4. ಪುರುಷ ಪ್ರಧಾನ ಸಾಮಾಜಿಕ ವ್ಯವಸ್ಥೆನ್ ಬೆಂಬಲಿಸಾಯೆರೆ ಕೆಲವು ಪದ್ದೆಯಿಲೆನ್ ದೀಪೆರ್.
ಉದಾ : ತಾಳಿ ಕಟ್ಟುನು, ಕಾರುಂಗಿಲ ದೀಪಿನಿ ಇತ್ಯಾದಿ.
5. ನಿಷೇಧೋಲ್ನ (ನಿಷೇಧಗಳ ಮೂಲಕ ಸಾಮಾಜಿಕ ಚೌಕಟ್ಟಿನ್ ಚಿತ್ರಿಸಾವುಂಡು. ಉದಾ : ಕಂಡನಿ ಸೈತಿ ಪೊಣ್ಣುಲೆನ್ ಮುತ್ತೈದೆ ಭಾಗ್ಯನು ದೆಪ್ಪುನ ಮೂಲಕ.
6. ಪದ್ದೆಯಿಲೆನ ಪುದರೆನ ಸೂಚಿಸಾವುನ ಶಬ್ದಲೆನ್ ಗಮನಿಸಾಂಡ ಐಕಲ್ನ ರಚನೆ ಬಕ್ಕ ದೀಪಿನ ಅಂಗೊಲೆನ್ ಗಮನಿಸಾದ್ ಪದ್ದೆಯಿಲೆಗ್ ಪುದರ್ ಕೊರ್ತೆರ್. ಈ ಶಬ್ದೊಲು ವಿಶಿಷ್ಟವಾದ್ ತುಳು ಭಾಷೆಗ್ ಒಂಜಿ ಸಾಮಾಜಿಕ ಕೊಡುಗೆಯಾದ್ಲಾ ಉಂಡು.
7. ವೈಜ್ಞಾನಿಕವಾದ್ ಜುವೊದ ಮಿತ್ತ್ ದ ಭಾಗೊಗು ಬಂಗಾರ್, ಸೊಂಟದ ತಿರ್ತ್ಗ್ ಬೊಳ್ಳಿದ ಪದ್ದೆಯಿಲು ಇಡೀ ಜುವೊಗು ಸಮತೂಕ ಮಲ್ಪುಂಡು.
ಪದ್ದೆಯಿಲು ಸಂಸ್ಕೃತಿದ ಒಂಜಿ ಅಂಗವಾದ್ ಐನ ಅರ್ಥೈಸಾರ ಒಂಜಿ ಮಾಧ್ಯಮವಾತ್ಂಡ್. ಪದ್ದೆಯಿಲು ಸಂಸ್ಕೃತಿಡ್ ಒಂಜಿ ಮುಖ್ಯ ಅಂಶವಾತ್ಂಡ್. ಕೆಲವು ಜನಾಂಗದಕುಲು ದೀಪಿನ ಪದ್ದೆಯಿಲು, ದೀಪಿನೆಡ್ದ್ ದುಂಬು ಮಂಚಿ ಕಟ್ಟೆಕಟ್ಟಲೆ ರೀತಿ ರಿವಾಜಿಲು, ಪದ್ದೆಯ್ದ ಪಿರವುಡುಪ್ಪಿ ನಂಬಿಕೆಲು, ಸಾಮಾಜಿಕ ಮೌಲ್ಯಲು, ಪದ್ದೆಯಿ ದೀಪಿಂಚಿ ವಿಧಿ ವಿಧಾನೊಲು-ಉಂದೆನ್ ಮಾತ ಒಟ್ಟು ಸೇರಿಸಾಂಡ ಸಂಸ್ಕೃತಿದ ಒಂಜಿ ಪಾರ್ಶ್ವ, ಸ್ವರೂಪ, ಅಧ್ಯಯನ, ಅರ್ಥೈಸಾವುನ ರೀತಿ ಸಾಧ್ಯವಾಪುಂಡು. ಸಂಸ್ಕೃತಿದ ಅಧ್ಯಯನದ ಮೂಲಕ ನರಮಾನಿ, ನರಮಾನಿಯನ ಮನಸ್ ನ್, ಆಲೋಚನೆನ್ ಅರ್ಥೈಸಾಯೆರೆ ಸಾಧ್ಯವಾಪುಂಡು.
ಮಾತಾ ಅಧ್ಯಯನದ ಮೂಲಲಾ ಅವ್ವೇ.
43
