ಉಲಯಿ ಪುಟ್ಟುಂಡು. ಏರೆಗ್ಲಾ ತೋಜಂದೆ ಗುಪ್ತಗಾಮಿನಿಯಾದ್ ಪುಟ್ಟುದ್ ಭೂಮಿದಡಿಯನೇ ಶಿಲೆಕಲ್ ಡ್ದ ಎಲ್ಯ ಕುಡೆ-ತೋಡುಡೆ ಪರತೊಂದು ಪೋದ್, ಕೆಲವು ಕಿಲೋ ಮೀಟರ್ ದೂರೊಡ್ ಎಳನೀರು ಘಟ್ಟ ಪನ್ಪಿನಲ್ಪ ಪುಟ್ಟ್ ದ್ ತುದೆತ್ತ ಆಕಾರೊಗ್ ಬರ್ಪುಂಡು. ಇಂದಕ್ಕೆ ನೇತ್ರಾವತಿ ತುದೆ ಪಂಡ್ದ್ ಪುದರ್. ಈ ತುದೆ ಬಂಗಾಡಿ ಕಣಿವೆಗ್ ತಿಗ್ತ್ತೊಂದೆ ಪೋದ್, ಶ್ರೀ ಕ್ಷೇತ್ರ ಧರ್ಮಸ್ಥಳ ಮಂಜುನಾಥ ಸ್ವಾಮಿ ದೇವಸ್ಥಾನದ ಕೈತಲ್ಡೆ ಪರತೊಂದು ಪೋಪುಂಡು. ಈ ತುದೆಕ್, ಕುಮಾರ ಪರ್ವತೊಡ್ ಪುಟ್ಟುನ ಕುಮಾರಧಾರ ತುದೆ ಸುಬ್ರಹ್ಮಣ್ಯ ದೇವಸ್ಥಾನ ಕೈತಲ್ಡೆ ಪರತೊಂದು ಬತ್ತ್ದ್ ಸೇರುಂಡ್. ಹಾಸನ ಜಿಲ್ಲೆದ ಸಕಲೇಶಪುರ ತಾಲೂಕ್ದ ಹೆಗ್ಗದ್ದೆ ಪನ್ಪಿನಲ್ಪ ಕೆಂಪೊಳೆ ಪನ್ಪಿನ ಕೈತುದೆ ಪುಟ್ಟದ್ ಕುಮಾರದಾರ ತುದೆನ್ ಸೇರುಂಡು. ಕುಡ್ಲದ ಪೇಂಟೆಡ್ ಫಲ್ಗುಣಿ ತುದೆನ್ ನೇತ್ರಾವತಿ ತುದೆ ಸೇರ್ದ್ ಒಟ್ಟಿಗೇ ಅರಬ್ಬಿ ಸಮುದ್ಯೋಗ್ ಸೇರುಂಡ್. ನೇತ್ರವಾತಿ ತುದೆತ ನೀರ್ನ್ ತುಂಬೆ ಪನ್ನಿನಲ್ಬರ್ದ್ ಕುಡ್ಲದ ಪೇಂಟೆದ ಜನಕ್ಲೆಗ್ ಪರ್ಯೆರೆ ಒದಗುವುನ ವ್ಯವಸ್ಥೆ ಉಂಡು.
ದುಷ್ಟರೆನ್ನ ಶಿಕ್ಷಿಸಾದ್ ಶಿಷ್ಟರೆಗ್ ರಕ್ಷಣೆ ಮಲ್ಪೆರೆ ಭಗವಂತೆ ಪತ್ತ್ ಅಬತಾರೋನ್ ದೆತ್ತೊಂದಿನ ನನ್ಕ್ ಮಾತೆರೆಗ್ಲಾ ಗೊತ್ತುಂಡು. ಈ ದಶಾವತಾರದ ಪೈಕ್ ವರಾಹ ಅಬತಾರೊಡ್ ನೇತ್ರಾವತಿ ತುದೆ ಪುಟ್ಟುಂಡು ಪನ್ಪಿನೆಕ್ ಒಂಜಿ ದಂತಕಥೆಯಿತ್ತ್ಂಡ್, ಚಿಕ್ಕಮಗಳೂರು ಜಿಲ್ಲಾ ಗಜೆಟಿಯರ್ದ್ ದಾಖಲ್ ಮಲ್ತ್ ದಿನ ಆಧಾರೊಡ್ ಮಾಹಿತಿಲೆನ್ ಈ ತಿರ್ತ ಒದಗಾದ್ಂಡ್ :
ಪುರಾಣ ಕಾಲೊಡು ಹಿರಣ್ಯಾಕ್ಷೆ ಪನ್ಪಿ ರಕ್ಕಸೆ, ಭೂಮಿನ್ ತನ್ನ ವಶೊಕ್ಕು ದೆತ್ತೊಂದ್ ಅವೆನ್ ಕಡಲ ನೀರ್ಡ್ ಮುರ್ಕಾಯೆರ್. ಅಪಗ ವಿಷ್ಣು ದೇವೆರೆಗ್ ಮಾತೆರ್ಲಾ ಮೊರೆ ಪೋಯರ್. ವಿಷ್ಣು ದೇವೆರ್ ವರಾಹ (ಕಾಡಪಂಜಿ) ಅಬತಾರ ತಾಳ್ದ್ ಪಾತಾಳೊಗ್ ಪೋದ್ ರಕ್ಕಸೆರೆನ್ ಪೂರಾ ಕೆರ್ದ್, ಭೂಮಿನ್ ಪಾತಾಳೊರ್ದ್ ಮಿತ್ತ್ ದೆರ್ತರ್. ಇತ್ತ ಕಡಲ ಮಟ್ಟೋದ್ ಕುದುರೆಮುಖ ಶಿಖರ 6173 ಅಡಿ ಎತ್ತರೊಡ್ ಉಂಡು. ಇಂದೆತ್ತ ಬರಿಟ್ಟೆ ಭಗವತಿ ಪನ್ಪಿನ ಕಾಡ್ಡೆ ವರಾಹ ಪರ್ವತ ಉಂಡು. ಪುರಾಣ ಕಾಲೊಡ್ ಭಗವಂತೆ ವರಾಹ ಅಬತಾರ ತಾಳ್ದ್ ಕೋಪೊಡ್ ತನ್ನ ಬಲತ್ತ ದಾಡೆಡ್ ಭದ್ರವಾದ್ ಭೂಮಿಗ್ ಕುಟ್ಟಿನೆದಾತ್ರ ನೀರ್ ಒಸರ್ದ್ ಒಂಜಿ ತುದೆತ್ತ ಆಕಾರೊಡೆ ಪರಪ್ಪರೆ ಸುರುವಾಯಿನೆದಾತ್ರ ಐಕ್ ಭದ್ರಾ ತುದೆ ಪಂಡ್ದ್ ಪುದರ್ ಆಂಡ್. ಅಂಚೆನೇ ಉತ್ತುಂಗೊಡ್ (ಎತ್ತರೊಡ್) ತನ್ನ ಹಸ್ತ ಕೊಂಬುಡ್ ಭೂಮಿಗ್ ಕುಟ್ಟಿನದಾತ್ರ ಅಲ್ಪಲಾ
61
