಾ? ಸ್ವಾಭಿಮಾನದ
ಮೂರ್ತಿ ಅಬ್ಬಕ್ಕದೆಯ್ಯಾರ್ ಇಂದೆಕ್ ಒಪ್ಪುನ ಜಾಯಮಾನೊದಾರ?
ಕಾಮರಾಯೆ:ರಾಜಕೀಯ ಪಂಡ್ಂಡ ಭಾರಿ ಸೂಕ ವಿಚಾರ. ಕಾಲೊಗು
ತಕ್ಕಕೋಲ ಕಟ್ಟುನೆಟ್ ತಪ್ಪು ದಾಲಾ ಇಜ್ಜಿ.ಪೋರ್ಚುಗೀಸರ್
ಪಂಡ ಸಾಧಾರಣದಾಕ್ಲತ್ತ್.ಅಕೆ ಅಪಾರವಾಯಿನ ಮಂಜಿದ
ಪಡೆ ಉಂಡು.ಶೌರ್ಯ ಸಾಹಸ ಉಂಡು,ಪ್ರಚಂಡ ಬುದ್ಯಂತಿಕೆ
ಉಂಡು, ಆತ್ ಸಾಮರ್ತಿಕೆ ಇಜ್ಜಿಂದಾಂಡ ಆತ್ ಸಾವಿರ
ಗಾವುದ ದೂರೊಡ್ಡು ನಮ್ಮ ಸೀಮೆಗ್ ಬತ್ತ್ದ್ ಈತ್ಮಾತಾ
ಕಾರ್ಬಾರ್ ಮಲ್ಪೆರೆ ಆತುವ? ಗುಣೋಕು ಮಚ್ಚರ ಇಜ್ಜಿ!
ಪುಣ್ಯಡು ಆಕ್ಷು ನಂಕ್ ಇಷ್ಟೆರಾದುಳ್ಳೆರ್.ಬಲವಂತೆರೆಗ್
ಅನುಕೂಲವಾದ್ ನಡಪುನವೇ ಬುದ್ಯಂತಿಕೆ!
6ನೇ ಅಭಿಪ್ರಾಯ:ಆ ಪೋರ್ಚುಗಿಸೆರ್ ನಮ್ಮನ್ ಇಂಚ ಇಕ್ಕಟ್ಟಿಗ್ ದಾಯೆ
ಪಾಡುವೆರ್? ಅಕ್ಲು ಒಂಜಿ ವೇಲೆ ದುಂಬೊತ್ತುದು ಬಂಡ,
ಇಕ್ಕೇರಿ ವೆಂಕಟಪ್ಪ ನಾಯಕ ಉಳ್ಳಾಲ ಮಾರಾಣಿನ
ಬೆಂಬಲೊಗು ಉಂತುವೆಂದೂ ಬಹುಶಃ ಆಕೆನ ಊಹನೆ
ಆದುಪೊಡು.ಅಯಿಕಾತ್ರ ನಮನ್ ಎದುರುಗು ನೂಕುನ
ಅಲೋಚನೆ ಆನವುಂದು ಎನ್ನ ಅಭಿಪ್ರಾಯ.
ಕಾಮರಾಯೆ:ವೆಂಕಟಪ್ಪ ನಾಯಕೆರೆಗ್ ನಮ್ಮ ಕುಡ್ಲದ ರಾಜ್ಯೊದ ಮಿತ್ತ್
ಕಣ್ಣುಂಡು ಪನ್ಸುನೆನ್ ನಮ ಮದಪೈರೆ ಬಲ್ಲಿ,ಅಂಚಾನಗ ನಮ
ನಮ್ಮ ಕ್ಷೇಮದ ದೃಷ್ಟಿಡ್ ಪೋರ್ಚುಗೀಸೆರೆ ಒಟ್ಟುಗೆ ಉಂತುನವು
ಬುದ್ಯಂತಿಕೆ.=ಅಕುಲು ಕುಡ್ಲಡ್ ವ್ಯಾಪಾರದ ಮಳಿಗೆಲ್ಲಾ ಕಟ್ಟಾದ.
ವ್ಯಾಪಾರೊಡು ನಂಕ್ ಅಕ್ಸೆಡ್ ಮಸ್ತ್ ಲಾಭ ಉಂಡು.
ಅಬ್ಬಕ್ಕಾರಾಣಿ:ನಿನ ಅಭಿಪ್ರಾಯ ಪೂರಾ ಕೇಂಡೆ.ಮುಲ್ಪ ಪೋರ್ಚುಗೀಸರ
ಪುಗರ್ತೆ ಬೋಡಾಯಿನಾತ್ ನಡತ್ಂಡ್.ಚರ್ಚೆಡ್ ದಾಲಾ
ದೋಷ ಇಜ್ಜಿ ಪೋರ್ಚುಗೀಸೆ ಲೋಕೊನೇ ಉದ್ಧಾರ ಮಂಡ್
ಬತ್ತಿನಕುಲೆಂದ್ ಕೆಲವೆರ್ ತೆರಿಲೆಕ್ಕ ಉಂಡು.ಅಕ್ಲಡ ಸಾಹಸ
ಇಪ್ಯರೆ ಇಯಾರ್. ನಮ್ಮ ನಾಡ್ದ ಅರಸುಳೆ ಉಳಯಿ ಒಕ್ಕಟ್ಟಿ
ಇತ್ತಂಡ ಆ ಪರ್ದೆಶಿ ಜನೊಕ್ಲು ಮುಲ್ಪ ತಿಕಾಣಿ ಮಲ್ಲೆರೆ
ಇಜ್ಜಾಂಡ್.ನಮ್ಮ ತಿಗಲೆದ ಮಿತ್ತ್ ಕಾರ್ ಊರು ಉಂತುದು
ನಮಡನೇ ಸುಂಕ ಕೇಣುನ ಧೈರ್ಯ ಮಲ್ತದುವಯೆರ್. ದಾನೆ
ಮಲ್ವುನೆ? ನಮ್ಮ ಸ್ವಾಭಿಮಾನೊನು ನಮನೇ ಮುಕ್ಕುದು ತಿಂದ್ದ!
ಕಾಮರಾಯೆ:ಮಾರಾಣಿಯೆರ್ ಉದ್ವೇಗೊಗು ವಶ ಆಯೆರೆ ಬಲ್ಲಿ.ಇತ್ತೆದ
ವಸ್ತುಸ್ಥಿತಿನ್ ಆಲೋಚನೆ ಮಲ್ಲೊಡು. ನಮ ಪೋರ್ಚುಗೀಸೆರೆಗ್
ಸುಂಕ ಸಂದಾಯ್ತ ಮಲ್ಪುನವು ಮಲ್ಲ ಸಂಗತಿ ಅತ್, ಮಲ್ಲ
