ದಾಯೆ? ಮೇಲ್ಜಾತಿದಾಯಗ್ ವ್ಯಕ್ತಿ (ನಲಿಕೆದಾಯೆ) ಬೊಕ್ಕ ಶಕ್ತಿ (ಭೂತ)ದ ವ್ಯತ್ಯಾಸ ದಾಯೆ ಗೊತ್ತಾಪುಜಿ? ಕೆಲವು ಮನಸುಲೆಡ್ ಅಸ್ಪೃಶ್ಯತಾ ಭಾವನೆದ ಬೇರ್ ಏತ್ ನಾಟ್ದ್ ಪೋತುಂಡು ಪನ್ಪಿನೆನ್ ನೆಟ್ ಅರ್ಥ ಮಲ್ತೊನೊಲಿ. ಅಂಚಂದ್ ನಲಿಕೆದಕ್ಲೆನ್ ತನ್ನ ಇಲ್ಲ್ ದ ಅಟಿಲ್ದ ಕೋಣೆಡ್ ಕುಲ್ಲಾದ್ ಒನಸ್ ಪಾಡುನಂಚಿತ್ತಿ ಕೆಲವು ಎಡ್ಡೆ ಮನಸ್ ಮೇಲ್ಜಾತಿದಕುಲ್ಲಾ ಉಲ್ಲೆರ್ ಪನ್ಪುನೇನ್ ಮದಪೆರಾಪುಜಿ. ಆಂಡಾ ಅಸ್ಪೃಶ್ಯತೆನ್ ನನಲಾತ್ ಬುಲೆಪಾವುನಂಚಿತ್ತಿ ಮನೋಭಾವದಕ್ಲು ಇನಿಕ್ಲಾ ಉಲ್ಲೆರ್ಂದಾಂಡಾ ನೆಕ್ಕ್ ನಲಿಕೆದಕ್ಲೆನ ಮೌಡ್ಯಲಾ ಒಂಜಿ ಕಾರಣವಾದುಂಡು.
ಬಗ್ಗ್ ನಾಯಗ್ ಒಂಜಿ ಗುದ್ದು ಎಚ್ಚಿಗೆ. ಪೋಡ್ಯುನಕ್ಲಿತ್ಂಡಾ ಪೋಡಿಪಾವುನಕಲುಲಾ ಉಪ್ಪುವೆರ್. ನಲಿಕೆದಕುಲ್ನ ಇಚಾರೊಡ್ಲಾ ಆತ್ನಿ ಈತೆ. ನಲಿಕೆದಕ್ಲು ಮಿತಿ ಮೀರ್ದ್ ಬಗ್ಗ್ಯೆರ್, ಪೋಡೈರ್, ಮೇಲ್ಜಾತಿದ ಕೆಲವು ಜನ ಬೊಡಾಯಿನಾತ್ ಗುದ್ವೆರ್, ಪೋಡಿಪಾಯರ್. ನಲಿಕೆದಕ್ಕು ಬಗ್ಗುನೇನ್ಲಾ ಪೋಡ್ಯುನೆನ್ಲಾ ಬುಡೆಯೆರಾಂದಾಂಡಾ ಬಾಕಿದಕ್ಲು ಗುದ್ದುನೆಲ್ಲಾ ಪೋಡಿಪಾವುನನ್ನಾ ಉಂತಾವೆರ್. ಏರಗೇ ಆವಡ್ ಸಲ್ಲುನ ಗೌರವ ಆಯನ ವ್ಯಕ್ತಿತ್ವೊನು ಹೊಂದುದುಂಡು.ಪರಿನ ಕುರೆ ಕುಂಟುನು ತುತ್ತಿನ ಒರಿ ಬಿಕಾರಿಗ್ ಏರ್ಲಾ ಗೌರವ ಕೊರ್ಪುಜ್ಯೆರ್.ನೀಟಾದ್ ಡ್ರೆಸ್ ಮಲ್ತ್ದ್ ಗಂಭೀರೊಡು ವ್ಯವಹಾರ ಮಲ್ಪುನ ಶಿಸ್ತ್ ದ ವ್ಯಕ್ತಿಗ್ ಮಾತೆರ್ಲ್ಲಾ ಗೌರವ ಕೊರ್ಪೆರ್. ನಲಿಕೆದಕ್ಕುಲು ತನ್ನ ದುತೈತ, ಬೊಕ್ಕ ಪಾತೆರುವ ಕ್ರಮೊಲೆನ್ ಎಡ್ಡೆ ರೀತಿಡ್ ದೀವೊನೊಡು. ಮಲ್ಪುನ ಬೇಲೆಡ್ ಶಿಸ್ತ್ನ್ ದೀವೊನೊಡು, ಗಂಗಸರ ಪರ್ಪಿನಂಚಿನ ದುಷ್ಟಟೊಕು ಬಲಿಯಾಯೆರೆ ಬಲ್ಲಿ. ಗಂಗಸರ ನರಮಾನ್ಯನ್ ಸಾಮಾಜಿಕವಾದ್, ಆರ್ಥಿಕವಾದ್, ಶಾರೀರಿಕವಾದ್ ನಾಶ ಮಲ್ಪುನ ಒಂಜಿ ಭೀಕರವಾಯಿನ ಪಿಡುಗು. ಎಚ್ಚಿನ ನಲಿಕೆದಕು ಗಂಗಸರ ಪರುನ ಚಟೊಕ್ಕು ಬಲಿಯಾದ್ ತನ್ನ ಬನ್ ಹಾಳ್ ಮಲ್ತೊಂದೆರ್. ನಲಿಕೆದಾಯೆ ಗಂಗಸರ ಪರ್ಪುನತ್ತಂದೆ ಆಯೆ ಕಟ್ಟುನ ಭೂತೊಗ್ಲಾ ಗಂಗಸರ ಪರ್ಪಾವುನ ಕ್ರಮ ನಡತೊಂದು ಬತ್ತಿನವೊಂಜಿ ದುರಂತ, ಭೂತೊಲು (ಪಿರಾಕ್ದ ಕಾಲದ ಬೀರ ಪುರುಷರ್, ಪೊಣ್ಣುಲು) ಗಂಗಸರ ಪರೊಂದಿಜ್ಜಾಂಡ್. ತಾರೆ, ತಾರಿ, ಬಕ್ಕ ಈಂದ್ದ ಮರಡ್ದ್ ಗೆಪ್ಪುನ 'ನೀರಾ' ಪನ್ಪಿನ ಪಾನೀಯೊನು ದುಂಬುದಕ್ಲು ಪರೊಂದಿತ್ತೆರ್. ನೆಟ್ಟ್ ಮರ್ದ್ ದ ಗುಣ ಇತ್ತಿನೆದ್ದಾವರ ಈ ಪಾನೀಯ ಆರೋಗ್ಯೂಗು ಎಡ್ಡೆ ಪನ್ಪಿನ ನಂಬಿಕೆ ಅಕ್ಲೆಗಿತ್ತ್ಂಡ್. ಆಂಡಾ ಇನಿ ಅವ್ವೇ ನೀರಾಗ್ ದಾದ ಮಾತಾ ಕೆಮಿಕಲ್ಸ್ನ್ ಮಿಶ್ರ ಮಲ್ತ್ದ್ ಅವೆಟ್ ಅಮಲ್ನ್ ಪುಟ್ಟಾದ್ ಆರೋಗ್ಯಗು ಹಾಳಾಯಿನ ಕಳಿನ್ ತಯಾರ್ ಮಲ್ಪುವೆರ್. ದುಂಬುದಕ್ಲು ಪರೊಂದಿತ್ತಿನ ನೀರಾಡ್ ಅಮಲ್ ಇಜ್ಜಾಂಡ್. ಅಂಚಾಂಡಾ
50
