ಇತ್ತೆ ಕಾರ್ಯಕ್ರಮ ಮಲ್ಪುನಾಕ್ಲು, ನಾಟಕ ತಂಡ ಕಟ್ಟ್ ಗ್ ಗೊಬ್ಬುನಾಕ್ಲೆನ್ ಲೆತ್ತ್ ದ್, ಮನರಂಜನೆ ಕೊರ್ದು ಕಾರ್ಯಕ್ರಮ ಮುಗಿಪಾವೆರ್. ಇಂಚಿನ ಕೆಲವು ತಂಡಲೂ ಉಂಡು, ಯಾನ್ ಮುಕುಲೆನ್ ಲೆತ್ತ್ದ್ ಅಭಿನಯ ಮಲ್ಪಾಪುನಿ ಪನ್ಪಿನತ್. ಅಕುಲೆಗ್ಲಾ ಅವಕಾಶ ತಿಕ್ಕೊಡು. ಆಂಡ ನಮ್ಮ ಸುತ್ತ ಇತ್ತಿನ ಕಲಾವಿದೆರ್, ಎಡ್ಡೆ, ಎಡ್ಡೆ ಕೃತಿ ರಚನೆ ಮಲ್ತೊಂದು ಇತ್ತಿ ಸಾಹಿತಿನಾಕ್ಲು, ಅವಕಾಶ ಕಳೆಯೊನೊಡಾ?
ತುಳು ಭಾಷೆದ ಬುಳೆಬೆಲ್ಲ್ ಪಾತೆರ ಬನ್ನಗ ಉದಾರಣೆ ಕೊರ್ಪಿನಿ, ತುಳು ಚಳವಳಿ ಪ್ರಾರಂಭ ಮಲ್ತ್ದ್ ಸೋತುದು, ಊರು ಬುಡ್ದ್ ಪಾರಿನ ಪಣಿಯಾಡಿಯೆರೆನ ಉದಾರಣೆ. ಅಂಚಿನ ಅನುಭವ, ತುಳುಟು ಪ್ರಾರಂಭಮಲ್ತಿನ ಪತ್ರಿಕೆ, ಎಡ್ಡೆ ರೀತಿಡ್ ಚಿತ್ರೀಕರಣ ಆತಿನ ಸಿನೇಮಾ, ಅಂಗಲಾಪುಡು ತುಳು ಕಾದಂಬರಿ, ನಾಟಕ ಬರೆದ್ ಪ್ರಕಟ ಮಲ್ತಿನ ಮಾತೆರೆಗ್ಲಾ ಆತ್ಂಡ್. ಅಂಡ ಊರು ಬುಡ್ದ್ ಪಾರಂದೆ ಇತ್ತ್ಂಡಲ, ತುಳುತ ಸಹವಾಸ ಬೊಡ್ಚಿಂದ್, ಮಲ್ತಿ ಸಾಲನ್ ಎಂಚಾಂಡಲ ಉರ್ದ್ ದ್ ತೀರ್ಸಾದೆರ್. ಕೆಲವೆರೆನ ಬಾಕಿ ಇತ್ತ್ ದ್, ಭಂಗಬರೇಂದ್ ಉಪ್ಪೆರೆಲಾ ಯಾವು!
ತುಳುನಾಡ್ಡ್ ತುಳುಕು ಪ್ರೋತ್ಸಾಹ ತಿಕ್ಕಂದೆ ಇತ್ತಿನ ಬಾರೀ ಆಶ್ಚರ್ಯ! ತುಳುವೆರೆನ ಅಸಡ್ಡೆನಾ, ಆಲಕ್ಷ್ಮನಾ ತೆರಿಯೇನರೆ ಬಾರೀ ಭಂಗ ಆತ್ಂಡ್. ಓದರ ಕಷ್ಟ-ಕೇನೆರೆ ಕುಶಿ ಅತ್ತೆ? ನಾಲ್ ದಿನ ಬಾಲ್ಯಡ್ ಕಲ್ತಿಲೆಕ್ಕ ಅಭ್ಯಾಸದ್ ಹಟ ಮಲ್ತ್ಂಡ, ತುಳು ತೆರಿಯೇನೆರೆ, ಓದರೆ, ಬರೆಯೆರೆ ದಾಲಾ ಕಷ್ಟ ಇಜ್ಜಿ.
ರಂಗಭೂಮಿ ರಂಗ್ ಕಳೆಯೊಂದುಂಡು. ನೆಕ್ ನಮ ಶ್ರಮದತೊನಿಯೆರೆ ಪಿರಜಾರಿನನೇ ಮುಖ್ಯ ಕಾರಣ. ನಮ್ಮ ಸುತ್ತ-ಮುತ್ತ ಮಸ್ತ್ ಕಲಾವಿದರ್ ಉಲ್ಲೆರ್. ನಮ್ಮ ಮಲ್ಪುನ ಕಾರ್ಯಕ್ರಮಡ್ ನಮಾಕ್ಲೆ ಅಭಿನಯಮಲ್ಪೊಡ್, ಇಂಚಿನ ಕುಡ ಪ್ರಾರಂಭ ಆವೊಡ್. ಉಂತುದು ಪೋತಿ ಸಿನೇಮಾ ಚಿತ್ರೀಕರಣ ಪ್ರಾರಂಭ ಆತ್ಂಡ್. ಎಡ್ಡೆ ನಾಟಕ ಬರೆಪಿನಾಕ್ಲೆಗ್ಲಾ ಪ್ರೋತ್ಸಾಹ ತಿಕ್ಕಡ್. ತುಳು ಸಾಹಿತ್ಯ, ಸಂವೃದವಾದ್ ಮೆರೊಯಡು. ಈ ಬಗ್ಗೆ ತುಳುವೆರ್, ತುಳುಕಾದ್ ಬೆನ್ನಿ, ಬೇಸಾಯ ಮಲ್ಪುನಾಕ್ಲೆಗ್ ಬೆರಿ ಸಹಾಯ ಮಲ್ತ್ದ್, ಅಭಿನಯಡ್ ಆಸೆ ಇತ್ತಿನಾಕ್ಲೆಗ್ಲಾ ಪ್ರೋತ್ಸಾಹ ಕೊರೊಡು. ನಮ್ಮ ಕಾರ್ಯಕ್ರಮಡ್, ನಮಾಕ್ಲೆ ರಂಗಭೂಮಿ ಮೆರೆಂಡ, ರಂಗ್ ಖಂಡಿತಾ ಕಳೆಯೇರಿಂಡಯೆರೆ ರಂಗಭೂಮಿ ರೈಸುಂಡು. ಇತ್ತೆ ನಾಟಕ ಅಭಿನಯ ಮಲ್ಪುನಾಕ್ಲೆನ್ ಮದಪಡೆ. ಕಲಾರಂಗಡ್ ನಮ್ಮಾಕ್ಲು ಗೊಬ್ಬುನ ಅವಕಾಶ ಹೆಚ್ಚ ಮೂಡಾದ್ ಕೊರ್ಲೆ.
69
