"ಪೊಲಿ ಪೊಲಿ ಪೊಲಿ ಪೊಲಿ ಎಚ್ಚಾಲ
ಪಂಚ ಪಾಂಡವೆರೆ ಪೊಲಿ ನಿಚ್ಚ ದೇವರ್ಕುಳ ಪೊಲಿ
ತುಪ್ಪೆ ಪಾಡೊಡು ಸಿರಿ ತೂವೊಡು
ಆ ಜಾಲ ಪೊಲಿ ಈ ಜಾಲ ಪೊಲಿ
ಅಜಿಪ್ಪತ್ತಾಜಿ ಜಾಲ್ದ ಪೊಲಿ ಎಲ್ಪತ್ತೇಲ್ ಕೋಟಿ ಪೊಲಿ
ಎನ್ನ ಉಳ್ಳಯ ಚಾಲ್ಗೇ ಬಲ ಪೊಲಿ” ಈ ಕಾದಂಬರಿದ ಸುರುತ ಅದ್ದೆಯ
ಪುದ್ವಾರ್ದೆಚ್ಚಿದ ನೇಮ ಸುರು ಆಪುನೆನೇ ಇಂಚ.
ಅಲ್ಪ ಮಿತ್ತ ಜಾಲ್ಡ್ ತೋಜೊಂದುಂಡು ಮಾಮಲ್ಲ ತುಪ್ಪೆ, ಮುಲ್ಪ ತಿರ್ತಜಾಲ್ಡ್ ಇರ್ವೆರ್ ಮುಡಿಕಟ್ಟೊಂದುಲ್ಲೆರ್. ಒರಿ ಕಲ್ಲೆ ಪಾಡ್ದ್ ಸುತ್ತು ತಿರ್ಗ್ ದ್ ಕುತ್ತ ಉಂತಾದ್ ಪೊದ್ದಿದ್ ಕಟ್ಟೊಂದುಲ್ಲೆರ್. ಬೊಕ್ಕೊರಿ ಕಟ್ಟ್ ದಾಯಿನ ಮುಡಿನ್ ಅಂಚಿಂಚಿ ಪೊರೆಲ್ತ್ ಸಮ ಕಟ್ಟ್ ಮಲ್ತೊದುಲ್ಲೆರ್.
ಆತೇ ಅತ್ತ್ ಉಂದೆನ್ ಮಾತೊ ಬಲಿಯೇಂದ್ರ ಪಾಡ್ದನ, ಜುಮಾದಿ ಸಂದಿ, ಒನ್ನಮ್ಮಾ ಜೇವು ಪಾಡ್ದನ, ಮೈಸಂದಾಯ ಪಾಡ್ಡನ, ಸತ್ಯನಾಪುರತ ಸಿರಿ, ತೋಡಕುಕ್ಕಿನಾರ್ ಪಾಡ್ದನ, ಮಂದಾರ ರಾಮಾಯಣ, ಕಾವ್ಯ ದೈವದ ನುಡಿಕಟ್ಟುಲೆ ಪೂಮಾಲೆಲೆಡ್ ಸಿಂಗರಿತ್ ದ್, ತಮ್ಮಡಿ ಡೋಲು, ದುಡಿ, ತಾಸೆ ಪೊಕರೆ, ಕದಿಕೆ, ಮುಡಿ, ಅಣಿತಚ್ಚಿ ತೇರ್ದೊಲಸರಿ, ಬಾರೆಡ್ಪಿ ಬರೆಕಳ, ಕಂಬುಲ ದಪ್ಪು, ಕಂಡದ ಕೋರಿ, ಪಣೆಟ್ಟ್ ನೀರ್ ಒಯಿಪುನವು, ಕೊಂತೊಡು ನೀರ್ ಚೇಪುನವು, ಬಾರೆ ಕಡ್ಪುನವು, ಗಾಳಿ ಬರ್ಸೊಗು ತತ್ರ ಪನೊಲಿ ಪತ್ತೊಂದು ಬೈಲ್ದ ಪಾಪುಡೆ ಪೋಪುನವು, ಪಜೆ ಕುರ್ವೆ ಮೊಡೆಪುನವು, ಚೆನ್ನೆ ಗೊಬ್ಬುನವು, ಕೊಡಿ ಏರಾವುನವು, ಕೊಳಲ ಸಾದ್ಯುನವು, ಕತ್ತಿ ತಳವಾರ್ ಬೀಜಾವುನವು ಇಂಚಿತ್ತಿ ಕಲಾವಿದೆ ಶ್ರೀ ಗೋಪಾಡ್ಕರ್ ಆರೆಡ ಬರೆಪಾಯಿ ತುಳುವೆರೆ ಬದ್ಕ್ ದ ಕಲೆ ಕಾರ್ನಿಕೊಲೆ ಚಿತ್ರೊಲೆಡ್ ತೋರಣ ಕಟ್ಟ್ಂದ್ ಪೊರ್ಲು ಮಂತ್ ಕೊರ್ತುನವು ಏರ್ಲಾ ಮೆಚ್ಚೊಡಾಯಿನವು. ಉಂದೆನ್ ಮಾತಾ ಅಂಚೆನೆ ಜೋಡನೆ ಮಲ್ಪಿ ಪೊರ್ತು 'ಈ ಕಾಲ' ಬೊಕ್ಕ'ಆ ಕಾಲ' ಪನ್ಪಿ ರಡ್ಡ್ ಮರ್ಗಿಲ್ಲೆಡ್ ತೊಜಪಾದಿನವು ಆತೇ ಪೊರ್ಲು
89
