163ಟ್ ಶಂಕರೀದೇವಿನ ಮಗೆ,5ನೇ ಹಾವಳಿಬಂಗರಾಜೆ ಪಟ್ಟ ಏರ್ಯೆ,ಅಯೆ ಕಿಸ್ತೆರೆ ವರ್ಷ 1699 ಮುಟ್ಟ ರಾಜ್ಯವಾಳಿಯೆ.ಅಯಡ್ಧ್ ಬುಕ್ಕ ಆಯನ ಅರ್ವತೆ 4ನೇ ಲಕ್ಷುಮಪ್ಪ ಬಂಗರಸು ಪಟ್ಟ ಏರ್ಯೆ.ಇಂಬ್ಯನ ಕಾಲೊಡುಲಾ ಇಕ್ಕೇರಿಗ್ ಕೊರ್ಪಿಕಪ್ಪ ಕೊರಂದೆ,ತಿಕ್ದ್ ಬೂರ್ನಗ ಮೋಟಿಗೆ ಸಂಗಪ್ಪ ಸೆಟ್ಟಿಮಗೆ, ನಿರ್ಮಾಣ ಸೆಟ್ಟಿ ಸಾಯಮನ್ತ್ದ್,ಇಕ್ಕೇರಿದ ಕಪ್ಪ ಸಂದಾಯೆ.ಕಿಸ್ತೆರೆವರ್ಸ 1763ಟ್ ಮೈಸೂರುದ ಹೈದರಾಲಿ ಇಕ್ಕೇರಿನ್ಲಾ,ತುಳುನಾಡ್ನ್ಲಾ ವಶಮನ್ತೊಂದು ಮೈಸೂರು ಸಂಸ್ಥಾನೊಗು ಸೇರ್ಸಯೆ.4ನೇ ಲಕ್ಷುಮಪ್ಪನ ನಂತರ ಆಯನ ಅಳ್ವತೆ, 4ನೇ ಕಾಮಪ್ಪರಸಬಂಗಗ್ ಪಟ್ಟ ಆಂಡ್.ಕಿಸ್ತರೆವರ್ಷ 1768ಡು ಇಂಗ್ಲೀಷೇರ್ ಕುಡಲಸೀಮೆನ್ ವಶ ಮನ್ತೆರ್.ಈ ಅರಸುಗು ಹೈದರಾಲಿಯೆ ಸಾಯಕೊರೆ. ಆಂಡ ನಂದಾರ್ದ ಅರಮನೆನ್, ಸ್ಯಾರೆಬ್ಯಾರಿ ಸುಲಿಗೆ ಮನ್ತ್ದ್ ತೂಕೊರಿನೆಡ್ಡಾದ್ ಕಾಮರಾಯಗ್ ದಿಕ್ಕದಾಂತಿಲೆಕ್ಕ ಆಂಡ್. ಈ ಸಮಯೊಡು ಈ ಬಂಗರಸುನು ಜಮಲಾಬಾದ್ ಕೋಟೆದ ಖಿಲ್ಲೇದಾರೆ,ಉಪಾಯೊಡು ತರ್ಪುಡ್ದು ಗಲ್ಲ್ಗ್ ಕೊರ್ಯೆ ಆ ಕಾಮಪ್ಪನ ಮಗೆ 5ನೇ ಲಕ್ಷು ಮಪ್ಪೆ ಕಿಸ್ತರೆ ವರ್ಸ 1800ಟ್ ಪಟ್ಟ ಏರ್ಯೆ,ಈ ಸಮಯೊಡು ಇಂಗ್ಲೀಷೆರ್ ತುಳುನಾಡ್ನ್ ಪೂರಾ ವಶ ಮನ್ತೊಂಡೆರ್.ಈ ಬಂಗರಸು ಕಲ್ಯಾಣಪ್ಪನ ಕಾಟ್ಕಾಯಿದೊಟ್ಟು ಸೇರ್ದಂಗೆ ಲಕ್ಕಿನೆಡ್ಡಾತ್ರ,ಬಿಕರ್ಣಕಟ್ಟೆಡ್ ಕಲ್ಯಾಣಪ್ಪನ್ಲಾ, ಈ ಬಂಗರಸುನುಲ ಗಲ್ಲ್ ಗ್ ಕೊರೈರ್.
ಲಕ್ಷುಮಪ್ಪ ಬಂಗರಸು ತೀರಿಬುಕ್ಕ 6ನೇ ಕಾಮರಾಚೆ,ಶಾಂತರಾಜೆ, ಪದ್ಮ ರಾಜಗ್
ಸಂಪ್ರದಾಯಿಕ ರೀತಿಡ್ ಪಟ್ಟ ಆಂಡ್, ಕಡೇತ ಬಂಗರಸು ಪದ್ಮರಾಜ ಬಂಗರಸುಗು
ಬಂಗಾಡಿಡೇ ಪಟ್ಟ ಆದ್ ಅಲ್ಪ ಎಲ್ಯ ಅರಂತಲ್ಲ್ ಬಾರೊಂದು ಇತ್ತೆರ್.
ಆಡೆ ಬಂಗವಂಶದ ಆಳ್ವಿಕೆಮುಗ್ಗಿಂಡ್ ಇಂಗ್ಲೀಷ್, ಜಮಲಾಬಾದ್, ಕುದ್ರೆಮುಖ
ಇಂದೆನ್ ವಶಮನ್ತೊಂದು ಪ್ರವಾಸಿಧಾಮ ಮನ್ತೆರ್.
82
