ತುದೆದಡ್ಡೆಡ್ ತನ್ನ ಪಾನು ಬುಡಿಯೇ. ಮನದಾನಿ ಅರಸು ನೇತ್ರಾವತಿ ತುದೆಟ್
ಜತ್ತ್ದ್ ಮೀದ್ ನಿತ್ಯ ಕುರ್ಮಾನುಷ್ಠಾನೊಲೆನ್ ಪೂರೈತೊಂದು ದಡ್ಡ ಬತ್ತ್ದ್,
ದೀತಿ ಮುಕ್ಕಾಳಿಗೆಡ್ ಕುಲ್ಲುಪ್ಪುನಗ, ಕಿಷ್ಣಪಯ್ಯ ಅರಸುಕುಮಾರನ್ ಲೆತೊಪೋದು
ಹೊಯ್ಸಳೇನ್ಸರನ ಪಾದೊಗು ನೀಟಪ್ಪಾ ಅಡ್ಡ ಬೂರ್ಪಾಯೆ, ಕೈಮುಗಿದ್ ಉಂತಿಯೆ.
ಅರಸುಲು ಅನೇ ಅಚ್ಚರಿಡ್ ತೂಪೆರ್! ಅಪಗ ಕೆಷ್ಣಪಯ್ಯ ಅರಸುವಂಶದ ಕರುಣ
ಕತೆನ್ ಪಣ್ಪೆ.
ಈ ಬಾಲೆ ಕಾಮರಾಯನ್ ಈರ ಪಾನೊಗು ಒಪ್ಪಾದೆ. ಇಂಬ್ಯನ್ ಕಾಪುನ
ಹಾರಭಾರ ಈರೆನವು "ಪಂದ್ ಭಿನ್ನಯಮನ್ನೊಂಡೆ. ಮೊಕ್ತನ ಕರುಣ ಕತೆ ಕೇನ್ಸ್
ವೀರನರಸಿಂಹನ ಮನಸ್ ಕರೆಗ್ಂಡ್. ಬಾಲೆನ್ ದೆರ್ತ್ ಲಕ್ಕಾಯೆ. ಪಾಡ್ಡು ಬೊಳ್ಳಿದ
ಗಿಂಡೆಡ್ ತರ್ಪುಡಿಯೇ ತನ್ನ ಜಕ್ಕೆಲ್ಡ್ ಕುಳ್ಳಾವೊಂದು ತನ್ನ ಕೈಟೇ ಪೇರ್ ಪರ್ಪಾಯೆ.
ಅರಸುಕುಮಾರೆ ಪೇರ್ ಪರ್ನಗ ಕಡೆಬಾಯಿಡೆ ಜತ್ತಿ ಪೇರ್, ಪರಿದ್ ನೇತ್ರಾವತೀ, ಸುದಸೇರುಂಡು, ಈ ಕುಮಾರಡ ಉಪ್ಪುನ ರಾಜಲಕ್ಷಣ, ವಿಶೇಷತೆ ಅರಸುಗು ತೆರಿದ್ ಸಂತೇಸ ಆಂಡ್. "ಕಿಷ್ಣಪಯ್ಯ ನನ ವಾ ರೀತಿದ ಬೇರೆ ಬೇಸರಲಾ ನಿಕ್ಲೆಗ್ ಬೊರ್ಚಿ. ಈ ರಾಜಕುಮಾರಗ್, ಪರಪಿ ನೇತ್ರಾವತಿ. ಒಲ್ಪ ಪುಟ್ಟುದು ಒಲು ಕಡಲ್ ಸೇರುಂಡಾ ಆಡೆ ಮುಟ್ಟದ ತುದೆತ್ತ ದತ್ತ್ ಬಳತ್ತ್ದ್ ಪದಿನೈನ್ ಮಾಗಣೆ, ಇರ್ವ ಸೀಮೆನ್ ಬುಡ್ದು ಈ ಗಂಗವಾಡಿದಪಟ್ಟಕಟ್ಟುವೆ. ತಿರ್ತ ಗಂಗವಾಡಿಡ್ ಆರಂತಿಲ್ಲ್ ಕಟ್ಟಾದ್ ಎಚ್ಚೆದಿನೊತಾನಿ ಪಟ್ಟಕಟ್ಟ್ ದ ಪೋಪೆಂದ್ ಪನ್ಪೆ , ಇನಿಯೆ ಅರಂತಿಲ್ದ ಕೆಲಸೊಗು ಪತ್ತಾಬೆ ಪಂದ್. ಶಿಲ್ಪಿಲೆನ್, ಮೇಸ್ತ್ರಿಲೆನ್ ತರುಡ್ದ್ ಎಡ್ಡೆ ಮೂರ್ತೊಡು ಕೆಸರ್ಕಲ್ಲ್ ಪಾಡೆಯೆ, ಅರಂತಡೆ ಕಟ್ಟದ್ ಅಂಡ್, ಕಾಮರಾಯಗ್ ಪಟ್ಟಕಟ್ಟುನದಿನ ಮುಟ್ಟ ಬತ್ತ್ಂಡ್. ಬಂಗವಾಡಿದ ಜನಮಾನಿಲು ಸಂತೇಸೊಡು ನಲಿತೆರ್. ಶಾಲಿ ವಾಹನರೆ ಶಕ 107ನೇ ಬಹು ಧಾನ್ಯ ನಾಮ ಸಂlರದ ಪಾಲ್ಗುನ ಕಪ್ಪುದಶಮಿದಾನಿ ಕಾಮಪ್ಪಗ್ ಪಟ್ಟಕಟ್ದ್ ತನ್ನ ಪುದರ್ನೇ ಆಯಗ್ ದೀದ್, ದುಂಬುಗು "ವೀರನಸಿಂಹ ಬಂಗ” ಪಣ್ಪಿ ಪುದಾರ್ಡ್ಯಾನ್ ಬುಡ್ದು ಕೊರಿಸೀಮೆನ್ ಆಳೊಂದು ಬಲ ಪಂದ್, ಧಾರಪೂರ್ವಕ, ಸೀಮೆನ್ ಬುಡ್ದ್ ಕೊರ್ಪೆ , ಗಂಗವಾಡಿ ಬಂಗಾವಾಡಿಯಾಂಡ್, ಗಂಗವಂಶದ ಅರಸುಲು ಬಂಗಪನ್ನಿ ಪುದರ್ಡ್ ರಾಜ್ಯಭಾರ ಮನ್ಸೂಡಂದ್ ಶಾಸನ ಬರೆಪಾಯೆ, ವೀರನಸಿಂಹ ಬಲ್ಲಾಳ ಅರಸುಲು, ಈ ರಾಜಬಿರ್ದ್ಲೆನ್ ಬಂಗರಸುಗು ಒಪ್ಪಾಯೆರ್. 1. ಪಾಲಕಿ, 1 ರತ್ನಕಂಬೊಳಿ, 1 ಆನೆ, 1 ಬೊಳಕುದುರೆ, 1 ರಣಹಳೆ, 1 ಮುದಲೆಬಾಯಿ, 2 ಚವಲ, 2 ಪಂಚದೀಟಿಗೆ, 1 ಬಂಗಾರ್ದಗಿಂಡೆ, 1 ರುಮಾಲ್ ರಡ್ಕ್ಕೆ ನಿಶಾನಿ, 1 ಮುದ್ರೆಉಂಗಿಲ, 1 ಪಟ್ಟದಕತ್ತಿ,
74
