0 ಇಜ್ಜಿ. ಅಂಚಾದ್ ಬೇಲೆದ ದಿಕ್ಕನ್ ಆಪದ ಬೈಲ್‌ಗ್ ಬೇಲೆಗ್ ಜನೊ ಕೊಂಡೊದು ಬರಿಯೆರೆ ಉಲ್ಲಾಯೆ ಕಡಪುಡುವ, ತರೆಕ್ ಮುಟ್ಟಾಳೆ, ನಿರೆಲ್‌ಗ್ ಬೆಳ್ಕೊಡೆ, ಕಾರ್‌ಗ್ ಉಲ್ಲಾಯನ ಜೋಡು, ಉಲ್ಲಾಯೆಪಾಡುನ ಕುಂಟು, ಉಲ್ಲಾಯೆ ಪತ್ತುನ ನಾಗರ ಬೆತ್ತ ಕೊರ್ದು ದಿಕ್ಕನ್ ಆಪೆದ ಬೈಲ್‌ಗ್ ಕಡಪುಡುವೆರ್. ಅವುಲು ಬೈರೆರೆ ಪೊಣ್ಣುಲು ರಾಗ ಒಯಿತೊಂದು, ರಾಗಿ ಬೀಸೊಂದು ಉಲ್ಲೆರ್, ನಾಟಿ ಕೆಲಸೊಗು ಬರೊಡುಂದು ದಿಕ್ಕೆ ಪನ್ನಗ 'ಬರುಜಿಂದ್ ಪನ್ನೆ. 'ಎಂಕೆ ಕಂಡನಾಲ್ಕು ಮುಪ್ಪ ರೂಪ್ಯಾದ ಮಣ್ಣ ಬೇಲೆಗ್ ಪೋತೆರ್, ಅಕ್ಸ್ ಬನ್ನಗ ಅಕ್ಸೆಗ್ ಬೆಚ್ಚನೀರ್ ಕಾಯ್ ದೀವೊಡು. ಅಡಿಗೆ ಮಲ್ಲೊಡುಂದು ಪನ್ಸೆರ್ ಅಪಗ ದಿಕ್ಕೆ ಕೆಂಚಿ ಮೀಸೆ ಅಲೆಸ್ಟರ್, ಕಣ್‌ಡ್ ಪಿಸ್ರ್ ಉರ್ಕವೆ. ನೋಪೈರೆಂದ್ ನಾಗರ ಬೆತ್ತೊ ಪತ್ತೆಬೆ. ಅಪಗ ಪೊಣ್ಣುಲು ಪೋಡಿದ್ ಪಿದಡುವ. ಸಾದಿಡ್ ಬನ್ನಗ ಮುಪ್ಪ ಕತಿಲು, ಮುಪ್ಪ ಬೊಳುವದಿಲು ಇತ್ತೊ, ಬಾಜೆಲಾದ್ ಕಲಿ ಪರೈರೆ ಪೋಯಿನ ದಿಕ್ಕೆ ಒಂಜಾಳ್‌ನ್ ಗಡಂಗ್‌ಡ್ ಅಡವು ದೀಪ. ಬಚ್ಚಿರೆ ತಿನೊಡುಂದಾನಾಗ ಬೊಕ್ಕೊಂಜಿ ಆಳ್‌ನ್‌ ಅಂಗಡಿಡ್ ಅಡುವು ದೀಪ. ಉಲ್ಲಾಯೆ ಗೆಣಿಪುನಗ ಕಲೆಟ್ ಒಂಜಿ, ಬೊಳುವದಿಲೆಡ್ ಒಂಜಿ - ಒಟ್ಟು ರ ಆ ಕಡಮೆ ತೋಜುಂಡು, ಪಿಸ್‌ರ್‌ಡ್ ನೋಪೈರೆ ಬನ್ನಗ ದಿಕ್ಕೆ 'ದಮ್ಮಯ್ಯ' 'ದಕ್ಕಯ್ಯ ಪಾಡುವೆ. ಉಲ್ಲಾಯೆ ಕಂಡೊಗು ಪೋನಗ ಬೇಲೆ ದಡ, ಇಲ್ಲಡೆ ಬನ್ನಗ ಬುಡೆದಿಡ ಕೋಪಿಪುವೆರ್ ಕೋಪಿತ್-ಲಾಗಿದ್ ಬುಡೆದಿಗ್ ಬಂಜಿ ಆಪುಂಡು! ಬಾಲೆ ಪೊಣ್ಣಾಂಡ ಅಪ್ಪೆಗ್ ಬೇಲೆಡ್ ಉಪಕಾರ. ಆಣಾಂಡ ಅಮ್ಮನ ಬೇಲೆಡ್ ಉಪಕಾರ. ಆ ಬಾಲೆ ಮಲ್ಲಾಯ ಪಾತೆರ ಪಾತರಂದ, ಪಾಪದಕ್ಕೆಗ್ ಕೇನ್ಸ್ ಕೊರುವೆ - ಈತ್ ಡಾ. ರೈಕುಲು ಸಂಗ್ರಹ ಮಲ್ಲಿನ ಕಬಿತೊದ ಸಾರ. CD ಟಿ. ಕೇಶವ ಭಟ್ ಆರೆನ 'ದಕ್ಷಿಣ ಕನ್ನಡ ಜಿಲ್ಲೆಯ ಜನಪದ ಗೀತೆಗಳು' ಪತ್ನಿ ಬೂಕುಡು 'ಓ ಬೇಲೆ' ಕಬಿತೆದ 'ಅರ್ಧಧ್ರ' ಪಠ್ಯ ಉಂಡು ಧನಿ ನೇಜಿ ಪಾಡಾದಿನಿ, ಪೊಂಜೊವುಲೆ ಸಿಂಗಾರೊ, - ಇಂಚಕೆಲವು ವಿಚಾರ ಒಂಜಿ ಭಾಗೊಡು ಉಂಡು, ಕಬಿತೆದ ಬೊಕ್ಕೊಂಜಿ ಭಾಗೊಡು ಧನಿಕ್ ಬೇಲೆದಡ ಪಿಸ್‌ ಬರುಂಡು, ಇಲ್ಲಡೆ ಪೋನಗ ತನ್ನ ಬುಡೆದಿಡ ಪಿಸ್ರ್ ಬರುಂಡು, ಬೊಕ್ಕ ಬುಡೆದಿ ಬಂಜಿನಾಲ್ ಆಪಿನಿ, ಆಣ್ ಬಾಲೆ ಆಂಡ ಅಮ್ಮಗ್ ಸಾಯೊ. ಪೊಣ್ಣು ಬಾಲೆ ಆಂಡ ಅಪ್ಪೆಗ್ ಸಾಯೊ - ಇಂಚಿತ್ತಿ ವಿವರ ಬರುಂಡು. 55
