ಬಂಗಾಡಿದ ಬಂಗರಸೆ ಇತಿ ಆದಿ
ಅನ೦ತರಾಮ ಬಂಗಾಡಿ
ಕುದುರೆಮುಖೊತ ಗಂಗಾಮೂಲೆಡು ಉದಿತ್ದ್, ತೆನ್ಕಾಯಿ ಘಾಟಿದ ಒಲ್ಪೆಡ್
ಪರಿವುಡು ದುಂಬರಿದ್, ಪಡ್ಡಾಯಿ ಕಡಲ್ ಸೇರುವ ತುದೆನೇ, ನೇತ್ರಾವತಿ, ತನ್ನೆಡತ್ತ್
ಬಲತ್ತ್ಡ್ ಪಚ್ಚೇರಿ ಕಾಡಪೊರ್ಲುಡು, ಕಂಗ್, ಬಾರೆ ತಾರೆ, ಕೆಯಿತ ಸಿಂಗಾರ್ದ
ಸಿರಿಸಂಪೊತ್ತಗು, ತಂಪುಕೊರ್ದು ಎಳನೀರ ಘಾಟಿಡ್ದ್ ದುಂಬರಿದ್ ತಿರ್ತಗಂಗವಾಡಿಂದ್
ಪುದರಿತ್ತಿ, ಬಂಗಾಡಿದ ಅರಂತಲ್ತ ಗಿಟ್ಟೊಡೆ ಪರಪಿನ ಬಂಗಸೀಮೆದ ಜೀವ ವಾಹಿನಿ
ಮೋಳು. ಮರ್ಯಾಲೊಡು ಉರ್ಕುದು, ಅರೆಗಾಲೊಡು ಸಿರ್ಕ್ದ್, ಕುಮಾರ ಧಾರಗ್
ಮುತ್ತು ಕೊಯ್ದು, ಕಡಲರಾಯನ ತೋಳ ಬಂಧನೊಗು ಸೇರೊಂದುಳ್ಳೊಳು.
ಈಸರದೇವರೆ ಕಣ್ಣ್ಡ್ ಉದಿತ್ದ್ ಗಟ್ಟದ ಮಣ್ಣೆಗ್ ಬೂರ್ದ್, ತುಳುವಪಪ್ಪೆನ ಮೈಲಿಗೆ ಕಳೆವರೆ, ದೇವಗಂಗೆಲೆಕ್ಕ ಪಡ್ಡಾಯಿ ಮಖೊಪತ್ತಿ ನೇತರಾವತಿ ಪುಣ್ಯತ್ಮೆದಿ ಕಳಸೊಡು ಪುಟ್ಟು ರುಸಿ ಮನ್ತಿನ ಸೋಮಯಾಗೊಡು ಉರ್ಕಿಸೋಮರಸ, ಓಣಿಒಂರ್ಕುಡೆ ತನ್ನೆ ತೋಡಾದ್ ಪರಿತ್, ಈ ನೇತ್ರಾವತಿನ್ ಸೇರಿನೆಡ್ಡಾವರೆ ಈ ತುದೆ ಪುಣ್ಯ ತುದೆ ಆಂಡ್ಗೆ, ಜನೊಕುಲೆ ಪಾಪೊಕುರೆನ್ ಕುಡುಮೊಡು ಕುಂದಾದ್, ಉಬಾರ್ಡ್ ಒಂದಾದ್, ಸಾರಲೀಂಗೇಶ್ವರನ ಪಾದೊದೆಕ್ಕ್ದ್ ಮೈಲಿಗೆ ಕಳೆವೊಂದು. ಕುಮಾರನ್ಕುಡೊಂದು, ಮಲ್ಲ ಹೆಗ್ಗಡ್ದಿ ಪೊಂಜೊವೆ ಲೆಕ್ಕ. ಯಾನೆ, ಪನ್ನಿ ಅಹಂಕಾರೊಡು, ಕಡಲ್ ರಾಜನ್ ಅರಂಟ್ ಪತ್ತಿ ಬಂಗಸೀಮೆದ ಭಾಗ್ಯದೇವತೆ ಈ ನೇತ್ರಾವತಿ, ಭಂಡಾಜೆದ ದುರ್ಗದ ಕೋಟೆಡ್ದ್, ತನ್ನ ತೋಡೊಂಜಿ ಚರ್ಬಿಡ್ಲಾಗಿದ್, ನೀರನಿಧಿ, ಅರ್ಬಿಯಾದ್, ಕಿನ್ನಿಮಜಲ್ಡ್ ಕನ್ಯೆ ನೇತ್ರಾವತಿನ್ ಸೇರುಂಡು. ಆನೆಲು ತಿರ್ಗುನ ಕಾಡಬರಿಟ್, ಆನಡ್ಕದ ಆರ್ಬಿಯಾಯಿ ಮಿತ್ಯಾವುತುದೆ, ಪೆರ್ಮರಿಗುಪ್ಪೆಡ್, ಬೊಳ್ಳದ ಅರ್ಬಿಯಾದ್ ಪರತ್ ಬತ್ತಿಕಿಲ್ಲೂರು ತುದೆ, ಮಲೆನೀರ್ನ್ ಕೊನೊ ಮುಟ್ಟವುನ ಎಲ್ಯಮಲ್ಲ ತೋಡುಲು ಸೇರ್ದ್, ನೇತ್ರಾವತಿ ಗರ್ಭದ ಪೊಂಜೊವೆಲ್ಲಕ್ಕ ಸಾಗಿನ ಆಳ್, ಸತ್ಯದ ಬುಳೆ ಆತ್ಯಾರಬಿದೆ, ಗಂಧಸಾಲೆ, ರಾಜಕಾಯಮೆ, ಸುಗ್ಗಿ ಕಾಯಮೆ, ಕಾಯಮೆ ಪನ್ಪಿ ಬಿತ್ತ್ ಬಿತ್ತಿನ ಕಂಡೊಲೆನ್ ನೀರುಣ್ಪಾದ್ ತನ್ನ ಬಿರ್ದ್ಬಿರ್ಸ್ಗ್ ಎದ್ರೇಂದ್ ದುಂಬರಿದ್ ಕೀರ್ತಿಪಡೆಯೊಲು.
70
