ಉತ್ತರ ನಿಕುಲು ಪನ್ಲೆ
ಜಯಂತಿ ಎಸ್. ಬಂಗೇರ
ಉಂದು ವಿಜ್ಞಾನಯುಗ, ಆಧುನಿಕ ಸೌಕರ್ಯೊಲೆದ ನಡುಟು ನಮ ಬಡಪತ್ತ್ ನ್
ಮದತ್ತ್ದ್ , ನಡತ್ತ್ ಬತ್ತಿತಾದಿನ್ಲಾ ಮದತ್ತ್ ದ್, ಐಸ್ರದ ಬದ್ಕ್ಡ್ ಬದ್ಕೊಂದುಲ್ಲ
ಅಂಚೆನೇ ಬದ್ಕರೆ ಬಯಕೊಂದುಲ್ಲ.
ಆಂಡ, ನಮ್ಮ ತುಳುನಾಡ್ಡ್ ಆನಿದ ಕಾಲೊಡು ನಮ್ಮ ಹಿರಿಯೆರ್ನಕುಲು ಎಂಚ
ಬದ್ಕೊಂದಿತ್ತೆರ್? ಅಕ್ಲ್ನ ಒಟ್ಟುಗು ಕಿರಿಯೆರಾದ್ ನಮ ಎಂಚ ಬದ್ಕ್ದ್ ಬಯ್ದ.
ಅಪಗದ ನಮನ ಒಣಸ್ ತಿನಿಸುಲು ಮಾತಾ ಎಂಚ ಇತ್ತ್ಂಡ್ ಅಂಗ್-ತೊಡುನು
ದೆಂಗಾವರೆ, ಬಡವು -ಬಾಜೆಲ್ನ್ ತಲ್ಮೆನ ಮಲ್ಪರೆ, ನಮ್ಮ ಹಿರಿಯೆರ್ನಕುಲು ಎಂಚಿನ
ಮಾತಾ ನೈಸರ್ಗಿಕ ತಿಂಡಿ ತಿನಿಸ್ ಲೆನ್ ತಿಂದೊಂದು ಕಾಲೇಸನ ದೆತ್ತೊಂದು ಬಯ್ದೆರ್?
ಆನಿದ ಒಣಸ್ ತಿನಿಸು ಇನಿಗ್ಲಾ ಬಳಕೆಡ್ ಉಂಡಾ? ಆನಿದ ತಿನ್ನಿ ತಿನಿಸಗ ಇತ್ತಿನ
ರುಚಿ-ಸತ್ವ ಇನಿಲಾ ಅಯಿತ ನೈಜತೆನ್ ಒರಿತೊಂದು ಬಂಡಾ? ನಮ್ಮ ಆರೋಗ್ಯದ
ಸ್ಥಿತಿ-ಗತಿ ಆನಿಗ್ತಾ ಇನಿಲ್ಲಾ ಎಂಚ ಉಂಡು? ತಿನ್ನಿ ತಿನಿಸುವು ಮರ್ - ಮಾಯೆಲು
ಆನಿಗ್ಧ ಇನಿಗ್ಧ ವಾ ಸ್ಥಿತಿಗೆ ಬತ್ ಎತ್ಂಡ್? ಒಂಜಿ ಚೂರು ಕುಲ್ಲುದು ಅಲಚೆನೆ
ಮಲ್ಪುನಗ, ಇಂಚ ವಿಚಾರೊಲು ಮನಸ್ಸಿಗ್ ಪೊಗ್ಗುಂಡು,
ಪಿರಾಕ್ದಕ್ಲೆಗ್ ಅಕ್ಲಕ್ಲ್ನನೇ ಆಯಿನ ಬೇಲೆಲು ಕೈ ನಿಲ್ಕೆ ಇತ್ತ್ಂಡ್. ಪುಲ್ಯ ಕಲೊಗೇ ಲಕ್ದ್ ಒರ್ಪೂರದ ಬೇಲೆ ಆಯಿನೆ ತಂಜನೊಗು ಅಲೆ ಇಜಿಡ ಕೊಜಪು ಮೈತೊಂದು, ಕಾಯಿ ಮುಂಚಿ, ಉಪ್ಪುನುರ್ತೊಂದು, ಬಂಜಿ ನಿಲ್ಕೆ ಉಂಡುದು, ಬಾಕಿದ ಬೇಲೆಗ್ ಪಿದಾಡೆದರ್. ಕಾಂಡೆಡ್ದ್ ಕತ್ತಲೆಮುಟ್ಟ ಬೆಗರ್ ಸೀಂಟಾದ್ ಮೈ ಪೊಡಿಮಲ್ತ್ ಬೆನ್ಪೇದೆರ್. ಗಂಜಿದ ತಲಿಯೇ ಅಕ್ಲ್ನ ಜುವೊಗು ತಾಕತ್ತ್ ದ ಟಾನಿಕ್, ಬೇನೆ-ಸಂಕಡೊಲು ಬರ್ಪೆದಿನೇ ಕಮ್ಮಿ ತಿನ್ಪಿ ತಿನಿಸುಲ್ಲ ಎಡ್ಡೆ ಸತ್ವದ. ಸೃಷ್ಟಿಕರ್ತೆ ನರಮಾನ್ಯನ್ ಸೃಷ್ಟಿ ಮಲ್ತಿಲೆಕನೇ ಆಯನ್ ಬದ್ಕರೆ , ಗಾಳಿ, ನೀರ್,ಮರ, ದೈಕ್ಲೆನ್ಲಾ ಸೃಷ್ಟಿ ಮಲ್ತ್ ದ್ ಏತೀಷ್ಟ ಪ್ರಕೃತಿ ಸಂಪತ್ತ್ ನ್ಲಾ ಕೊರ್ತೆರ್, ಆ ಕಾಲೊಗು ತಕ್ಕ ಪ್ರಕೃತಿ ಫಲ ಕೊರೊಂದುಂಡು.
83
