ಕುಲದೇವೆರಾಯಿನ ಸೋಮನಾಥನ ಮೂರ್ತಿನ್ ಪತ್ತೊಂದು, ಸೇನವೆರ್ ವೆಂಕಪಯ್ಯೆ,
ಪತ್ತ್ವರ್ಸೊದ ರಾಜಕುಮಾರೆ ಕಾಮರಾಯನ್ ಲೆತೊಂದು, ಅರಸುಲು
ಪೂಜೆಮನ್ತೊಂದಿತ್ತಿನ ಶಾಂತಿನಾಥ ಜಿನ ಬಿಂಬ, ಕುಲದೇವೆರಾಯಿನ ಸೋಮನಾಥನ
ಮೂರ್ತಿನ್ ಪತ್ತೊಂದು, ಸೇನವೆರ್ ವೆಂಕಪಯ್ಯೆ, ತಿಮ್ಮಪ್ಪಯ್ಯೆ, ಜೈನೆರಾಯಿನ, ಮಟ್ಟೂರ ಉಲ್ಲಯೆ, ಕುಪ್ಪಣ್ಣಭಟ್, ಈ ನಾಲ್ವೆರ್, ಹಿರಿಯಾಕ್ಲೆನ್ ಕೂಡೊಂದು ಗಟ್ಟ ಬಡತ್ದ್ ಇರುವೈಲ್, ದುರ್ಗದ ಬಳ್ಳಿಡ್, ಮಯ್ಯೊಡು ಹೊಯ್ಸಳೆರೆಗ್ ತೆರಿಯಂದಿನಂಗೆ, ಬದ್ಕೊಂದಿತ್ತೆರ್.
ಕೆಲವು ಕಾಲ ಕರೀಂಡ್, ವಿಷ್ಣುವರ್ಧನರಾಯೆ, ಸೊರ್ಗೊಸಂದಿಯೆ. ಆಯನಮಗೆ, ತ್ರಿಭುವನಮಲ್ಲ ಭುಜಬಲ ವೀರ ನರಸಿಂಹೆ ಗೋರಸಂದ್ರೊ (ದ್ವಾರಸಮುದ್ರೊ) ಡು ಪಟ್ಟೊ ಏರ್ಯೆ. ಆಯೆ, ಭಾರಿ ಗುಣವಂತೆ, ಘನತಿಕೆದಾಯೆ, ಆಯನ ಕೀರ್ತಿನ್ ತೆರಿನ ಕಿಷ್ಣಪಯ್ಯೆ, ತನ್ನ ಒಟ್ಟುಗಿತ್ತಿ ಹಿರಿಯೆರೆನೊಟ್ಟು ಸಮಾಲೋಚನೆ ಮನ್ತ್ದ್, ರಾಜಕುಮಾರನ್ ಲೆತೊಂದು, ಘಟ್ಟಸೀಮೆಗ್ ಪೋವೊಡುಂದ್ ಗಟ್ಟಜತ್ತೆರ್ ಆ ಪೊರ್ತುಡು ಆಕ್ಲೆಗ್ ಆಶ್ರಯಕೊರ್ದು ಕಷ್ಟಸುಕೊಟು ಸಕಾಯಮನ್ತಿನ ಕರ್ನಾಟಕ ಬೆರಣೆ ಮರಿಯಪ್ಪಯ್ಯೆ, ಬಂಗಾರ್ದಬೇಲದ ದೇವು ಆಚಾರಿ, ಭಂಡಾರಿ ರುದ್ರೆ, ಬೋವಿ ಗುರುವೆ, ಸೈಬೆ ಜಾಂಗ್ ಖಾನ್, ನೇಮಿಖಾನ್, ಕುಂಟುಪೊಲ್ಲುನ ದಾದಬಾಯಿ, ಬೇರೂದ ಬಿರ್ಸೆ ಯಾಕೂಬು, ಮಾಳವ ಕನ್ನಡೆ ಚಂದ್ರನಾಯಕೆ, ಅಪ್ಪಯ್ಯನಾಯಕ, ಬೇರೊದ ಬಿರ್ಸೆಪಾರಪ್ಪ ಸೆಟ್ಟಿ, ಮಸ್ಕೊಳೆ ತಿಮಪ್ಪೆ, ಬೈರುಪೂಜಾರಿ, ರಜಪೂತ ಬೀರೆ ದೇವು ಮಾಣಿ, ಲಕ್ಷ್ಮಣ ಸಿಂಗೆ, ಮೊಕ್ಕು ಅಕೆ ಬೆರಿಯೆನೆ ಬತ್ತೆರ್. ಅರಸುವಂಶದ ರಕ್ಷಣೆಗಾತ್ರ ಜೀವಕೊರರಲ ಪಿರಜಾರಂದಿ ಈ ಸಾಮಾಜಿಕೆರ್, ಅರಸು ಪರಿವಾರೊದಕ್ಕೆ ಒಟ್ಟು ಕಡ್ತಿಕಲ್ಲ ಘಾಟಿಡೆಜತ್ತ್ದ್, ಬನ್ನಗ, ಮಿತ್ಯಾವುದ ಬರ್ಕೆಡ್ ಕುಲ್ಲುದು, ತಿರ್ತ ಬಂಗವಾಡಿ (ಗಂಗವಾಡಿ) ಗ್ ಪೋವೊಡ್ಂದ್, ಅಲೋಚನೆಮನ್ಸ್ದ್ ಮಾತೆಲ್ಲಾ ಒಂಜೆ ಅಭಿಪ್ರಾಯೊಡು ಪಿದಾಡ್ಯರ್, ಮಿತ್ತಗಂಗವಾಡಿ, ಬಂಗವಾಡಿ, ಕೊಮಿನಡ್ಕದ, ಅಡ್ಕದ್, ನೇತ್ರಾವತಿ ತುದೆ ಬರಿಟ್ ಬಿಡಾರ ಮಲ್ತೆರ್.
ಕೆಲವು ದಿನ ಈ ಜಾಗೆಡ್ ಇತ್ತ್ ದ್, ಈ ಸೀಮೆದ ಜನೊಕುಳೆ ಮನಸ್ ತೆರಿಕೊ, ಪಂದ್ ಕಿಷ್ಣಪಯ್ಯ ಪನ್ಪೆ, ಅಂಚನೆ ಅಕುಳು ಅಲ್ಪ ಬುಡಾರ ಮಲ್ತಿ ಯಿಸಯ ಕೇನ್ದ್ ಅಕ್ಲೆನಡೆ.ಅರಿ, ಸಾಮಾನ್, ಬುಳೆಕಾಣಿಕೆಲೆನ್ ಕೊನದ್ ಊರ್ದಕುಳು ಕೊರ್ಯೆರೆ ಶುರುಮಲ್ತೆರ್. ಅರುಸುವಂಶದ ಕೊಡಿ ಒರಿದುಂಡು ಪನ್ಪಿ ಸಂತೇಸ ಬಂಗವಾಡಿದ ಜನೊಕುಳೆನ. ಮೊಕ್ಲೆ ಅಭಿಮಾನೊಗು ಕಿಷ್ಣಪಯ್ಯನ ಮನಸ್ ತಲ್ಮೆನ ಆಂಡ್ ಜನೊಕುಳು
72
