ಪೊಲಿಕೆದವು.
ಉಳಯಿ ಪೊಗ್ಗೆರೆ ಬುಡುತ್ತೆರ್oದ್ ಮಿತ್ತಬೈಲ್ ಗುತ್ತುದ ಚಾವಡಿಡ್ ಕುಲ್ಲೊಂದು
ಯಾನ್ ದಾದಾಲಾ ಬಗ್ಲ್ಯೆಂದಾಂಡ ಅಲ್ಪ ಉಳಯಿ ಅಂತರೊಡು ಯಮುನಕ್ಕೆ ಕೆಬಿ
ಕೊರೊಂದು ಗಿಳಿ ಕಿಂಡಿಡ್ ನಿಲ್ಕ್ ತುವೊಂದುಲ್ಲೆರ್.
ತುಳುನಾಡ್ಡ ಗುತ್ತು ಬೂಡುಡ್ಡು ಬತ್ತಿನ ದಡಿಕೆ ಕೊಪ್ಪ ಮುಟ್ಟದ ಮಾತಾ ಜನೊಕುಲೆ
ಬದ್ಕ್ದ ಸ್ಥಿತಿಗತಿಕುಲೆನ್ ಕಣ್ಣ್ ಗ್ ಕಟ್ಟುಲೆಕ ಉಡಲ್ಗ್ ಮುಟ್ಟುಲೆಕ ವರ್ಣಿತ್ದ್
ವಿವರಿಸ್ದ್ ಕೊರ್ಪಿ ಕೆಲಸ ಮುಲ್ಪ ಮಸ್ತ್ ನಮೂನೆಡ್ ಆತ್ಂಡ್.
ತುಳುನಾಡ್ಡ ಪ್ರಾಕ್ದ ರೀತಿ ರಿವಾಜಿಲು, ದೈವ ದೇವೆರೆಗ್ ಕರಿಪುನವು, ಪುದ್ದಾರ್ದ
ಮೆಚ್ಚಿ, ಧರ್ಮ ನೇಮ, ಗುತ್ತುದ ಗಡಿಪತ್ತುನವು, ಮಧ್ಮೆ ಮಸ್ರಿ ,ಪರ್ಬ ಪುಣ್ಣಮೆ
ಲೇಸ್ ಕೂಟೊಲೆಗ್ ಮಲ್ಪುನ ಅಟಿಲ್ ಅರಗಣೆ, ಒನಸ್ ತೆನಸ್, ದುತ್ತು ಪೊದೆಪು,
ಪದ್ದೆಯಿ ಬಂಗಾರ್, ಸಾಮಾಜಿಕ ಬದ್ಕ್ಡ್ ನಡಪುನ, ಆಪುನ ಪೋಪುನ ಕಂಡದ ಕೋರಿ,
ಕುರುಂಟು ಒಯಿಪುನವು, ಪೊಕರೆ ಪಾಡುನವು ಕಂಬುಳ, ಕೋರಿದ ಕಟ್ಟ, ಆಟ ಕೂಟೊಲು,
ನ್ಯಾಯ ಪಂಚಾತಿಕೆ, ಬಿಸುತ ಸೇಜೆ, ಕಣಿ ದೀಪುನವು, ಇಲ್ಲೊಕ್ಕೆಲ್, ಕೆಡ್ಡಸ, ಬೋಂಟೆ
ದೇರುನವು, ಕೊರಂಟ್ ಕೊಪ್ಪರದ ಬೇರ, ಪತ್ತನಾಜೆ ಇಂಚಿತ್ತಿ ಪರ್ಬಪುಣ್ಣಮೆ, ಕೂಡು
ಕಟ್ಟ್ ದ ರಿವಾಜಿಲು ಬೋಡಿತ್ತಿನಾತ್ ಈ ತುಪ್ಪೆಡ್ ದಿಂಜಿದುಂಡು.
ಕುಂಬಳೆ ಅರಸು ಮನೆತನದ ಸಂಗತಿಲು, ಸ್ವಾತಂತ್ರ್ಯ ಹೋರಾಟೊಗು ಸಮ್ಮಂದ
ಪಟ್ಟ್ ದ್ ಗಾಂಧಿಯೆರ್ ಕುಡಲಗ್ ಬತ್ತಿನವು, ಕಲ್ಯಾಣಪ್ಪನ ಕಾಟಕಾಯಿ, ಸುಬ್ರಾಯನ
ಗುಲ್ಲು, ಸುಬ್ರಾಯ ಸೇನೆರ್ , ಕೋಟ್ಯಾನ್ಹಾಳ್ವೆ, ರಾಯಪ್ಪ ನಾಯ್ಕೆ, ಕೆಂಗಣ್ಣ ನಾಯ್ಕೆ
ಇಂಚಿತ್ತಿ ಬೀರೆರ್ ಬಿರ್ಸೆರೆ ಸಾದಗೊಲು, ಕುಂಬುಳೆ, ಕೂಡೆಲ್, ಮಾಯಿಪ್ಪಾಡಿ,
ಮಂಜೇಶ್ವರ, ವರ್ಕಾಡಿ, ಪಾವೂರು, ಬಡಾಜೆ, ಮುಜಂಗಾವು ಉಳ್ಳಾಲ ಅಂಚೆನೆ
ಮಜಲೋಡಿ, ಮಿತ್ತ ಬೈಲ್, ಕಜೆಕೋಡಿ, ಬಾರಬೈಲೆದ ಕೊಂತಿ ಊರುಲೆ ಬದ್ಕ್ ದ
ಏರ್ತೆಜಪ್ಪೆಲೆ ಚಾರಿತ್ರಿಕ, ಸಾಮಾಜಿಕ ಗಟನೆಲೆನ್ ಸೇರಾದ್ ಮಸ್ತ್ ಬಗೆತ ಪಾಕೊಡು
ಈ ಕಾದಂಬರಿನ್ ಕಟ್ಕೊರ್ತೆರ್.
ಮಜಲೋಡಿ ಬೂಡುದ ಅಳಿಯ ಸಂತಾನ ಕೂಡು ಕುಟುಮದ ತರವಾಡ್ದ
90
