[ಕುಡ್ಲದ ಬಂಗರಸನ ಸಭೆತ ಚಾವಡಿ, ಬಲ್ಲಾಳೆ, ಮಾಗಣೆ, ಗುರಿಕಾರ,
ಪೆರ್ಗಡೆಲು, ಪಟ್ಟಣಸೆಟ್ಟಿಲು, ಮಲ್ಲ ವರ್ತಕೆ – ಇಂಚಿತ್ತಿ ಸಭಾಸದರ್ ಸೇರ್ದ
ಬಂಗರಸುಲಾ ಅಬ್ಬಕ್ಕಾ ರಾಣಿಲಾ ಸಭೆಕ್ ಬರ್ಪೆರ್. ಕ್ಸಭಾಸದರ್ ಲಕ್ಕ ದುಂತುದು
ಗೌರವ ಸೂಚನೆ ಮಲ್ಲುವೆರ್. ರಾಜದಂಪತಿಲು ಕುಳ್ಳುವೆ. ಬಾಕಿದಕ್ಲುಲಾ ಕುಳ್ಳುವೆರ್.
ಸಭೆ ಸುರು ಅವಡ್ಂದ್ ಅರಸು ಸನ್ನೆ ಮಲ್ಪುವೆ]
ಪ್ರಧಾನಿ:ನಿಲ್ಲೆಗ್ ಮಾತೆರೆಗ್ಲಾ ತೆರಿದಿತ್ತಿಲೆಕ್ಕೊನೆ ಉಳ್ಳಾಲದ ಮಾರಾಣಿ
ಮಲ್ಲ ಅಬ್ಬಕ್ಕ ದೆಯಾರೆಗ್ಲಾ ಪೋರ್ಚುಗೀಸೆ
ರೆಗ್ಲಾ ಬೋಡಾಯಿನಾತ್ ಲಡಾಯಿಲು ನಡತ್ಂಡ್.
ಅಪಗಪಗ ಸಂಧಾನೊಲಾ ನಡದೌಂಡ್, ಉಳ್ಳಾಲದ
ಕೋಟೆನ್ ಮಗ ಪಾಡೊಡುಂದು ಪೋರ್ಚುಗೀಸೆರ್ ಶರ್ತ
ಪಾಡ್.. ಉಳ್ಳಾಲದ ಮಾರಾಣಿ ಅಯಿನ್ ಒತ್ತೊಂದುಜೆರ್.
ಸುಂಕೊನ್ಹಾ ಕೊರ್ತುಜೆ. ಪೋರ್ಚುಗಲ್ ದೇಶದ ಅರಸುನ
ಪರವಾದ್ ಪೋರ್ಚುಗೀಸ್ ವೈಸರಾಯಿಲು ಓಲೆ ಬರೆತೆರ್.
ಅಯಿತ ಒಕ್ಕಣೆದಂಚ ಉಳ್ಳಾಲದ ಕೋಟೆನ್ ಪೊಳಿಪ್ಪೆರೆ
ಪೋರ್ಚುಗೀಸೆರೆಗ್ ಸಹಕಾರ ಕೊರೊಡುಂದು ಬಯಸ್.
ಇತ್ತೆ ಈ ವಿಚಾರೊಡು ಈ ಮಾಮಲ್ಲ ಸಭೆಟ್ ಅಕುಲಕುಳೆನ
ಅಭಿಪ್ರಾಯೊನು ಕೊರೊಡುಂದು ಕೇಂಡೊನುವೆ. [ಸಭೆಟ್
ಪನೀತ್ ಪೊರ್ತು ಪಿಸುಪಾತೆರ ... ವಂತೆ ಪೊರ್ತಾಯಿ ಬೊಕ್ಕ]
1ನೇ ಅಭಿಪ್ರಾಯ:ತನ್ನುಳನ ಕೋಟೆನ್ ಸ್ವಯ ಇತ್ತಿನಾಕು ಯೇರಾಂಡಲಾ ಪೊಳಿಪ್ಪುವೆರ?
ಇಂಚಿತ್ತಿ ಸೂಚನೆಗೇ ಅರ್ಥ ಇಜ್ಜಿ! ಅಂಚಿತ್ತಿ ಕೆಲಸೋನು
ಬೋಡಾಂಡ ಪೋರ್ಚುಗೀಸರೇ ಸಾಧ್ಯ ಇತ್ತ್ಂಡ ಮಲ್ಪಡ್!
2ನೇ ಅಭಿಪ್ರಾಯ: ಉಳ್ಳಾಲೊದ ವಿರುದ್ಧವಾದ್ ಪೋರ್ಚುಗೀಸೆರೆಗ್ ಸಕಾಯ
ಮುನವು ಸರಿಯಂದೇ ಎನ್ನ ಅಭಿಪ್ರಾಯ
3ನೇ ಅಭಿಪ್ರಾಯ : ಸಕಾಯ ಮಲ್ಪುನೆಂಡ್ಂಡ ಯುದ್ಧ ಮಲ್ಪುನಿಂದ್ ಅರ್ಥ ಅತ್ತ?
ಯುದ್ಧ ಮಿನಿ ಆಂಡ ನಮ್ಮ ವ್ಯಾಪಾರ ಸಾಪಾರ, ಅಂಚನೆ ಇತರ
ವ್ಯವಹಾರೊಳೆಗೆ ಭಾರೀ ತೊಂದರೆ ಆಪುಂಡು. ಜನಜೀವನ
ಅಡಿಮೇಲಾಪುಂಡು, ಅನ್ಯಾಯೊಡು ಜನ ಸೈಪೆರ್, ಇಂಚಿತ್ತಿ
ಅನರ್ಥಕಾರಿ ಯುದ್ಧದ ಸಂಗತಿ ಬೊಡ್ಡಿಂದೆ ಎನ್ನ ಅಭಿಪ್ರಾಯ
4ನೇ ಅಭಿಪ್ರಾಯ : ಯುದ್ದೋನೇ ಆವೊಡುಂದು ದಾಲಾ ಇಜ್ಜಿ ಉಳ್ಳಾಲ ಮಾರಾಣಿಯೆರೆಗ್ ಕುಡ್ಲದ ಅರಸು ಒಂಜಿ ಪಾತೆರ ಪಂಡ್ದ್ ಕಡ್ಡುಡೋಳಿ ಅತ್ತ?
5ನೇ ಅಭಿಪ್ರಾಯ: ಎಂಚಂದ್? ನಿಲ್ಲಿನ ಕೋಟೆನ್ ನಿಕುಲೇ ಮಗ್ ಪಾಡ್ಲೆಂದಾ?
