ಓ ಬೇಲೆ ಕಬಿತೆದ ಉಳ ಮರ್ಗಿಲ್
ನವೀನ್ ಕುಮಾರ್ ಮರಿಕೆ
ತುಳು ಜನಪದ ಸಾಹಿತ್ಯದ ಒಂಜಿ ಮಲ್ಲ ಎಗ್ಗೆ ಕಬಿತೊಲು. ಬೆನ್ನಿದ ಕಂಡೊಲೆಡ್ ನೇಜಿ ನಡ್ಪುನ ಪೊಂಜೆನಕ್ಲ್ ಕಬಿತೆಲೆನ್ ಪನ್ಪೆರ್, ತುಳುನಾಡ ಕಂಡೊಲೆಡ್ ಸಾಧಾರಣವಾದ್ ನೇಜಿದ ಬೇಲೆ ಮಲ್ಪುನಕುಲು ಪೊಂಜೆನಕುಲು. ನೇಜಿ ನಡ್ಪುನ ಪೊಂಜೆನಕ್ಲೆ ಗುಂಪುಡು ಒರ್ತಿ ಕಬಿತೊದ ಒಂಜೊಂಜೇ ಸಾಲ್ ಪನೊಂದು ಪೋಪಳ್. ಕಂಡೊಡಿತ್ತಿ ಬಾಕಿದ ಪೊಂಜೆನಕುಲು ಕಬಿತೆದ ಪಲ್ಲವಿನ್ ಮಾತ್ರ ಪನ್ಪೆರ್. ಅಂಚಾದ್ ಕಬಿತೆದ ಪೂರಾಪಾಠ ತಿಕುನೆ ಒರ್ತಿಡ್ದೇ. ಪೊಣ್ಣಮನಸ್ದ ಬೇನೆ-ಬೇಸರ್, ಸುಕೊ-ದುಕ್ಕೊ, ವಿನೋದ-ವಿಡಂಬನೆ, ಆಸೆ-ಆಕಾಂಕ್ಷೆ ಇಂಚ ಪಾಕ ವಿಷಯೊಳು ಕಬಿತೆಲೆ ಉಳ ಮರ್ಗಿಲ್ಡ್ ಸೇರ್ದುಂಡು.
ಕಬಿತೆಲು ಏತ್ ಉಲ್ಲ ಪಂಡ್ದ್ ನಿರ್ದಿಷ್ಟವಾದ್ ಪನ್ಯರೆ ಆಪುಜಿ. ಆಂಡ ತುಳುತ್ತ ಪಾಡ್ಡನೊದ ತುಪ್ಪೆ ತೂದ್ ಕಬಿತೆಲೆಗ್ ಹೊಲಿಸಂಡ-ಕಬಿತೆಲೆ ಸಂಖ್ಯೆ ಆತ್ನೇಲ್ಯವತ್ತ್. ಪಾಡ್ಡನೊದ ವಿಷಯ ವ್ಯಾಪ್ತಿಲ ಕಬಿತೆಲೆಗ್ ಇಜ್ಜಿ. ಆಂಡ ಬಂಙದ ಬೇಲೆದ ನಡುಟು ಕಬಿತೆಲೆನ್ ಪಂನೊಂದು ಜೀವನೋತ್ಸಾಹ ತೊಜವುನ ತುಳುವರೆ ಪೊಂಜೆನಕ್ಲೆ ಜೀವನೋತ್ಸಾಹ ಮೆಚ್ಚೊಡಾಯಿನವು.
ಕಬಿತೆಲೆ ಪ್ರೇಜನೂನು ವಿದ್ವಾಂಸರ್ ಇಂಚ ಪಟ್ಟಿ ಮಲ್ತ್ ದೆರ್.
೧.ಎಚ್ಚೆಲ್ ಮದಪುಂಡು
೨.ಬೆನ್ನಿನ ಬೇಲೆಡ್ ದಕ್ಷತೆ ಎಚ್ಚುಂಡು.
೩ಬೆನ್ನಿನಕ್ಲೆ ಮನಸ್ಗ್ ಕುಸಿ ಆಪುಂಡು.
53
