ಬಂಗಸೀಮೆಡ್ ಪುಣ್ಯತುದೆ ಉಂದು, ಬಂಗವಾಡಿಡ್ ನೆಲಸಮ ಆದ್ ಬೂರ್ದಿ ಬಸ್ತಿ,
ಅರಂತಲ್ತ ಕುರು, ಗುರ್ತೊಲು, ಜರಿದಿ ಕೋಟೆ, ಬೇರೊಗು ಪುದರ್ ಪಡೆಯಿ ಬಂಗಾಡಿ
ಪೇಟೆದ ಚುತುಸಂಗಪೇಂಟೆದ ಅವಶೇಷಲು, ದುಂಬುದ ಇತಿ ಆದಿನ್ ನೆನಪು
ಮಲ್ತೊಂದುಂಡು.
ಇನಿಕ್ ಒಂರ್ಬೊನೂದು ವರ್ಸೊಗು ದುಂಬುಡ್ಡೇ ರಾಜರಾಜ್ಯದ ನೆಂಪುಡು?
ಮೆರೆಯಿನ ಬಂಗಸೀಮೆದ, ಬಂಗ ಅರಸುಲುನಕುಳು, ತುಳುನಾಡ್ಡ್ ಒಂಜಿನೇ
ಸ್ಥಾನಮಾನ, ಮರ್ಯಾದಿ ಪಡೆಯಿನಕಳು. ಈ ತುಳುಸೀಮೆದ ತುಂಡುಭೂಮಿಡ್
ಬಾಳೊಂದಿತ್ತಿ ಜೈನಬಲ್ಲಾಕುಳು ಬಂಗರಸುಲೆಗ್ ಬಾರೀ ಮರ್ಯಾದಿ ಕೊರೊಂದಿತ್ತೆರ್.
ಬೂತಾಳ ಪಾಂಡ್ಯನ ಕಾಲೊಡೇ ಬಂಗಸೀಮೆ ಚೌಟಸೀಮೆ ಇತ್ತ್ಂಡ್ ಪನ್ಪಿ ಭೂತಾಳ
ಪಾಂಡ್ಯನ ಕಟ್ಟ್ ಕಟ್ಟಲೆದ ಕತೆಟ್, ಕಡೆಮುದೆಲ್ದಾಂತೆ ಬರೆದುಂಡು, ಆಂಡ,
ಬಂಗವಂಶೊದಕುಳೆ, ವಿವರೊನು ತಲಾಸ್ ಮನ್ತಿ, ಇತಿಹಾಸೊಡು ಒಂತೆ ಸತ್ಯತೆ
ಇತ್ತಿನೆಡ್ದಾವರೆ, ಮೂಲಚರಿತ್ರೆದ, ಭಿನ್ನಾಭಿಪ್ರಾಯೊನು ಚರ್ಚೆಗ್ ಗೆತೊನಂದೆ, ಆ
ಇತಿಹಾಸೊದ ಪುಟೊ ಬುಡ್ಪಾಗ. ಕಿಸ್ತೆರೆ ವರ್ಸ (ಕ್ರಿಸ್ತಶಕ) 1157ನೇ ಇಸವಿಡ್ದ್ ದುಂಬುದ
ಬಂಗರಸುಲೆನ ಮೂಲ ಚರಿತ್ರೆ ಸಿಕ್ಕೊಂದಿಜ್ಜಿ. ಅಂಚಾದ್ ಈ ಇಸವಿಡ್ದ್ ಬುಕ್ಕ ಸಿಕ್ಕಿಂಚಿ,
ಕೈಪೆತ್ತ್ ದಾಕಲೆನ್ ತೂದು ಬರೆತಿ, ಈ ಚರಿತ್ರೆನೇ ಇತಿ ಆದಿ ಆವರೆ ಸಾಧ್ಯ ಉಂಡು. ಈ
ಬಂಗರಸುನಕುಳು ಏರ್? ಅಕ್ಲೆ ಆಳ್ವಿಕೆ ವಾ ಕಾಲೊಡು ಸುರುಆಂಡ್? ಎಂಚ ಸುರು
ಆಂಡ್! ಇಂದೆನ್ ತೆರಿಯೊನುಗೊ.
ದುಂಬುಡು ಬಂಗಾಡಿಗ್, ಗಂಗವಾಡಿ ಪಂದ್ ಪುದರ್ ಇತ್ತ್ಂಡ್. ತಿರ್ತ
ಬಂಗವಾಡಿ (ಗಂಗವಾಡಿ)ಡ್ ಗಂಗವಂಶೊಗು ಸೇರಿ, ಚಂದ್ರಶೇಖರೆ ಪನ್ಪುನಾಯೆ, ಗಟ್ಟದ
ಬರಿತ ಎಲ್ಯ ಸೀಮೆನ್ ಆಳೊಂದಿತ್ತೆ. ಜೈನಕ್ಷತ್ರಿಯೇ ಆಯಿನ ಚಂದ್ರಶೇಖರಗ್,
ಗಟ್ಟಸೀಮೆದ ಈ ವೂರುಡು ಎಲ್ಯ ಒಂಜಿ ದಂಡ್, ಎಲ್ಯೊಂಜಿ ಆರಂತಿಲ್ಲ್, ಎಲ್ಯ
ಮಟ್ಟ್ದ ಸಿರಿಸಂಪೊತ್ತು, ಇತ್ತ್ಂಡ್, ಹೊಯ್ಸಳ ವಿಷ್ಣುವರ್ಧನನ ಕಾಲೊಡು, ತಲಕಾಡ್ದ
ಗಂಗ ಸಾಮ್ರಾಜ್ಯದಕ್ಲೆಡ, ಭಾರೀ ಪಗೆ. ಈ ಚಂದ್ರಶೇಖರೆ ಗಂಗವಂಶದಾಯೆ ಪನ್ಪಿ
ಪಗೆಟ್, ತುಳುನಾಡ ಸೀಮೆಗ್ ರಾಜ್ಯ ವಿಸ್ತಾರೊಗು ಬತ್ತಿ ವಿಷ್ಣುವರ್ಧನೆ, ಚಂದ್ರಶೇಖರನ್
ಲಡಾಯಿಡ್ ಕೆರ್ಪೆ, ಅಂಚನೆ ತುಳುನಾಡ್ದ ಆಲೂಪ ಅರಸುಲೆನ್ ಸೋಪಾಬೆ,
ಚಂದ್ರಶೇಖರೆ ದಂಡ್ದ ಕಲಟ್ ತೀರ್ಯೆ ಪನ್ಪಿ ಸುದ್ದಿ ತಿಕ್ಕಿ ಬುಕ್ಕ, ಅರಸುವಂಶೊನು
ಒರಿಪೊಂದು, ಅರಸುನ ಪ್ರಧಾನಿ ಕಿಲ್ಲೂರುದ ಕಿಷ್ಣಪ್ಪಯ್ಯೆ, ಪತ್ತ್ ವರ್ಸೊದ ರಾಜಕುಮಾರೆ
ಕಾಮರಾಯನ್ ಲೆತೊಂದು, ಅರಸುಲು ಪೂಜೆ ಮನ್ತೊಂದಿತ್ತಿನ ಶಾಂತಿನಾಥ ಜಿನ ಬಿಂಬ,
71
