ಗಂಗನಾಡ್ ಕೊಂಗದೇಸೊಡು ಬಂಗಾರಿನ್ನ ಅರಂತಡೆಟ್ ತೂಂಕಿನುಜ್ಜಾಲ್ ಪರಂಗಿ ಮಂಚೊಡು ತಗೆತಂಗಡಿದೈಯಾಂಕುಳು ಎದ್ರೆದ್ರ್ ಒಲಗ ಆಯೆರ್. ಈ ದೈಯೊಂಕುಳು ಎಳ್ವೆರ್ ಕನಡೆರೆ ಪೊಂಜೊವು ಮಾನ ಮಚ್ಚರ ಮನ್ತೆರ್ಂದ್ ಗಟ್ಟಸೀಮೆ ಬುಡ್ದು ತುಳುರಾಜ್ಯ ಪತ್ತ್ಗಪಂದ್ ಬರ್ಪೆರ್. ಉರ್ಕಿನಡೆ, ದಂಬೆದಂಗಡಿ, ಜಂಕಿಬುಡಾರ, ದಾಂಟ್ಯೆರ್, ಕಡ್ತಿಕಲ್ಲ ಘಾಟಿದಡೆ ಬನ್ನಗ ಭೈರವ ದೇವೆರೆ ದೇವಳೊ ತೋಜುಂಡು. ಮೂಜಿಸುತ್ತು ಬತ್ತೆರ್, ಗಂಧಪ್ರಸಾದ ಪತ್ಯೆರ್. ಬಚ್ಚೆಲ್ಗ್ ಕುಳ್ಯೆರ್, ಸಂಚಿ ಬುಡಿಎರ್ (ಬಚ್ಚಿರೆ ಪೂಲು ತಿನ್ಪುನ) ಅಲ್ಪಡ್ಜ್ ಪಿದಾಡ್ದ್ ಕಡ್ತಿಕಲ್ಲ ಘಾಟಿಡೆ ಜತ್ತೊಂದು ಬರ್ಪೆರ್. ಮಿತ್ಯಾವುದ ತುದೆ, ಮಿತ್ಯಾವುದ ಬರ್ಕೆ ಪಿರ ಬುಡಿಯೆರ್. ಜಂಗಮಕಿರೆ ದಾಂಟ್ಯೆರ್, ಕಮ್ಮಿನಡ್ಕ ಬರ್ಕೆದಡೆ ಬತ್ತೆರ್. ದೂರೊಡು ಕೊಲ್ಲಿದೇವಳೊ, ಕೊಲ್ಲಿದ ಬನೋ ತೋಜಿಂಡ್. ಭಕ್ತಿಡ್ ಆಡೆ ಪೋಯೆರ್ ದೇವಳೊಗು ಮುಜುಸುತ್ತು ಬತ್ತೆರ್. ವರ್ಸೋಗೊರೊ ಪಯಣ ಬೋಡಂದ್ ದೇವಿಡ ಅಪ್ಪಣೆಕೇಂಡೆರ್. ದೇವಿನ ಮದಿಪಾಂಡ್. ಬಚ್ಚೆಲ್ಗ್ ಕೊಲ್ಲಿ ದೇವೆರೆ ಬನೊಕು ಪೊಗ್ಯೆರ್, ಚಂಚಿಬುಡಿಯೆರ್ ಕೊಮ್ಮಿನಡ್ಕ ಬರ್ಕೆಡ್ ಜಾಡುಉಪ್ಪರಿಗೆ ಮಾಡ ಕಟ್ಟಾವೊಂಡೆರ್. ಅಲ್ಪಡ್ ಮಾಸ್ತಿಕಲ್ಲ್, ಮರಣ ಭೂಮಿ ದಾಂಟ್ಯೆರ್. ಬ್ರಹ್ಮದೇವೆರೆ ಪಾದ ಪತ್ತೆರ್. ಅಲ್ಪಡ್ ಮಾಸ್ತಿಕಲ್ಲ್ ಮರಣಭೂಮಿ ದಾಂಟೆರ್, ಬಂಗವಾಡಿ ಅರಂತದ್ ಉಪ್ಪಿನ, ಶಾಂತಿನಾಥ ಬಸ್ತಿಗ್ ಪೊಗ್ಯ, ಸುತ್ತು ಬತ್ತೆರ್ ಕೊಡಿಮರಕ್ ಬೆರಿಪಾಡ್ ಉಂತೆರ್. ಗಂಧ ಪ್ರಸಾದ ಪತ್ತೆರ್. ಒರ್ಸೊಗೊರ ಭೇಟಿ ಬೋಡಂದ್ ಕೇಂಡೆರ್. ಸ್ವಾಮಿ ಅಪ್ಪಣೆ ಪಡೆಯರ್, ಬಸ್ತಿ ತಿರ್ತ್ಜ, ಮುಖ, ಸಾಲೆಡ್ ಉಂತೆರ್. ಪಟ್ಟದ ಆನೆ ಅರೆದ್ಂಡ್, ಗುತ್ತು ಗುರ್ಕಾರ್ಮೆಗ್ ಜನಪೋಂಡು, ಮೈಂದಪಾಂಡಿ, ಮತ್ತನ ಪಾಂಡಿ, ಸಾಯನ ಪಾಂಡಿ, ಬೊಳ್ಳೂರಗುತ್ತು ಬೆಳ್ಳಗರಡೆರ್ ಅರಂತಿ ಸೇರೆರ್, ಬೊಳ್ಳುರುಗುತ್ತುದಕುಳು ಸಿರಿಗಿಂಡೆಡ್ ನೀರ್ ಪತ್ತೆರ್. ಮತ್ತನ ಪಾಂಡಿ ಮುತ್ತು ಮುದ್ರೆದ ಉಂಗಿಲೊನು ಪತ್ತೆರ್, ಬತ್ತಿ ಪಾರ ದೂರೋ ಅವರ ಚಿತ್ತೋಗು ಪಾರಿಪಂಡೆರ್. ಒತ್ತಿಕಟ್ಸ್ ದೀಯೆರ್, ಅರಸುಲೆಗ್, ಪಟ್ಟದ ಆನೆಗ್ ಬತ್ತಿಪಾರ ದೂರ ಆಂಡ್. ಮಟ್ಟೂರು ಬಲ್ಯಾಯನ್ ಲೆಪುಡಿಯೆರ್. ಸಾರಿ ಪಾಡ್ವಾಯೆರ್. ಬಂಗಾಡಿ ತಲೆಪಾಯಿ ದೈಯೊಂಕುಳ ಪಾರಂಪಂದ್ ತೆರಿವುಂಡು, ದೈಯೊಂಕುಳೆನ್ ನಂಬುನ ಸಂಕಲ್ಪ ಮನೆ, ದೈಯೊಂಕುಳು ಅಲ್ಪಡ್ ದುಂಬುಬತ್ತೆರ್. ವೀರಭದ್ರಮಾಡೊ, ಪಿಚಲಾರ್, ಕೊಂರ್ಗೆರ್ ಕುಕ್ಕು ಪನ್ಪಿ ಜಾಗ್ ದಾಂಟ್ದ್ ಮೀನಂತೆರೆ ಪರಿಪು ಬತ್ತೆರ್.
ದೂರೊಡು ಬಂಗಾಡಿಗುತ್ತು ಜನನ ಬಲ್ಲಾಕುಳೆ ಬೂಡು ತೋಜುಂಡು. ಸೀದ ಅಡೆಗ್ ಪೊಗ್ಯೆರ್.ಜನನ ಬಲ್ಲಾಳೆರ್ ಅಕ್ಲೆನ್ ಎದ್ಕೊಂದು ಚಾವಡಿಡ್
76
