ಮಿತ್ತಬೈಲ್ದ ಉಳಯಿ ಪಿದಯಿ
ಡಾ. ವಾಮನ ನಂದಾವರ
ಕರಿಯವಜ್ಜೆರೆನ ಕತೆಕುಲು (1996), ಪಿಲಿಪತ್ತಿ ಗಡಸ್ (1997), ಪತ್ತ್ ಪಜ್ಜೆಲು
(2001), ಧರ್ಮೆತ್ತಿ ಮಾಯೆ ಇಂಚಿತ್ತಿ ಪೊಸದೇಖಿದ ಕಿನ್ಯ ಕತೆಕುಲ್ನ್, ನಾಟಕೊಲೆನ್
ಕೊರ್ದು ಪುದರ್ ಪೊರವು ಪಡೆಯಿ ಆನಂದ ಕೃಷ್ಣರೆನ ಸುರುತ ತುಳು ಕಾದಂಬರಿ ಮಿತ್ತಬೈಲ್ ಯಮುನಕ್ಕೆ ಒಂಜಿ ಗುತ್ತುದ ಕತೆ (2005) ನಮ್ಮ ದುಂಬು ಉಂಡು.
ನೂದು ಒರ್ಸೊಗು ದುಂಬು ಶೀನಪ್ಪ ಹೆಗ್ಡೆರ್ (1889)ಬರೆಯಿ ಮಿತ್ಯ ನಾರಾಯಣ ಕತೆ ಅತ್ತ್ಂಡ ಎಲ್ಪ ಒರ್ಸೊಗು ದುಂಬು ಪಣಿಯಾಡಿದಾರ್ ಬರೆಯಿನ ಸತಿಕಮಲೆ (1936) ಕಾದಂಬರಿಲೆಡ್ದ್ ಸುರುವಾದ್ ಮೂಜಿ ಒರ್ಸೊಗು ದುಂಬು ಎಂ. ಜಾನಕಿ ಬ್ರಹ್ಮಾವರದಾರ್ (2002) ಬರೆಯಿ ಯುಗಮಗ್ರ್ನಗನೇ ತುಳು ಕಾದಂಬರಿಲೆ ಬೊಳ್ಳಿ ಪರ್ಬೊ ತೂಯಿನವು.
ಇತ್ತೆ ತುಳು ಕಾದಂಬರಿ ನಿಜವಾದ್ ಲಾ ಪ್ರಾಯೊಗು ಬತ್ತ್ ದ್ಂಡ್. ಅಯಿತ ಜವನಾದಿಗೆದ ಕಾಲ ಉಂದು. Tulu novel has come of age. ಆನಂದ ಕೃಷ್ಣರೆನ (2005) ಮಿತ್ತ ಬೈಲ್ ಯಮುನಕ್ಕೆ; ಒಂಜಿ ಗುತ್ತುದ ಕತೆ, ತುಳು ಕಾದಂಬರಿ ಈ ಮಾತೆಡ್ದ್ ಲಾ ಮಿತ್ತ ಸಾಲ್ಡ್ ಕುಲ್ಲುನವು. ತುಳು ಕಾದಂಬರಿಲೆ ಮಜಲ್ಡ್ ಈತೊರ್ತುಡು ಮೇವಂದಿ ಪಡ್ಪುಡು ಆನಂದ ಕೃಷ್ಣೆರ್ ಮೇಯರೆ ಜತ್ತಿನಾರ್. ಏರ್ಲಾ ಬೆನಂದಿ ಬೆನ್ನಿನ್ ಬೆಂದಿನಾರ್. ಅವು ಬುಡು ಬಿತ್ತಲ್ಡ್ ಪಾಡಿ, ಪದವು, ಪಡ್ಲುಲೆಡ್ ತಿರ್ಗ್ದ್ ಬರೆತ ಬಾಯಿಗ್ ಎಕ್ಕಲ್ದ್ ಮಲೆತ್ತ ಪಂತಿಗ್ ಬಾಯಿ ಪಾಡು ಕಜ್ಜೊ ಆರೆನವು.
ಮುನ್ನೂದು ಪುಟೊಕುಲೆ ಈ ಕಾದಂಬರಿದ ಗುತ್ತುದಿಲ್ಲ ಬಾಕಿಮಾರ್ಗೊಂಜಿ ಪೊಕರೆ ಪಾಡ್ದ್ ಶ್ರೀ ಅಮೃತ ಸೋಮೇಶ್ವರೆರ್ ಎಡ್ಡೆ ಮದಿಪು ಕೊರಿಲೆಕೊ "ವಡ್ದಾರೊಡು
87
