ಅರಸುವಂಶೊನು ಮದತ್ಜೆರಂದ್, ಮನಸ್ಡೇ ಸಂತೇಸ ಪಡೆವೊಂಡೆ.
ಒಂಜಿದಿನ, ಭಂಡಾರಿ ರುದ್ರೆ ಅರುಸುಕುಮಾರೆ ಕಾಮರಾಯನ ತರೆಕುಜಲ್
ಕತ್ತೆರ್ತ್ದ್ , ಕುಜಲ್ನ್ ತುದೆತ ನೀರ್ಗ್ ದಕ್ಕೆರೆಂದ್ ಪೋಪೆ, ಕಿಷ್ಣಪಯ್ಯರ್,
ಅರುಸುಮಗನ್ ಲೆತೊಂದು ತುದೆಕ್ ಪೋಯೆರ್, ರುದ್ರೆ ತಾನ್ ಮದತ್ ಬುಡಿನ ಉಗುರು ಗೆಪ್ಪುನ ಕೊಲ್ಲಿನ್ ಕೊನವರೆ, ಕುಜಲ್ಗೆತ್ತಿ ಜಾಗೆಗ್ ಬನ್ನಗ, ಅಲ್ಪ ಕೊಲ್ಲಿ ಮಾಯ ಆದ್, ಒಂಜಿ ಮರಿ ಮಡಿಕೆಪಾಡ್ದ್ ಜಿಡದೆತ್ ಉಂತುದುನ ತೂಯೆ, ಒರಾನೆ ಪಿರ ಪಾರ್ ಪೋದು, ಪ್ರಧಾನಿ ಕಿಷ್ಣಪ್ಪಯ್ಯನ್ ಲೆತ್ತ್ ಬನ್ನಗ ಕೊಲ್ಲಿಲಾ ಮಾಯಾ ಮರಿಲಾ
ಮಾಯಾ, ಅಲ್ಪ ಜನಮಾನಿ ಕೂಡ್ಯೆರ್, ಈ ಜಾಗೆಡ್ ದಾದನಾ ಯಿಶೇಷತೆ ಉಂಡುಂದು,
ಅಲ್ಪನೆ ಬರಿಟ್, ಆನಿದ ಯಿರ್ಲ್ಡ್ ಕೃಷ್ಣಪಯ್ಯ ಜೆತ್ತೆರ್ಗೆ.
ಪುಲ್ಯಾಗ್ ಒಂಜಿನೇ ಜಾಲೊಡು ದುರ್ಗಾದೇವಿ, ಕನ್ನಿಕೆನ ಒರುವಾದ್ ಕನಟ್
ತೋಜಿದ್, “ಆಯಾ ಕಿಷ್ಣಪಯ್ಯಾ ಯೆತೆಗೆಪ್ಪಡ, ಬೇನೆ ಬೇಸಾರ ಬುಡ್ಡ, ಕೊಲ್ಲಿ
ಕೊಲ್ಲಿ ಮಾಯದ ನಿಲೆಟ್ ಕೊಲ್ಲಿದುರ್ಗೆ ಅಯಿನ ಎಂಕೊಂಜಿ ದೇವಳ ಕಟ್ಟಾವುನ
ಸಂಕಲ್ಪವನ್ನು, ನಿಕ್ಸೆಗ್ ಕಳೆಯಿರಾಜ್ಯ ಕೈಸೇರು" ಪಂಡ್ದ್ ಮಾಯ ಆಯೊಳು, ಕಿಷ್ಣಪಯ್ಯಗ್ ಎಚ್ಚೆರಿಗೆ ಆನಗ, ಈ ಕನತಬಗ್ಗೆ ಬಲ್ಯಾಯಡ ಕೇಂಡ್ದ್ ನಿರ್ದಾರ ಮನ್ಸ್ದ್ ಮನದಾನಿ, ಊರ ಕುಳು ಮಾತೆರೆನ್ ಕೂಡಾದ್, ಮಟ್ಟೂರ ಬೀರು ಬಲ್ಯಾಡ, ಪ್ರಶ್ನೆ ಕೇಣುವೆರ್, 108 ಎಕ್ಕಡಿಲೆನ್ ದೀದ್ ಪ್ರಾರ್ಥನೆ ಮನ್ಸ್ದ್, ಒಂಜಿಪುಂಡಿ ಎಕ್ಕಡಿನ್ ಗೆತ್ತ್ದ್
ಮಣೆಟ್ ದೀದ್ ಪದ್ರಾಡ್, ರಾಶಿಕಳೆದ್ ಆರೂಢ ಶೋಧನೆ ಮನ್ನುನಗ, ಎಲ್ಲಿನ ಲಗೊಡು
ಶುಕ್ರನ ಉದಯ. ಕರ್ಕಿಡ್ ಗುರು ಎಡ್ಡೆ ಶಕ್ತಿ ಮೂಲ ಉಂಡು, ಜಗತ್ಪ್ಪೆ ದುರ್ಗೆನ್
ಈ ತಲೊಟು, ದೇವಳ ಕಟ್ಟಾದ್ ತಾಪನೆ ಮನ್ಸಾಯರ್ಡ, ನಿಕ್ಕೆ ಕಳೆಯಿರಾಜ್ಯ ಕೈಸೇರು.
ಬರಿ ಅರಸುಡ, ನಿಕ್ಷೆ ಕಟ್ಟೋನು ಪಣೆ, ನಿಕ್ಲಗ್ ಅರಸುನ ಸಹಾಯ ಸಿಕ್ಕುಂಡು. ಇತ್ತ
ಅಪ್ಪೆದುರ್ಗೆಗ್ ನಿಕ್ಸ್ ಗುಡಿಕಟ್ಟಾವು ಸಂಕಲ್ಪ ಮಲ್ಟಿ ಪಂದ್, ನಿವೃತ್ತಿ ರಾಶಿ ತೋಜಾಯ್.
ಬಲ್ಯಾಯನ ಬಲಿಮ್ ಕೇನ್ಸ್ ಕಿಷ್ಣಪಯ್ಕೆ ಹಿರಿಯಾಕುಳೆಗ್ ಒಟ್ಟುಗ್ ಆ ಕಾರ್ಣಿಕದ
ಜಾಗೆಡ್ ಸಂಕಲ್ಪ ಮತ್ತೊಂಡೆ, ಹೊಯ್ಸಳೇಶ್ವರನ್ ಕಾತೊಂದು ರಾಜಪರಿವಾರ, ಮಿತ್ಯಾವು
ಬರ್ಕೆಡ್ ಇತ್ತೆರ್.
ಕೆಲವು ಸಮಯ ಕರೀಂಡ್. ದೋರಸಂದ್ರೋದ ಅರಸು ಒಂಜಿನೇ ವೀರನರಸಿಂಹರಾಯೆ ತನ್ನ ಪಾಳ್ಯದೊಟ್ಟುಗು ತುಳುನಾಡ ಸೀಮೆದ ತಿತಿಗತಿ ತೆರ್ಯೆರೆಗಾಸ್ರ, ಆನಿದ ದಿನೊಟು ಕಡ್ತಿ ಕಲ್ಲಘಾಟಿ ಜತ್ತ್ದ್ ಮಿತ್ಯಾವು ಬರ್ಕೆದಡೆ ಬತ್ತೆಗೆ, ನೇತ್ರಾವತಿ
73
