ಪರಿಕಲ್ಪನೆನ್ ಅಲೌಕಿಕತೆ ಗೇರಿಸಾಯೆರೆ ಈ ಪದ್ದಿಯಿದ ಪರಂಪರೆಲಾ ಒಂಜಿ ಮಾಧ್ಯಮವಾದ್ತ್ತ್ಂಡ್. ಐನ್ ಇಂಚ ಒಟ್ಟು ಮಲ್ಪೊಲಿ. ಕದರ್ ಮುಡಿ ಪ್ರಭೇದೊಲು, ಅಣಿ ಪ್ರಭೇದೊಲು, ಜಕ್ಕೆಲಣಿ, ತಲೆಪಟ್ಟ, ತಲೆಮಣಿ, ಅಪ್ಪರೊಂಬು, ತಿರುಗುಬೈ ಮಣಿ, ಕೊರಳ ಪಟ್ಟಿ, ಕೆಬಿತ ಪದ್ದೆಯಿಲು, ತರೆತ ಪೂ, ಎದೆತ ಹಾರ, ದಂಡ, ಕಾಜಿ, ಭುಜರಾಳ, ಮೊಲೆಕಟ್ಟು, ಕೆಕ್ಕಿಲ್ದ ಸರಕೊಲು, ಮುಂದಲೆ ಬೊಟ್ಟು, ಕರ್ಜನ, ಮುಂದಲೆ ಪ್ರಭೇದೊಲು, ಗಗ್ಗರ..... ಇತ್ಯಾದಿ, ಜನಸಾಮಾನ್ಯೆರ್ ದೀಪಿ ಪದ್ದೆಯಿಲೆಡ್ದ್ ಭಿನ್ನವಾದ್ ಭೂತೊಲೆಗ್ ಆಣಾ ಪೊಣ್ಣಾಂದ್ ತೆರಿಯರೆ ಗುಣ ಸ್ವಭಾವಲೊಗನುಗುಣವಾದ್ ಕೆಲವು ಪದ್ದೆಯಿಲೆನ್ ದೀವೊನುವೆರ್. ಭೂತೊನು ಅಲೌಕಿಕತೆಗೇರಿಸಾದ್ ಮಧ್ಯಂತರ ಜಗತ್ತ್ ದ ನಿರ್ಮಾಣನೇ ಉಂದೆತ ಉದ್ದೇಶ.
ತುತ್ತುನ ಕುಂಟು-ಪಾಡೊನಿ ಪದ್ದೆಯಿಲು ಸಂಸ್ಕೃತಿದ ನಿರ್ಸಾನಿಲು. ತುಳು ಮಣ್ಣ್ ದ ಬದ್ಕ್ನ್ ಬದ್ಕ್ಂಚಿ ಜನಕುಲೆ ಜೀವನಾಡಿನ್ ತೆರಿಯೊನುನ ಒಂಜಿ ಸೂಕ್ಷ್ಮ ಅಂಶವಾಯಿನೆಡ್ಡಾತ್ರ ಐತ ಮೂಲಕ ತುಳು ಸಂಸ್ಕೃತಿದ ಬೇರಲೆನಾ ಅರ್ಥ ಮಲ್ತೊನೆರೆ ಎಲ್ಯ ಪ್ರಯತ್ನ.ಪಿರಾಕ್ದ ಪದ್ದೆಯಿಲು ಇತ್ತೆ ಕಮ್ಮಿಯಾವೊಂದುಲ್ಲ. ಪಿರಾಕ್ದ ಪದ್ದೆಯಿಲು ಇತ್ತೆ ಮಾಯವಾವೊಂದುಪ್ಪೆರೆ ಮುಖ್ಯ ಕಾರಣ ಫ್ಯಾಷನ್ ಪ್ರಜ್ಞೆ ಬಕ್ಕ ಸಾಮಾಜಿಕವಾಯಿನ ವಿಘಟನೆ.
ತುಳುನಾಡ್ ಸಂಸ್ಕೃತಿದ ಸಾಮಾಜಿಕ ಚೌಕಟ್ಟನ್ ಗಮನಿಸಾಂಡ ಪದ್ದೆಯಿಲು ಬಕ್ಕ ಐಕ್ಲೆನ್ ದೀವೊನುನ ವಿಧಿ ವಿಧಾನೊಲು ಸಂಸ್ಕೃತಿದ ಒಂಜಿ ಭಾಗವಾದ್ ಸಮಾಜದ ಕೆಲವು ಮೌಲ್ಯೂಲೆನ್ ಪ್ರತಿನಿಧಿಸಾವುಂಡು ಪಂದ್ ತೆರಿಯುಂಡು.ಈ ಪದ್ದೆಯಿ ಬಂಗಾರದ ಪರಂಪರೆನ್ ಗಮನಿಸಾದ್ ಕೆಲವು ಅಂಶಲೆನ್ ಪನೊಲಿ.
1. ಪದ್ದೆಯಿ ಬಂಗಾರ್ಲೆನ ರಚನೆ, ವಿನ್ಯಾಸ, ಕುಸುರಿ ಕೆಲಸಲು ಪ್ರಾದೇಶಿಕವಾದ್ ಪ್ರಕೃತಿನೇ ಹೋಲುಂಡು.
2. ಭೂತೊಲೆನ್ ನರಮಾನ್ಯಡ್ದ್ ಪ್ರತ್ಯೇಕಿಸಾಯೆರೆ ಅತಿಮಾನುಷವಾದ್ ದೀವೊನುನ ಪದ್ದೆಯಿಲು.
ಉದಾ : ಅಣಿ ಪ್ರಭೇದ, ತಲೆಪಟ್ಟ, ಭುಜಪಾಳೆ, ಗಗ್ಗರ ಇತ್ಯಾದಿ.
3. ಕೆಲವು ಜನಾಂಗದಕುಲು ವಿಶಿಷ್ಟವಾದ್ ದೀವೊನಿನ ಪದ್ದೆಯಿಲು. ಉದಾ : ಮುಸ್ಲಿಮೆರ್ ದೀವೊನುನ ಪದ್ದೆಯಿ.
42
