ಮರಿಯಲೊಡ್ ಒಂಜೊಂಜಿ ವರ್ಸ ಅಪರೂಪದ್ ಭಾರೀ ಬರ್ಸ ಬತ್ತ್ದ್ ಬೊಲ್ಲ ಬತ್ತದ್ ಅಪಾರ ನೀರ್ ವ್ಯರ್ಥವಾದ್ ಕಡಲ್ ಸೇರುಂಡ್, ಅರೆಗಲೊಡ್ ಕುಡ್ಡ ನಗರೊಡ್ ಪರಿಯರೆ ನೀರ್‌ಗ್ ತೊಂದರೆ ಆಪುಂಡ್, ನಮ್ಮ ರಾಜ್ಯದ ಬಯಲುಸೀಮೆಡ್ ಇಡೀ ವರ್ಸೊಡೆ ಮೂಜಿ ನಾಲ್ ಸರ್ತಿ ತಿಂಗಲ್ಕೂರ ಬರ್ಸ ಬತ್ತ್ಂಡ್ ಯಾವುಂಡ್. ಪಂಡ ಬಯಲು ಸೀಮೆಡ್ ಭೂಮಿಡ್ ಪಸೆ ಒರಿಯುವುಂಡ್. ಆಂಡ ತುಳುನಾಡ್ಡ ಮಣ್... ಸ್ವಭಾವದ ಮಣ್ ಏತ್ ಜೋರುಡೆ ಬರ್ಸ ಬತ್ತಂಡಲಾ ಕೂಡೇ ಭೂಮಿದುಲಯಿ ಇಂಗ್‌ ಪೋಪುಂಡ್. ಉಡುಪಿ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆಲೆಡ್ ಸುಮಾರು ರಡ್ ಲಕ್ಷ ಎಕ್ರೆ ಕೃಷಿ ಯೋಗ್ಯವಾಯಿಂಚಿತ್ತಿನ ಭೂಮಿ ಅರೆಗೊಲೆಡ್ ನೀರ್ ಇಚ್ಚಾಂದಿನೆದಾತ್ರ ಬೊಕ್ಕ ಭೂಮಿದ ಧನಿಕ್ಕು ಪರವೂರ್‌ಡ್ ಇತ್ತಿನೆದಾತ್ರ ಪಡೀಲು ಬೂರ್‌ದ್‌ಂಡ್, ಕಾರಣ ಬೆನ್ನಿ ಬೆನ್‌ಪಿನ ಕೆಲಸ ಹೆಚ್ಚಿಗೆ ಲಾಭದಾಯಕವಾದ್ ಇಜ್ಜಿ. ಕೃಷಿಗ್ ಬೋಡಾಯಿನ ಗೊಬ್ಬರ ಇತ್ಯಾದಿಲೆನ್ ತರೆಟ್ ತುಂಬ್‌ದೇ ಕೊನೊವೊಡ್, ಇಂಚಾದ್ ಕೃಷಿ ಮಲ್ಪುನ ಬೆಲೆ ಜಾಸ್ತಿ ಆಪುಂಡ್, ಆಂಡ ನೀರಾವರಿ ಇತ್ಯಾದಿ ಪ್ರೋತ್ಸಾಹ ತಿಳ್ಕೊಂಡ ಬೆನ್ನಿ ಬೆನಿಪಿಲೆನಲಾ ಒಂಜಿ ಲಾಭದಾಯಕ ಉದ್ಯೋಗ ಆದ್ ಪರಿವರ್ತನೆ ಮಲ್ಪೆರೆ ಸಾಧ್ಯತೆ ಉಂಡು. ಇಂದಕ್ಕೆ ಉದಾಹರಣೆ : ಶ್ರೀ ಕ್ಷೇತ್ರ ಧರ್ಮಸ್ಥಳದ ಗ್ರಾಮಭಿವೃದ್ಧಿ ಯೋಜನೆ! ಉಡುಪಿ ಜಿಲ್ಲೆದ ಬಡಕ್ಕಾದ ಗಡಿಪ್ರದೇಶ ಆದಿತ್ತಿನ ಕುಂದಾಪುರ ತಾಲೂಕುದ ಅಗತ್ಯ ಪರ್ವತೊಡೆ ಅಡ ಬಲೇಶ್ವರ ಬೆಟ್ಟೋಡ್ ತೆನ್ನಾ ದಿಕ್ಕಿಡ್ ಹಾಲಾಡಿ ತುದೆ ಪುಟ್ಟುಂಡ್ ಪಂಡ್ದ್ ಶಿವಮೊಗ್ಗ ಜಿಲ್ಲಾ ಗಜೆಟಿಯರ್ ದಾಖಲಾತ್ಂಡ್. ಅತ್ತಾಂದೆ, ಆ ಪರ್ವತದ ಬಡಕ್ಕಾಡ್ ಪಂಡ ಶಿವಮೊಗ್ಗ ಜಿಲ್ಲೆದ ತೀರ್ಥಹಳ್ಳಿ, ಹೊಸನಗರ ತಾಲೂಕುಲೆಡ್ ಗಡಿ ಪ್ರದೇಶ ಆತಿನ ಹುಂಚ ಪನ್ನಿನ ಊರ್ ಕೈತಲೆ ಒಂಜಿ ಕೆರೆಟ್ ಕುಮುದೈತಿ (ಕುಮುದಾವತಿ) ಪನ್ನಿನ ತುದೆ ಪುಟ್ಟುಂಡ್. ಈ ಜಾಗೆಗ್ ಜೈನಕಾರ (ಹೊಂಬುಜ( ಪಂಡ್ದ್ ಪನ್ಸೆರ್. ಕುಮುದೈತಿ ತುದೆ ತೀರ್ಥಹಳ್ಳಿ ರಿಪ್ಪನ್ ಪೇಟೆ ರಸ್ತೆ ಕಡೆತ್ತ್ದ್ ಆಪೆದ ಮೈಟೆ ಕಾಡ್‌ದ ನಡುಟೆ ಪರತ್ತೊಂದು, ಪೋದ್ ಅರಸಾಳು-ಶಿಕಾರಿಪುರ- ಮಾಸೂರು ಪನ್ನಿನ ಜಾಗ್‌ಡ್ ಹಾವೇರಿ ಜಿಲ್ಲೆದ ಪ್ರದೇಶಡ್ ಪರತ್‌ ತುಂಗಭದ್ರಾ ತುದಕ್ಕೆ ಹರಿಹರದ ಕೈತಲ್ ಸೇರುಂಡ್. ತಾರೀಕ್ 20-09-2005, ಬೊಕ್ಕ 20-08-1994 ದಾನಿ ಶರಾವತಿ ತುದೆಕ್ ಅಡ್ಡ ಕಟ್ಟದಿನ್ ಲಿಂಗನಮಕ್ಕಿ ಜಲಾಶಯ ಎಂ.ಎಸ್.ಎಲ್. 1819 ಅಡಿ ಗರಿಷ್ಠ ಮಟ್ಟ ಮುಟ್ಟೋದ್ ನೀ‌ದಿಂಜಿಂಡ್‌, ಇಂದಕ್ಕೆ ದುಂಬು 1970ನೇ ಇಸವಿಡಲಾ ಪೂರ್ತಿ 63
