ತೆರೆ ಪಾರ್ಪಟ ತರಕುಣಿತ ಸಿಂಗದನ ಸಿಂಹಾಸನ ಅಮೃತ ಅಮೃತ ಅಚ್ಚನೆ ರಂಗಸ್ಥಳ
ಆಟದ ನಟ್ಯೊಡು ಬರ್ಪಿನ ತಿತ್ತಿತೈ, ತಕದಿಮಿ ತಕಜನು, ಬೊಕ್ಕ ತೈತ ತಕತೈ ಇಂಚಿತ್ತಿ ಪಜ್ಜೊಲು ಮಾತಾ ಭೂತ ನಲಿಕೆಟ್ಟೇ ಬತ್ತಿನವು. ಭೂತದ ಎಚ್ಚಿನ ದುತೈತೊನು ಕುಂಟು ಬಕ್ಕ ತಾರೆದ ತಿರಿಟ್ ತಯಾರ್ ಮಲ್ತ್ಂಡಾ, ಆಟದ ಏಸಭೂಷಣ್ನು ಕುಂಟು, ಮರತ ಪೀಸ್, ಮಣಿ, ಬೇಗಡೆ, ಬೊಕ್ಕ ಗ್ಲಾಸ್ ಪೀಸುಲೆಡ್ ತಯಾರ್ ಮಲ್ಪುವೆರ್. ಬೂತ ಬೊಕ್ಕ ಆಟ ರಾತ್ರೆದ ಪೊರ್ತುಡೇ ಪದರ್ಶನ ಆಪುನ ಕಲಾಪ್ರಕಾರೊಲು. ಈ ಮಾತಾಕಾರಣೊಡ್ದು ಆಟೊಗು ಮೂಲ ಬೂತ ನಲಿಕೆ ಪನ್ಪಿನ ಸತ್ಯ ಪಿದಯಿ ಬೂರುಂಡು. ಬೂತ ನೃತ್ಯ ಕಲೆಡ್ದ್ ಆಕರ್ಷಿತರಾಯಿನ ಕೆಲವು ಕಲಾಸಕ್ತ ಸವರ್ಣಿಯರ್ ಈ ಕಲಾ ಪ್ರಕಾರೊನು ಬೊಡಾಯಿನಾತ್ ಮಾರ್ಪಾಡ್ ಮಲ್ತ್ದ್ ತನ್ನ ಸ್ವಾಧೀನೊಗು ಗೆತೊಂದು ಯಕ್ಷಗಾನಂದ್ ಮಲ್ತೆರ್. ಯಕ್ಷಗಾನದ ಮೂಲರೂಪ ನಲಿಕೆದಕ್ಲೆಡ್ದ್ ಪುಟ್ಟುಂಡಲಾ ಇನಿ ಯಕ್ಷಗಾನ ಕಲೆ ಸವರ್ಣೀಯರ ಸೊತ್ತು ಪನ್ಪಿನ ತಪ್ಪಭಿಪ್ರಾಯ ಎಚ್ಚಿನಕುಲ್ಲ ಉಂಡು. ಅಂಚಾದೇ ಇನಿ ಯಕ್ಷಗಾನದ ವೃತ್ತಿ ಪರ ಮೇಳೊಲೆಡ್ ಎಚ್ಚಾದ್ ಮೇಲ್ವರ್ಗದ ಕಲಾವಿದರೇ ರೈಸೊಂದು ದಲಿತ ಕಲಾವಿದೆರ್ ಉಂದೆಡ್ ದೂರಾದುಲ್ಲೆರ್. ಆಂಡಾ ಮೇಲ್ವರ್ಗದನ್ನು ಸಾಧನೆಡ್, ಶಾಸ್ತ್ರೀಯವಾದ್ ಅಭ್ಯಾಸ ಮಲ್ತ್ದ್ ರಂಗೊಡು ಪ್ರದರ್ಶನ ಮಲ್ಪುನ ನಾಟ್ಯನಾವಡ್, ಭಾಗವತಿಕೆನಾವಡ್, ಚೆಂಡೆ ಮದ್ದಳೆನಾವಡ್, ಅರ್ಥಗಾರಿಕೆನಾವಡ್, ನಲಿಕೆದಕ್ಕು ಕೇವಲ ತೂದೇ ಮಲನವರಿಕೆ ಮಲ್ತೊಂದು ಕಲ್ತೊನ್ನಂಚಿನ ತಾಕತ್ತನ್ ಪಡೆವೊಂದರ್. ಬೂತ ಕಟ್ಟುನ ನಲಿಕೆದಕುಲ್ನ ತಂಡ ಏತೋ ಕಡೆಟ್ ಯಕ್ಷಗಾನೊನು ಸಮರ್ಥವಾದ್ ಪ್ರದರ್ಶನ ಮಲ್ತಿನ ಉದಾರ್ನೆಲು ಮಸ್ತ್ ಉಲ್ಲ. 1964ನೇ ಇಸವಿಡ್ ಕಾಸರಗೋಡುಡು ಪುಟ್ಟಿನ ನಲಿಕೆದಕುಲ್ನ ಆಟದ ಮೇಳವೊಂಜಿ 1982ನೇ ಇಸವಿ ಮುಟ್ಟ ಕಾಸರಗೋಡುದ ಮಸ್ತ್ ಹಳ್ಳಿಲೆಡ್ ಆಟೊಲೆನ್ ಗೊಬ್ಬುದುಂಡು.
ತುಳುನಾಡ್ಡ್ ಬೂತ ನಲಿಕೆಗ್ ಆರಾಧನಾ ಶೈಲಿ ಬತ್ತಿನೆಡ್ದ್ ದೈವೊಲೆನ್ ಮೇಲ್ವರ್ಗದ ಜನೊಕುಲ್ಲಾ ನಂಬೊಂದು ಬತ್ತೆರ್, ಒಂಜಿ ಲೆಕ್ಕೊಡು ಮೇಲ್ವರ್ಗದ ಜನಕುಲೆಡೇ ಭೂತ ನಲಿಕೆಗ್ ಆರಾಧನಾ ಶೈಲಿ ಬತ್ತ್ಂಡ್ಂದ್ ಪನೊಲಿ. ಕೋಟಿಚೆನ್ನಯ ತೈತಿನೆಡ್ದ್ ಬಕ್ಕ ಅಕ್ಲೆಗ್ ಗರಡಿನ್ ಕಟ್ಟಾದ್ ಅಕ್ಸೆನ್ ದೈವೊಲುಂದು
48
