ಬೊಕ್ಕ ಗುಣ ಮಟ್ಟೊಡು ಈತೊಂಜಿ ಬಿಗುಸಗುತ್ತ ದುನ್ನೊ ಬನ್ನೊದ ಕಾದಂಬರಿ ತುಳುಟ್ಟು ಈತ್ನೆಟ್ಟ ಬತ್ತಿಯಿಜಿ" ಅವು ಬಜೀ ಪೊರ್ತು ಕಾಲೇಸ ಕಳೆಯೆರೆಗಾದ್ ಬರೆದ್ ಪಾಡಿನವತ್ತ್. ಈ ಕರೆನಾಡ್ದ ಪಂಡ ಇಡಿ ಕರ್ನಾಟಕ ಪರಂಪರೆಡ್ ಭೌಗೋಳಿಕವಾದ್ ಮಸ್ತ್ ಬೇತೆನೇ ಆಯಿನ ಈ ತುಳುನಾಡ್ದ ಇಡಿಯಾಯಿನ ಒಟ್ಟು ಬದಕ್ದ ಮಾತಾ ಮರ್ಗಿಲ್ಲೆನ್ಲಾ ದೆರ್ತ್ ತೋಜಾವು ಕಜ್ಜೊ.
ಉಂದೆನ್ ಒಂಜಿ ಸುತ್ತೊಂದು ನಮ ಸಂಪಲಿತ್ತ್ ದೆತ್ತ್ ದೀವೊಡು. ಆಂಡ ಅಂಚ ಬಜೀ ಕನ್ನಡಿದ ಕಬಾಟ್ದ ಉಳಯಿ ದೀದ್ ತೋಜಾವು ಸೊತ್ತು ಮಾತ್ರ ಅತ್ತ್. ಅಪಗಪಗ ದೆತ್ತ್ ದ್ ದೆರ್ತ್ಪತ್ತ್ ದ್ ಮಗ್ತ್ ಮಗ್ತ್ ತೂದು ಕಣ್ಣ್ ದ ಪಾಪೊ ಕಳೆಪಿ ಪೊರ್ತುಗು ಬೋಡಾಯಿನವು ಉಂದು. ಅಂಚಾದ್ ಉಂದೆನ್ ಇಂಚ ಮಾತ ತೂಪುನವೇ ಒಂಜಿ ಸಂಬ್ರಮ. ಅಯಿಡ್ದ್ ಅಂಚೆನೇ ಓದುದು ಅಲ್ಮೆತ್ತ್ ದ್ ಸುಗಿಪುನವು, ಸುಖಿಪುನವು ಬೊಕ್ಕ ಸಬಿಪುನವು...
ಮಿತ್ತ ಬಯಿಲ್ ದ ಈ ಸುತ್ತುಮದಿಲ್ದ ಗುತ್ತು ಬಾಕ್ಯಾರ್ದ ಇಲ್ಲ ಅನೆ ಬಾಕಿಲ್ಡ್ ಉಳಯಿ ಪೊಗ್ಗುನಗನೇ ಪೊರ್ಲುಪೊರ್ಲುದ ತೂನಗನೇ ಮೈ ಇರ್ಮೆನ ಪೋಪುನಂಚಿತ್ತಿ ಪತ್ತ್ ಪದಿನೆನ್ಮ ಅದೇಅದ್ದೆಯೊಲು ನಮನ್ ಎದಿಕೊನುವ. ಅವು ಆತೇ ಪೊರ್ಲು ಪೊಲಿಕೆದ ಪುದರ್ಲೆಡ್ ಅಜಪಾಯಿನ ಅಜಕೆಲೆಡ್ ಒಂಜೊಂಜಿಲಾ ಕಡ್ಚಿಲ್ದ ಕೆತ್ತನೆದ ಕಜ್ಜೊದವು ಆದ್ ಪೋತೊ.
ಪುದ್ವಾರ್ದೆಚ್ಚಿದ ನೇಮ., ಕಾಡ್ ಕಡ್ತೆರ್, ಗುಡ್ಡೆ ಗರ್ತೆರ್, ಬೆನ್ನಿ ಬೆಂದೆರ್., ಬೆನ್ನಿ ಕೊರ್ಪಾಯೆ, ಕುಣಲೆದ ಬಿತ್ತ್ ಬಿರ್ಕ್ಯೆ., ಸುರುವಾಯಿ ಪಗೆ ಕೈದಾಯಿಜಿ, ತೆಡಿಲ್ದ ಕಿನ್ನಿ., ಗುಲ್ಲು ಗುಲ್ಲು! ಕಾಟಕಾಯಿ! ಸ್ವಾತಂತ್ರ್ಯ ಸಮರ., ಕೈ ಮುಟ್ಟಿ ಕೈ ದಾರೆ ಮೈ ಮುಟ್ಟಿ ಮೈ ದೇಸೆ ಆಂಡ್., ಗಡಿಪತ್ತಿ ಗಂಧದ ಕೊರಡ್, ಗೆಂದಗಿಡಿ., ಜಾತಿ ಕೇದಗೆ ನೀತಿ ಸಂಪಗೆ., ರಾಮ ರಾಮಾ., ಅಸನಂದ ಕೋಡಿಡ್ ಮಸಣಂದ ಕಾಟ., ಮಾತ ದೇಸೊಡ್ಡು ಎಡ್ಡೆ ದೇಸ ಎನ್ನ., ಧರ್ಮೆತ್ತಿ ಮಾಯೆ., ಉರಿ ಉಷ್ಣದ ಮಾಯೆ., ಗಡಿಪತ್ತಿ ಗುರಿಕಾರೆ., ಆಟ ಮುಗಿಂಡ್...
ಇಂಚ ಒಂಜೆಡ್ದೊಂಜಿ ಮೇಲ್ಮೆ ಗೆಲ್ಮೆದ ಅದೆ ಅದ್ದೆಯೊಲು ಉಂದು ಮಾತೊ ಈ ಗುತ್ತುದಿಲ್ಲದ ಮಲ್ಲಾದಿಗೆ.
88
