ತುಳುನಾಡ್ದ ತುದೆಕ್ಕು
ಕಾವೂರು ಕೇಶವ ಮೊಯಿಲಿ
ಉಡುಪಿ ಜಿಲ್ಲೆದ ಮಾಬುಕಳ (ಅಥ್ಡ ಸೀತಾ) ಸುದೆ (ತುದೆ)ತ್ತ ತೆನ್ಕಾಯ್ ದಿಕ್ಕ್ ದ ಕೇರಳ ರಾಜ್ಯದ ಕಾಸರಗೋಡು ಮುಟ್ಟ ತುಳು ಭಾಷೆ ಪಾತೆರ್ನಕ್ಕ್ಲು ಹೆಚ್ಚಿನ ಸಂಖ್ಯೆಡ್ ಉಪ್ಪಿನೆದಾತ್ರ ಈ ಪ್ರದೇಶಗ್ ತುಳುನಾಡ್ ಪಂಡ್ದ್ ಪನ್ಪೆರ್. ಮಾಬುಕಳ ತುದೆರ್ಡ್ ದಕ್ಷಿಣ ಕನ್ನಡ ಜಿಲ್ಲೆದ ತೆನ್ಕಾಯಿ ಗಡಿಮುಟ್ಟ ಈ ತಿರ್ತ ಪನ್ಪಿನ ತುದೆಕ್ಲು ಪರತೊಂದುಲ್ಲ :
(1) ಸೀತಾ ಅತ್ಡ ಮಾಬುಕಳ ತುದೆ, (2) ಕಲ್ಯಾಣಪುರ ಅತ್ಡ ಸ್ವರ್ಣಾ ತುದೆ, (3) ಉದ್ಯಾವರ ತುದೆ, (4) ಶಾಂಭವಿ ತುದೆ (5) ನಂದಿನಿ ಅತ್ಡ ಪಾವಂಜೆ ತುದೆ (6) ಫಲ್ಗುಣಿ ಅತ್ಡ ಗುರುಪುರ ತುದೆ (7) ನೇತ್ರಾವತಿ ತುದೆ. ಈ ತುದೆಕ್ಲೆನ ಪೈಕ್ ಈ ತಿರ್ತ್ ಪನ್ಪಿನ ತುದೆಕ್ಲು ಭಾರೀ ಪುದರ್ ಪೋಯಿನವು.
(1) ಶಾಂಭವಿ ತುದೆ : ಈ ತುದೆ ಮುಲ್ಕಿದ ಕೈತಲೆ ಪರತೊಂದು, ಪ್ರಸಿದ್ಧವಾಯಿಂಚಿತ್ತಿನ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಬರಿಟ್ಟೆ ಪೋದು ಅರಬಿ ಸಮುದ್ರೊನು ಸೇರುಂಡ್.
(2) ನಂದಿನಿ ತುದೆ : ಪ್ರಸಿದ್ಧವಾಯಿಂಚಿತ್ತಿನ ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಬರಿಟ್ಟೆ ಈ ತುದೆ ಪರಪ್ಪುಂಡ್.
(3) ಫಲ್ಗುಣಿ ತುದೆ : ಪ್ರಸಿದ್ಧವಾಯಿಂಚಿತ್ತಿನ ಪುರಾಲ್ದ ಶ್ರೀ ರಾಜರಾಜೇಶ್ವರಿ ದೇವಸ್ಥಾನ ಬರಿಟ್ಟೆ ಈ ತುದೆ ಪರಪ್ಪುಂಡ್..
(4) ನೇತ್ರಾವತಿ ಸುದೆ : ಚಿಕ್ಕಮಗಳೂರು ಜಿಲ್ಲೆದ ಮೂಡಿಗೆರೆ ತಾಲೂಕ್ದ ಸಂತೆ ಪನ್ಪಿನ ಗ್ರಾಮದ ಗಂಗಾಮೂಲ ಪನ್ಪಿನಲ್ಪ ಕಡಲ ಮಟ್ಟೋರ್ದ್ 4781 ಅಡಿ ಎತ್ತರದ ಜಾಗೆಡ್ ನೇತ್ರಾವತಿ, ಭದ್ರಾ, ತುಂಗಾ ಈ ಮೂಜಿ ತುದೆಕ್ಕು ಒಂಜಿ ಮಾಟೆ (ಗುಹೆ)ದ
60
