ಕೈಕ್ಕ್ ಕಾರ್ಗ್ ತಿಕ್ಕಿನ ಪ್ರತಿ ಒಂಜಿ ದೈ ಬೇರ್ ತಪ್ಪುಲು ಒಂಜೆಂಜಿ ಸೀಕ್ಲೆನ್ ನಿರ್ನಾಮ
ಮಲ್ಪುನ ಶಕ್ತಿನ್ ಪಡೆವೊಂದು ಬಯ್ದಿನವು. ರಾಮ ಬಾಣದಂಚ ನಾಟುವ ಶಕ್ತಿದ ಮರ್ದುಲು
ಅಕ್ಲೆಗ್ ಗೊತ್ತಿತ್ತ್ಂಡ್.
ಉದಾರ್ನೆಗ್ ಕಿಂಚಿತ್ತ್ ಡ್ ಪನ್ಸಿನಿಂದಾಂಡ ಚಾ-ಕಾಪಿದ ಮರ್ಲ್ ಅಕ್ಲೆಗ್ ಬಾರೀ
ಕಮ್ಮಿ. ಪರ್ಪಿನ ಬ್ರಮೆಕ್ಕ್,ಕುಂಟಲ್ದ ಕೊಡಿತ್ತ ಕಸಾಯ, ಪೊಣ್ಣಳಿಗೆದ ತಪ್ಪುದ ಕಸಾಯ,
ತೊಜಂಕ್ ಬಿತ್ತ್ ದ ಕಾಫಿ, ಜೀರ್ದರಿತ ಕಸಾಯ, ಕಡೀರ ಬೇರ್ದ ಕಸಾಯ, ಇಂಚ ಮಾತ
ನಾನಾ ನಮುನೆದ ತಪ್ಪು, ಬೇರ್, ಬಿತ್ತ್ದ ಕಸಾಯ ಮಲ್ತ್ದ್ ಪರ್ದ್ ತನ್ಕೂಲ್ನ
ಆರೋಗ್ಯ, ಅವುಷೋ ಕಾಪಾಡೊಂದಿತ್ತೆರ್.
ಸೀತ, ತೆಮ್ಮ, ಜರ, ಸುರುವಾಂಡ, ಎಡ್ಡೆ ಮುಂಚಿ, ಕಪ್ಪರ್ ಶುಂಠಿ, ಮಜ್ಜಿಗೆ
ಸೊಪ್ಪು ಮಾತಾ ಗುದುದು ಬೆಯ್ಪದ್ ರುಚಿಕ್ಕ್ ಒಂತೆ ಓಲೆ ಬೆಲ್ಲ ಪಾಡ್ದ್ ಇಲ್ಲದ
ಮಾತೆರ್ಲಾ ಪರ್ಪೇದೆರ್.
ಒಣಸ್ಗ್ ತಿಮರೆದ ಚಟ್ನಿ, ತೇವುದ ಇರೆತ ಚಟ್ನಿ , ತೊಜಂಕ್ದ ತೊಪ್ಪು,
ಪುನರ್ ಪುಳಿತ್ತ ಕೊಡಿ, ಬಸಲೆ, ಪದ್ಪೆ, ತೇರೆದ ಕೊಡಿತ್ತ ಚಟ್ನಿ , ಸೀಗೆದ ಕೊಡಿತ್ತಪಲದ್ಯ ,
ಕುಡುತ್ತ ನೀರ್, ತೆಲಿತ್ತಸಾರ್ ಇಂಚ ಮಾತಾ ಅಗ್ಗೊದ ವಸ್ತುಲು ಅಟಿಲ್ಗ್ ಸೇರ್ದ್
ಪುಲ್ಪೆನದ ಒಣಸ್ ಆಪೇದ್ಂಡ್, ಬಂಜರ ಉನರ ಆಪೇದ್ಂಡ್. ಜುವೊಗು ತ್ರಾಣ
ಬರ್ಪೆದ್ಂಡ್ ಸೀಕ್-ಸಂಕಡ ಜನೊಕ್ಲೆಡ್ದ್ ದೂರ ಬಲ್ಪೇದ್ಂಡ್, ಆನಿಗ ತಂಜನ ತೆಲಿಕ್
ಇತ್ತಿನ ತಾಕತ್ ಇತ್ತೆದ ಚಾ, ಕಾಫಿ, ಹಾರ್ಲಿಕ್ಸ್ ಬೋರ್ನ್ವಿಟಾ ಪರ್ತಿನ ಶರೀರೊಡು
ಇಜ್ಜಿ.
ಇತ್ತೆ ಕಾಲ ಬದಲಾತ್ಂಡ್, ಸರ್ಕಾರದ ಈಟ್ ದಾಂತೆ ವಾ ದೈಟ್ಲಾ ಪಲ
ಬರ್ಪುಜಿ. ಡಾಕ್ಟ್ರೆನಕ್ಲ್ನ ಮರ್ದ್ದಾಂತೇ ವಾ ಸೀಕ್ಲಾ ಗುಣ ಆಪುಜಿ, ಗುಜ್ಜೆ, ಗೂoಜಿ,
ಕುಕ್ಕು, ಪೆಲತ್ತರಿ ತ ತಿಂದ್ಂಡ ಬಂಜಿಗಾಪುಜಿ, ವಾಯಿದ ಅಬತರ ಜಾಸ್ತಿಯಾಪುಂಡು.
ಬಾಯಿಗ್ಲಾ ಪತ್ತುಜಿ .
ಕೆರೆಂಗ್ದ ಪೂಲು, ಸಾಂತನಿ ಪುನೈದ ಬಿತ್ತ್ಂದ್ ಪಂಡ ಇತ್ತೆದ ಜೋಕುಲೆಗ್
ದಾದಂದೇ ಗೊತ್ತಿಜ್ಜಿ, ಪರ ಊರುಡ್ದು ಬತ್ತಿನ ಜೋಕುಲೆಗ್ ಊರುದ ತಿನಸ್ಂದ್
ಕೊರುಂಡ ಪುಸ್ಕ ಉಬ್ಬಿದ್ ಇಂಗ್ಲೀಷ್ಡ್ ಪಂಡ್ದ್ ತೆಲಿಪುವೆರ್.
ಇತ್ತೆ ಫಾಸ್ಟ್ ಫುಡ್, ಚಿಕನ್ ಚಿಲ್ಲಿ, ಚಿಕನ್ ತಂದೂರಿ, ಚಿಕನ್ ಕಬಾಬ್ ಚಿಕನ್
85
