ನೀರ್ ದಿಂಜಿದಿತ್ತ್ಂಡ್. ಪಂಡ ಪತ್ತ್- ವರ್ಸೊಗ್ ಒರ ಭಾರೀ ಬರ್ಸ್ ಬತ್ತ್ದ್ ಶರಾವತಿ ತುದೆಟ್ ನೀರ್ ಭರ್ತಿ ಆಪುಂಡ್. ಕೆಲವು ವರ್ಸೊಗ್ ದುಂಬು ಬರ್ಸ ಬರ್ಪಿನ ಕಡಿಮೆ ಆಯಿನೆದಾತ್ರ ಕೃತಕವಾದ ಬರ್ಸ ಬರ್ಪಾಯೆರೆ ಬೋಡಾದ್ ಪಶ್ಚಿಮ ಘಟ್ಟದ ಕಾಡ್ಲೆಡ್ ಉಪ್ಪು ಬಿರ್ಕಾದ್ ಪ್ರಯೋಗ ಆತ್ಂಡ್ ಪಂಡ್ದ ವಾರ್ತಾಪತ್ರಿಕೆಲೆಡ್ ಓದುದಿನ ನೆನಪು. ಪಂಡ ಬರ್ಸ ಕಮ್ಮಿ ಆಂಡ ವಿದ್ಯುಚ್ಛಕ್ತಿ ಉತ್ಪಾದನೆ ಕಡಿಮೆ ಆದ್ ನಷ್ಟ ಆಪುಂಡ್. ಈ ವರ್ಷ ಭಾರೀ ಬರ್ಸ ಬತ್ತಿನೆದಾತ್ರ ಸುಮಾರ್ 300ಕೋಟಿ ರೂಪಾಯಿ ವಿದ್ಯುಚ್ಛಕ್ತಿಡ್ ಲಾಭ ಆತ್ಂಡ್ ಪಂಡ್ದ್ ವಾರ್ತಾಪತ್ರಿಕೆಲೆಡ್ ಪ್ರಕಟಾತ್ಂಡ್. ಪಂಡ ಕರಿನ ಪತ್ತ್ ವರ್ಸೊಡೆ ಬರ್ಸ ಕಮ್ಮಿ ಬತ್ತಿನೆದಾತ್ರ ಸುಮಾರು ಒಟ್ಟು, 3,000 ಕೋಟಿ ರೂಪಾಯಿ ವಿದ್ಯುಚ್ಛಕ್ತಿ ಉತ್ಪಾದನೆದ ನಷ್ಟ ಆತ್ಂಡ್ ಪಂಡ್ದ್ ಲೆಕ್ಕ ಪಾಡೋಲಿ, ನಮ್ಮ ರಾಜ್ಯೊಡೆ ವಿದ್ಯುಚ್ಛಕ್ತಿಗ್ ಭಾರೀ ಬೇಡಿಕೆ ಉಂಡು. ಈ ರೀತಿ ನಷ್ಟ ಭರ್ತಿ ಮಲ್ಪುನ ಮಾರ್ಗೋಪಾಯೊನ್ ನಮ ಮಾತಾ ನಾಡಪತ್ಯೆರೆ ಯೋಚನೆ ಮಲ್ಲುನ ಕಾಲ ಉಂದ್ ಆತ್ಂಡ್!
ವಾರ್ತಾ ಪತ್ರಿಕೆಲೆಡ್ ಪ್ರಕಟವಾಯಿಂಚಿತ್ತಿನ ಸುದ್ದಿದ ಪ್ರಕಾರ ಕುಡ್ಲದ ಕೈತಲ್ಡೆ ಸುಮಾರು 20,000 ಕೋಟಿ ರೂಪಾಯಿ ಬಂಡವಾಳೊಡು ತೈಲ ಸಂಸ್ಕರಣಾ ಸ್ಥಾವರ ಆಪುಂಡ್ಗೆ. ಈ ಸ್ಥಾವರದ ಕಾರ್ಯಾರಚಣೆಗ್ ಸಾರಗಟ್ಟಲೆ ಉದ್ಯೋಗ ಸೃಷ್ಟಿ ಆದ್, ಸಾರಗಟ್ಟಲೆ ವಸತಿ ಗೃಹಕ್ಲು ಇತ್ಯಾದಿ ಆದ್ ಭವಿಷ್ಯೊಡ್ ನೀರ್ದ ಬೇಡಿಕೆ ಜಾಸ್ತಿ ಆಪಿನ ಸಾಧ್ಯತೆ ಉಂಡು. ಇಂಚ ಆಂಡ ಇತ್ತೆ ಉಪ್ಪುನ ನೇತ್ರಾವತಿ ತುದೆತ ನೀರ್ಡ್ ವ್ಯವಸ್ಥೆ ಯಾವಂದ್, ಕೊಳವೆಬಾವಿಲೆನ್ ಕೊರೆಂಡ ಕಡಲ ಮಟ್ಟದ್ ಲಾ ಅಡಿದ್ದ್ ನೀರ್ ದೆತ್ತ್ಂಡ ಉಪ್ಪುನೀರ್ (osmasis) ಚಪ್ಪೆನೀರ್ಗ್ ಬೆರಕೆ ಆದ್ ತರೆಗ್ಲಾ ತೆರಿಯಂದಿಲೆಕ್ಕ ತೊಂದರೆ ಆಪಿನ ಸಾಧ್ಯತೆ ಉಂಡು. ಉಪ್ಪುನೀರ್ ಪರ್ಪಿನ ನರಮಾನ್ಯನ ಆರೋಗ್ಯಗ್ ಹಾನಿಕಾರಕ.
ಇಂಜಿನಿಯರಿಂಗ್ ಕಲ್ತಿನ ಶೇಕಡಾ 35 ಜವಣ್ಣೆರೆಡ ಉದ್ಯೋಗ ತಿಕ್ಕಂದೆ ಉಲ್ಲೆರ್ ಪಂಡ್ದ್ ವಾರ್ತಾ ಪತ್ರಿಕೆಲೆಡ ಪ್ರಕಟವಾತ್ತ್ಂಡ್. ಅಂಚೆನೆ ವೈದ್ಯಕೀಯ, ಉನ್ನತ ಶಿಕ್ಷಣ ಪಡೆಯಿನಕ್ಲು ಕೆಲಸ ತಿಕ್ಕಂದೆ ನಿರುದ್ಯೋಗಿ ಆದುಲ್ಲೆರ್. ಕಲ್ತಿನ ಜವಣ್ಣೆರ್ ಊರ್ಡ್ ಕೆಲಸ ತಿಕ್ಕಂದೆ ಪರದೇಶೊಗ್, ಪರವೂರ್ಗ್ ಕೆಲಸ ನಾಡೊಂದು ಪೋಪರ್. ಇಂಚಾದ್ ಹೆಚ್ಚಿನ ಪೊಂಜೊವುಲ್ ಮೂಲೇ ಒರಿವೆರ್. ಇಂಚಾದ್ ಸಂಸಾರ ಸುಖ ಜನಕ್ಕೆಗ್ ಮನಃಶಾಂತಿ ಕಡಿಮೆ ಆತ್ಂಡ್. ಈ ಸಮಸ್ಯೆಲೆಗ್ ಹೋಗಲಾಡಿಸ್ಯಾಯೆರೆ
64
