೪.ಒಂಜೇ ಬೇಲೆ ಮಲ್ಪೆ ಉರು ಆಪಿನವು ತಪ್ಪುಂಡು
ಜನಪದ ಸಾಹಿತ್ಯ ಅಧ್ಯಯನದ 'ಪಠ್ಯ'ದ ಪರಿಕಲ್ಪನೆದ ವ್ಯಾಪ್ತಿ ವಿಸ್ತಾರವಾಯಿನ ಇಂಚಿಪದ ದಿನೊಕ್ಲಡ್ ಕಬಿತೆಲೆನ್ ಅಧ್ಯಯನ ಮಲ್ಪೊಡಾಂಡ ಒಂತೆ ವಿಚಾರ ಮಲ್ಪೊಡು. ಬೆನ್ನಿದ ಕಂಡೊಡು ಕಬಿತ ಪನ್ಪಿನೆಕ್ ಸ್ಥೂಲವಾಯಿನ ವಿನ್ಯಾಸ ಉಂಡು. ಸುರುಕು 'ಓ ಬೇಲೆ' ಪನೊಡು, ಅಯಿಡ್ದ್ ಬುಕ್ಕ ಬಾಕಿತ್ತಿ ಕಬಿತೊಲೆನ್ ಪನೊಡು. ಅಕೇರಿಗ್ 'ಓಯ್ಯಾ' ಪನೊಡು. ಕಂಡ ಆಡತ್ತೊಂದು ಇಪ್ಪುನಗ ಪಂಡ ಎರ್ಲು ಕಂಡೊಡಿಪ್ಪುನಗ 'ದೂಜಿಕೆಮೈರಾ' ನಾವಡ್, ಈಚೋ ಮಂಜೊಟ್ಟಿ ಗೋಣನಾವಡ್ ಪನ್ಯೆರೆ ಬಲ್ಲಿ. ಇಂಚ ಕಬಿತೆಲು ಬೇತೆ-ಬೇತೆ ಅಂದ್ಂಡಲ - ಅವೆಕ್ ಮಾತೆಲ್ಲಾ ಒಂಜಿ ಒಳಸಂಬಂಧ ಉಂಡು. ಅಂಚಾದ್ ಕಂಡೊಡು ಪನ್ಸಿ ಪೂರಾ ಕಬಿತೆಲೆನ್ ಒಂಜಿ 'ಅಖಂಡ ಪಠ್ಯಂದ್ ಎನ್ನ್ ದ್ ಅಭ್ಯಾಸ ಮಲ್ಪೊಲಿ. ಆಂಡ ಇಂಚ ಅಭ್ಯಾಸ ಮಲ್ಪಿನತ ಮಲ್ಲ ಮಿತಿ ಪಂಡ್ಂಡ-ಒಂಜೋ ಈ ಅಧ್ಯಯನ ಸ್ಕೂಲವಾದ್ ಪೋಪುಂಡು. ಇಜ್ಜಿಂಡ ಒಂಜಿ ಲೇಖನದ ಮಿತಿತ್ತ ಉಳಯಿಡ್ ಮಾತ ವಿಷಯೊನು ಪನ್ಯೆರೆ ಆವಂದೆ ಪೋಪುಂಡು. ಅಭ್ಯಾಸದ ಅನುಕೂಲತೆಗಾದ್, ಕಬಿತೆಲ್ನ ವೈಶಿಷ್ಟ್ಯಲೆನ್ ಪ್ರತ್ಯೇಕವಾದ್ ತೂಯೆರೆ ಬಿಡಿ ಬಿಡಿ ಕಬಿತೆಲೆನ್ ಅಭ್ಯಾಸ ಮಲ್ತ್ಂಡ ಪ್ರೇಜನೊ ಜಾಸ್ತಿ. ಈ ಲೇಖನೊಡು ಕಂಡೊಡು ನೇಜಿ ನಡ್ಪುನ ಪೊರ್ತುಗು ಸುರುಕು ಪನ್ಪಿ 'ಓ ಬೇಲೆ' ಕಬಿತೆದ ಬಗ್ಗೆ ಒಂತೆ ವಿಶ್ಲೇಷಣೆ ಮಲ್ತ್ದ್ಂಡ್.
'ಓ ಬೇಲೆ' ಕಬಿತೆದ ಮೂಜಿ ಪ್ರಕಟಿತ ಪಾಠಲು ನಮೊಕು ತಿಕುವ - 'ಟಿ ಕೇಶವ ಭಟ್ರೆನ, 'ದಕ್ಷಿಣ ಕನ್ನಡ ಜಿಲ್ಲೆಯ ಜನಪದ ಗೀತೆಗಳು' (1996) ಪನ್ಪಿಬೂಕುಡು 'ಓ ಬೇಲೆ' ಕಬಿತೆದ ಒಂತೆ ಪಾಠ ಉಂಡು, ಡಾ. ಬಿ.ಎ. ವಿವೇಕ ರೈಕುಲ್ನ 'ತುಳು ಜನಪದ ಸಾಹಿತ್ಯ' ಡ್ (1985) ಓ ಬೇಲೆ ಕಬಿತೆದ ಒಂಜಿ ಪಠ್ಯ ಉಂಡು. ಬೊಕ್ಕೊಂಜಿ ಡಾ. ಬಿ.ಎ. ವಿವೇಕ ರೈ ಬೊಕ್ಕ ರಾಜಶ್ರೀ - ಮೊಕುಲು ಸಂಪಾದನೆ ಮಲ್ತಿನ 'ತುಳು ಕಬಿತೆಗಳು' (1996) ಬೂಕುಡು 'ಓ ಬೇಲೆ' ಕಬಿತೊದ ಒಂಜಿ ಪಠ್ಯ ಉಂಡು.
ಡಾ. ವಿವೇಕ ರೈ ಕುಲ್ನ 'ತುಳು ಜನಪದ ಸಾಹಿತ್ಯ' ಬೂಕುಡಿಪ್ಪುನ ಕಬಿತೆದ ಸಾರಾಂಶ ಇಂಚ ಕೊರೊಲಿ, ಕಂಡೊಡು ರಡ್ಡ್ ಸರ್ತಿ ಬತ್ತಿ ಬುಳೆ ಪಕ್ಕಿಲೆರ್ಡ್, ಪಂಜಿಲೆರ್ದ್ ಲಗಾಡಿ ಪೋಪುಂಡು. ಮೂಜನೇ ಸರ್ತಿ ಬಿತ್ತಿ ಬುಳೆನ್ ನಡಿಯೆರ್ ಜನ
54
