ನೀರ್ಡ್ ಒಸರ್ ಪರತ್ತಿನೆದಾತ್ರ ಅಯಿಕ್ ತುಂಗಾ ತುದೆ ಪಂಡ್ದ್ ಪುದರಾಂಡ್. ಈ ಜಾಗೆಗ್ ಗಂಗಾಮೂಲ ಪನ್ಪೆರ್, ಈ ಜಾಗೆದ ಕೆಲವು ಕಿಲೋ ಮೀಟರ್ ದೂರೊಡ್ ತೆನ್ಕಾಯಿ ದಿಕ್ಕ್ಡ್ ಏಳನೀರು ಘಟ್ಟ ಪನ್ಪಿನಲ್ಪ ವರಾಹ (ಕಾಡಪಂಜಿ) ಕಣ್ಣ್ ಒರೆಸ್ಸ್ದ್ ಕಣನೀರ್ ಜಪುಡಾಯಿನೆದಾತ್ರ ಅಲ್ಪ ಒಂಜಿ ತುದೆ ಪರತ್ಂಡ್. ಕಣ್ಣಗ್ ನೇತ್ರ ಪನ್ಪಿನೆಡ್ದಾತ್ರ ಐಕ್ ನೇತ್ರಾವತಿ ತುದೆ ಪನ್ಪಿನ ಪುದರಾಂಡ್.
ಗಂಗಾ ತುಧೆಟ್ ಮೀಯೊಡ್, ತುಂಗಾ ತುದೆಟ್ ನೀರ್ ಪರೋಡ್ ("ಗಂಗಾ
ಸ್ನಾನ, ತುಂಗಾಪಾನ) ಪನ್ಪಿನ ನಾಣ್ಣುಡಿ ಒಂಜಾನೊಂಜಿ ಕಾಲೊಡ್ ಚಾಲ್ತಿಡ್
ಇತ್ತ್ಂಡಲಾ ಇತ್ತೆ ಅವು ಪುದರ್ಗ್ ಮಾತ್ರ ಉಂಡು. ನೇತ್ರಾವತಿ ತುದೆತ್ತ ನೀರ್
(ಧರ್ಮಸ್ಥಳ ಕ್ಷೇತ್ರಡ್) ಮೀಯರೆ, ಬೊಕ್ಕ ತುಳುನಾಡ ಜನಕ್ಲೆಗ್ ಪರ್ಯೆರೆ ಪಂಡ
ಐಟ್ ರಡ್ಡ್ ಪಾತೆರ ಇಜ್ಜಿ.
ಪಶ್ಚಿಮ ಘಟ್ಟದ ಬೊಕ್ಕೊಂಜಿ ಎತ್ತರದ ಪರ್ವತ ಆಯಿಂಚಿತ್ತಿನ ಕೊಡಚಾದ್ರಿದ
ಕೈತಲ್ಡೆ ಸೌಪಾರ್ಣಿಕಾ ತುದೆ ಪುಟ್ಟುಂಡ್. ಈ ತುದೆತ್ತ ಬರಿಟ್ಟೆ ಪ್ರಸಿದ್ಧವಾಯಿಂಚಿತ್ತಿನ
ಕೊಲ್ಲೂರು ಶ್ರೀ ಮುಕಾಂಬಿಕಾ ದೇವಸ್ಥಾನ ಉಂಡು, ಈ ತುದೆ ಮರವಂತೆ ಕಡಲ
ಬರಿಟ್ಟೆ ಪರತೊಂದ್ ಪೋದ್ ತ್ರಾಸಿ ಪನ್ಪಿನ ಊರ್ದ್ ಕೈತಲ್ ಗಂಗೊಳ್ಳಿ ತುದೆಕ್
ಸೇರುಂಡ್. ಹಾಲಾಡಿ, ಗಂಗೊಳ್ಳಿ, ಸೌಪಾರ್ಣಿಕಾ ತುದೆಕ್ಲು ಒಟ್ಟಿಗೆ ಕೂಡುದ್ ಗಂಗೊಳ್ಳಿ
ಪನ್ನಿನಲ್ಪ ಭಾರೀ ವಿಸ್ತಾರವಾಯಿಂಚಿತ್ತಿನ ಅಳಿವೆಡ್ ಕಡಲ್ ಸೇರುಂಡ್.
ಇತನೆಟ್ಟ ಪಂಡಿನ ತುದೆಕ್ಲೆನ ಬರಿಟ್ಟ್ ಧರ್ಮಸ್ಥಳ, ಕೊಲ್ಲೂರು ಕಟೀಲು, ಪುರಾಲ್,
ಸುಬ್ರಹ್ಮಣ್ಯ-ಇಂಚಿತ್ತಿನ ಕಾರ್ನಿಕದ ದೇವಸ್ಥಾನೊಲ್ ಇತ್ತ್ದ್, ಈ ತುದೆಕ್ಲೆನ
ಪಾವಿತ್ರ್ಯತೆಗ್ ಮಸ್ತ್ ಮಹತ್ವ ಉಂಡ್, ತುಳುವರ್ನಕ್ಲು ಈ ದೇವಸ್ಥಾನೊಲೆಗ್ ಪೋದ್
ಭಯಭಕ್ತಿಡ್ ತನ್ಕುಲೆನ ಕಲ್ಯಾಣೋಗಾತ್ರ ದೇವೆರೆಡ ನಟ್ಟುವೆರ್, "ಸಪ್ತಸಿಂಧು"ದ್
ಸೇರ್ದಿನ ಗಂಗಾ, ಯಮುನಾ, ಸರಸ್ವತಿ, ಸಿಂಧು, ಗೋದಾವರಿ, ನರ್ಮದಾ, ಕಾವೇರಿ-
ಈ ಪರ ಪವಿತ್ರ ತುದೆಕ್ಲೆನ ಪುದರ್ ದೆತ್ತ್ದ್ ಪ್ರಾರ್ಥನೆ ಮಲ್ತದ್ ಪೂಜೆ ಮಲ್ಪುನ
ಪದ್ಧತಿ ಉಂಡು. ತುದೆಕ್ಲು ಎತ್ತರದ ಪದಟೊಡೆ ಪುಟ್ಟುದ್ ಶಿಖರಸ್ಥವಾಯಿಂಚಿತ್ತಿನ
ಜಗತ್ಕಲ್ಯಾಣೋ ಮಲ್ಪುನೆದಾತ್ರ ದೇವರನ್ನ ಪೂಜೆ ಮಲ್ಪುನಗ ಅಕ್ಲೆನ ಈ ಪುಣ್ಯ ಕೆಲಸೊನ್
ನೆನಪು ಮಲ್ಪುನ ಪದ್ಧತಿ.
ಉಡುಪಿ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆಲೆಡ್ 14 ಮಲ್ಲ ತುದೆಕ್ಲು ಇತ್ತಂಡಲಾ
62
