ಆರಾಧನೆ ಮಲ್ಪೆರೆ ಕಾರಣ ಆಯಿನಕ್ಲು ಬಲ್ಲಾಳಜನಾಂಗದಕ್ಲು. ಕೊರಗ ತನಿಯೆ, ಬೊಕ್ಕ ಮುಗೆರ ದೈವೊಲೆನ್ ಎಚ್ಚಾದ್ ಬಿಲ್ಲವ ಜನಾಂಗದಕ್ಲು ಆರಾಧನೆ ಮಲ್ಪುವೆರ್. ಕೊರಗ ತನಿಯೆ, ಮುಗೆರ ದೈವೊಲು, ಕಾನದ ಕಾಟದೆರ್ ಬಿರುವೆರ್ನ, ಬಬ್ಬು ದೈವ ಬಂಟೆರ್ನ ಆಶ್ರಯ ಪಡೆಯಿನವೆನ್ ಆಯಾಯ ಬೂತೊಲ್ನ ಪಾಡ್ಡನೊಲೆಡ್ ನಮ ತೆರಿಯೊನೊಲಿ. ತುಳುವೆರೆಗ್ ದೈವೊಲ್ಡ ಆಪಾರವಾಯಿನ ಭಯ ಭಕ್ತಿ ಉಂಡು. ಬಲವಾಯಿನ ನಂಬಿಕೆ ಉಂಡು. ತನ್ಕ್ಲೆಗಾಯಿನ ಅನ್ಯಾಯ, ಕಷ್ಟೋಲ್ನ ಬಗ್ಗೆ ದೈವೊಲ್ನ ಎದುರು ಅರಿಕೆ ಮಲ್ತೊನ್ನಕ್ರಮ ಆನಿಡ್ದ್ ಇನಿ ಮುಟ್ಟಲಾ ನಡತೊಂದು ಬತ್ತ್ಂಡ್. ಕೋರ್ಟು ಕಛೇರಿಡ್ ವರ್ಷಾನುಗಟ್ಟಲೆ ನಡತ್ದ್ ಪರಿಹಾರ ಆವಂದಿನಂಚಿನ ಏತೋ ಸಮಸ್ಯೆಲು ದೈವ ಸನ್ನಿಧಿಡ್ ಇತ್ಯರ್ಥ ಆಯಿನ ಉದಾರ್ನೆಲು ಏತೋ ಉಲ್ಲ. ನೆಕ್ ಮಾತಾ ಕಾರಣ ಜನಕುಲೆಗ್ ದೈವೊಲ್ಡ ಉಪ್ಪುನ ಭಯ, ಭಕ್ತಿ, ನಂಬಿಕೆಲೇ ಆದುಂಡು. ಇಲ್ಲಲ್ ಒವೇ ಶುಭಕಾರ್ಯ ನಡಪೊಡುಂದಾಂಡಾ ದುಂಬು ಅಕ್ಲು ನಂಬಿನ ದೈವೊಲೆನ್ ತೃಪ್ತಿ ಪಡಿಸವುನ ಸಂಪ್ರದಾಯ. ಅನಾದಿ ಕಾಲೊಡ್ಡಿಂಚಲಾ ನಡತೊಂದು ಬತ್ತಿನವು. ದೈವೊಲು ತುಳುವೆರೆನ ಮಿತ್ತ್ ಏತ್ ಪ್ರಭಾವ ಬೀರ್ದ್ಂಡ ಪಂಡಾ ಇನಿ ತುಳುನಾಡ್ದ ಎಚ್ಚಿನ ಇಲ್ಲುಲೆಡ್ ಬೂತದ ಭಂಡಾರ, ಗುಂಡ, ತಾಣೊಲು ಇತ್ತ್ದ್ ಕಾಲಕಾಲೊಗು ದೈವೊಲೆಗ್ ನೇಮ ತಂಬಿಲ ನಡತೊಂದು ಬರ್ಪುಂಡು.
ನಲಿಕೆದಕ್ಕುಲು ಬೂತ ಕಟ್ಟೋದಿಪ್ಪುನಗ ಆ ಶಕ್ತಿಗ್ ತಗ್ದ್ ಬಗ್ಗ್ದ್ ಗೌರವ ಕೊರ್ಪುನ ಮೇಲ್ಜಾತಿದಕ್ಲು ಭೂತ ಪಿರಿವೆಡ್ದ್ ಬೊಕ್ಕ ಭೂತ ಕಟ್ಟಿನ ಆ ನಲಿಕೆದಾಯಗ್ ಗೌರವ ಕೊರುಜೆರ್. ಕೆಲವು ಕಡೆಟ್ ನೇಮ ಕೊರ್ಪುನ ಮೇಲ್ಜಾತಿದಕ್ಲು ಮುಟ್ಯೆರ್ಲಾ ಪಿರಜಾರುವೆರ್. ಮೇಲ್ಜಾತಿದಕುಲ್ನ ಜೋಕುಲು ಪ್ರಾಯೊಡು ಏತೇ ಎಲ್ಯಕುಲಾಂಡಲಾ ಪ್ರಾಯೊಡು ಹಿರಿಯೆರಾಯಿನ ನಲಿಕೆದಕ್ಲೆನ್ ಏಕವಚನೊಡೇ ಸಂಬೋದನೆಮಲ್ಪುವೆರ್. ಆಂಡ ತನ್ನ ಜೋಕ್ಲಿನ್ ಮಾತ್ರಾ ನಲಿಕೆದಕ್ಲು ಬಹುವಚನೊಡೇ ಪಾತೆರ್ಪಾವೊಡುಂದು ಮೇಲ್ಜಾತಿದಕ್ಲು ಬಯಕುವೆರ್. ನಲಿಕೆದಕ್ಲೆನ್ ಕೀಲಾದ್ ತೂಪುನಿ, ಕೀಲ್ ಶಬ್ದಲೆಡ್ ಪಾತೆರುನಿ, ಅಪಹಾಸ್ಯ ಮಲ್ಪುನಿ, ಕೆಲವು ಮೇಲ್ವಾತಿದಕ್ಲೆಗ್ ಅಭ್ಯಾಸ ಆದ್ ಪೋತುಂಡು. ಸಮಾಜೊಡು ಭೂತ ನರಮನಿಡ್ ಶ್ರೇಷ್ಠ ಪಂದ್ ಮಾತೆರ್ಲಾ ನಂಬುವ, ಭೂತೊಗು ನೇಮ ಕೊರ್ಪುನಾಯೆ ನಲಿಕೆದಾಯಡ್ದ್ ಮೇಲ್ಜಾತಿದಾಯೆಂದ್ ಪಂಡೊಂಡೆಡಲಾ ಆಯೆ ನಂಬುನ ಭೂತೊಡು ಮೇಲತ್ತ್. ಅಂಚಾಂಡಾ ನೇಮೋತ್ಸವೊಡು ಶ್ರೇಷ್ಠ ಆಯಿನ ಭೂತ ಕನಿಷ್ಟ ಆಯಿನ ಭೂತೊಗು ನೇಮ ಕೊರ್ಪಿನಾಯಿನ್ ಬಹುವಚನೊಡು ಸಂಭೋದನೆ ಮಲ್ಪುನಿದಾಯೆ? ನೇಮಕೊರುನಾಯೆ ಭೂತೊನು ಏಕವಚನೊಡು ಸಂಭೋದನೆ ಮಲ್ಪುನಿ
49
