ಒಂಜಿ ಪಟ್ಟೇ ನಿರ್ಸಾನಿ, ರಡ್ಡ್ ಸತ್ತಿಗೆ, 2 ಈಟಿಗಗ್ಗರ, 2 ಪಾರಕ, ಬೆತ್ತ (ಬೊಳ್ಳಿ ಕಟ್ಟಿಸುರೇಲ್
ಬೆತ್ತ) ಈತೆ ಅತ್ತಂದೆ, ಅರಸುಗು ಬುಡ್ದು ಕೊರಿ, ಸೀಮೆದ ವಿವರ, 1 ಮಲವಂತಿಗೆ, 2
ಕಳಿಯ, 3 ಪಾಡ್ಯಾರು, 4 ಬುಳೆಕ್ಕಾರು, 5 ಬಳ್ಳುಂಜ, 6 ಬಂಡಾಡಿ, 7 ಮದಗ, 8
ಪುತ್ತೂರು, 9 ಕೆಜೆಕಾರ್, 10 ಬಾಲ್ತಿಲ, 11 ಅಮ್ಟಾಡಿ, 12 ಮಣಿನಾಕೂರು, 13 ಪೆರೊಡಿ,
14 ನಿರ್ಮಾರ್ಗ 15 ಸಜಿಪ, 16 ಇರಾ, 17 ಇರ್ನೊಳಿ, 18 ವರ್ಕಾಡಿ, 20 ಮಂಜೇಶ್ವರ
ಈ 20 ಸೀಮೆದ ಬಲ್ಲಾಕುಳೆನ ಸೀಮೆಲೆನ್, ಅತ್ತಾಂದೆ 15 ಮಾಗಣೆದ ಅಧಿಕಾರೊನುಲಾ
ಧಾರಮೈತ್ ಬುಡ್ದು ಕೊರ್ದು, ದುಬುಂಗು ಬಂಗವಂಶೊದಕ್ಲೆಗ್ ಪಟ್ಟ ಆನಗಗುತ್ತು
ಗುರ್ಕಾರ್ಮೆದಕ್ಲೆ ಕರ್ತವ್ಯೊನು, ಶಾಸನ ಬರೆಪಾದ್ ಪೋಯೆ.
ಬಂಗಾಡಿ ಮಾಗಣೆ ನಡಗುತ್ತು ಮಾಣಿನಾಲ್ಕೂರು ಸೀಮೆ ನಾಲೂರು ಗುತ್ತು ಸಜಿಪ
ಸೀಮೆದ ಸಜಿಪಗುತ್ತು. ರೆಕಳ ಮಾಗಣೆದ ಹರೆಕಳಗುತ್ತು ಈ ನಾಲ್ ಗುತ್ತುಲೇ ರಾಜಗುತ್ತಲು.
ಉಂಗಿಲೊ ದೀವೊಡು ಹರೆಕಳಗುತ್ತುದಕ್ಕೆಗ್ಲ ಅವ್ವೆಮರ್ಯಾದಿ ಕೊರೊಡು. ಸಜಿಪ
ನಡುಗತ್ತುದಕುಳು ಪಟ್ಟೊದ ಪುದರ್ ಪುರಪುಡು ಲೆಪ್ಪೋಡು. ಉಂದು ಸಂತಾನ ಪಾರಂಪರ್ಯಅದೇ ನಡತ್ ಬರೊಡುಂದ್ ಕಟ್ಟ್ ಕಟ್ಟಲೆ ಮನ್ತೆ, ಸಜಿಪ ಗ್ರಾಮದ ಮುನ್ನೂರು ಭಟ್ರೆನ ಇಲ್ಲಾದಕ್ಕುಳು ರಾಜಪುರೋಹಿತಿಗೆ ಮನ್ಪೆರ ನೇಮಕ ಮನ್ತೆ.
ಇಂಚ ವೀರನರಸಿಂಹ ಬಲ್ಲಾಳೆ ವೀರಸಿಂಹ ಬಂಗಲ್ ಪಟ್ಟಕಟ್ಟ್ ದ್ ಸೀಮೆದ
ಅಧಿಕಾರಿ ಕೊರ್ದು ತುಳುವನಾಡ್ ಒಂಜಿನೇ ಮರ್ಯಾದಿದ ರಾಜವಂಶೆ ಪಂದ್
ಸಾರಿಯೆ, ತುಳುನಾಡ್ದ ಒರಿನ ಅರಸೊತ್ತಿಗೆ ದಕ್ಷೆನ್ ತೂದು ಅಲ್ಪದ ತಿತಿ ತೆರಿದ್
ಅಕ್ಸೆಗ್ಲ ಸಕಾಯಕೊರು, ಬೋಲ್ಡ್ರ ಬರಿಟ್ ಎರುಮಲೆ ತುದೆಗಿದ್ದೊಡು ಉಪ್ಪಿ ಗಡೊನು
ತೂದು, ಅಲ್ಪ ಆ ಗಡೊನು ಒಂಜಿ ಪ್ರವಾಸೀ ದಾಮ ಪಂದ್, ಅಯಿಮೊಟ್ಟುಕಟ್ಟಾದ್,
ಅಯಿತ ತರೆಟ್ ಬಂಗ್ಲೆ ಕಟ್ಟಾಯೆ ವೀರನರಸಿಂಹ ಬಲ್ಲಾಳೆ ಕಟ್ಟಾಯಿ ಆ ಗಡೊಕು
ನರಸಿಂಹಗಡ ಪಂದ್ ಪುದಾರ್ದೀಯೆ, ಕೆಲ ಸಮಯ ಕರಿದ್ ವೀರನರಸಿಂಹ ಬಂಗರಸು
ಕೊಲ್ಲಿ ಮಾಯಕ ಅಯಿನ ಜಾಗೆಡ್ ಕಾಲ್ಲಿದುರ್ಗೆಗ್ ದೇವಳಕಟ್ಟಾಯೆ. ಕುಲದೇವರಾಯಿನ
ಸೊಮನಾಥಗ್ ಪೂಜಾರಿಬೆಟ್ಟದಲ್ಪ ದವಳೊಲ, ಬಂಗಾಡಿದ ಗಿಟ್ಟ ಒಂಜಿ ಗಣಪತಿ
ದೇವಸ್ಥಾನ, ವೀರಭದ್ರ ದೇವಸ್ಥಾನ, ನಾಗಬೆಮ್ಮೆರೆಗ್ ಕಲಾಯಿಬಲ, ಕಟ್ಟಾಯಿನತ್ತಂದೆ
ಸ್ಯಾಬೆರೆನಕ್ಷೆಗ್ ಒಂಜಿಪಳ್ಳಿ ಕಟ್ಟಾದ್ ಪೊರ್ಲುಡು ರಾಜ್ಯಾಳುವಿಕೆ ಮತ್ತೊಂದು ಬತ್ತೆ.
ಈ ಕಾಲೊಡು ಬಂಗಾಡಿ ಸೀಮೆಗ್ ಧರ್ಮೊದೈಯಾಂಕುಳು ಬತ್ತೆರ್ಗೆ, ಅಯಿಕ್ ಒಂಜಿ
ಕತೆ ಉಂಡು.
75
