ಅತ್ತಂದೆ ನಡುಕು ದೀಪಿನ ನಡುತ ಒಡ್ಯಾಣ ಪಲ್ಲೆದ ನೇವನು ಪಾಡುವೆರ್. ಸೊಂಟಪಟ್ಟಿ ಇಜಿಂಡ ಒಡ್ಯಾಣ ದೀಪಿನಾಡ್ಡಾತ್ರ ಜುವೊದ ಮೈಕಟ್ಟ್ ಭಾರೀ ಪೊರ್ಲಾದ್ ತೋಜುಂಡು. ಒಕ್ಕನೂಲು ಇಜಿಂಡ ನೂಲುಗು ಸಾಮಾನ್ಯವಾದ್ ಬೊಳ್ಳಿದ ಪಾಡ್ವೆರ್. ಸೊಂಟೊಗು ನೂಲು ಪಾಡುನಿ ಎಲ್ಯ ಜೋಕುಲೆನ ಬಂಜಿ ಮಲ್ಲಾವಂದೆ ಐಕೊಂಜಿ ರೂಪ ಕೊರರ ಪಂದ್ ಜನಪದರ್ ಪನ್ಪೆರ್. ಆಂಡ ಜೋಕುಲು ಮಾತ್ರ ಅತ್ತ್ ಮಲ್ಲ ಕುಲ್ಲಾ ಒಕ್ಕನೂಲು ಪಾಡುವೆರ್. ಈ ವಿಚಾರೊನು ಸೂಕ್ಷ್ಮವಾದ್ ಗಮನಿಸಾನಗ ಒಂಜಿ ವಿಚಾರ ಸ್ಪಷ್ಟ ಆಪುಂಡು. ದುಂಬುದ ಕಾಲದ ಜನಕುಲು ಮಾನ ಮುಚ್ಚಿರೆ ಕೊಮನ ಕಟ್ನನೊಂದಿಗೆಡ್ಡಾ ತ್ರ ಅಕ್ಸೆಗ್ ಒಕ್ಕನೂಲು ಪಾಡುನ ಅನಿವಾರ್ಯವಾದ್ತ್ತ್ಂಡ್. ಬೊಲ್ಲಿದತ್ಂಡ ಪಚ್ಚೆ ನೂಲಾಂಡಲಾ ಪಾಡೊಂದಿತ್ತೆರ್. ಅವನ್ ಇತ್ತೆದ ಜನಕುಲು ಅಂಧಾನುಕರಣೆ ಮಲ್ಪುವೆರ್.
ಕಾರ್ಗ್ ಕೆಲವು ಪದ್ದೆಯಿಲೆನ್ ದೀವೊಂದಿತ್ತ್ದ್ ಮುಖ್ಯವಾದ್ ದೀವೊಂದಿತ್ತಿನಿ ಬೊಲ್ಲಿದ ಪದ್ದೆಯಿಲೆನ್. ಬಂಗಾರ ಪದ್ದೆಯಿಲೆನ್ ಕಾರ್ಗ್ ದೀಪಿನ ಸಂಪ್ರದಾಯ ಬುಲೆದ್ ಬೈಜಿ. ಬಿಲೆ ಬಾಳುನ ಪದ್ದೆಯಿಲೆಗ್ ಕಾರ್ಗ್ ದೀಂಡ ದಕ್ಡ್ ಪೋಂಡಲಾ ತೆರಿಯಂದ್ ಪನ್ಪಿನ ಎಚ್ಚರಡ್ಡಾತ್ರ ಐಕೆಲನ್ ಕಾರ್ಗ್ ದೀವಂದ ಉಪ್ಪೊಡು. ಐತ ಪಿರವುಡು ಕೆಲವು ನಂಬಿಕೆಲು ಬುಲೆದ್ ಬೈದ್ಂಡ್.ಮದ್ಮೆದ ಸಂದರ್ಭೋಡು ದೀಪಿನ ಕಾರುಂಗಿಲ ಏತೇ ಕಾಸ್ದಾಯೆಲಾ ಬಂಗಾರದ ದೀಯರೆ ಬಲ್ಲಿ. ಅಂಚ ದೀಂಡ ಸೈತ್ ಪೋಪೆರ್ ಪನ್ಪಿ ನಂಬಿಕೆ ಉಂಡು. ದೇವಿ ಅತ್ಂಡ ಜಗನ್ಮಾತೆ ಅತ್ಂಡ ಆದಿಶಕ್ತಿ ಮಾತ್ರ ಬಂಗಾರದ ಕಾರುಂಗಿಲನ್ ದೀವೊನ್ನಾರ್. ಈ ರೀತಿದ ನಂಬಿಕೆಗ್ ಕಾರಣದಾಂತಲಾ ಇಜ್ಜಿ. ದೇವೆರೆನ್ ನರಮಾನ್ಯಡ್ದ್ ಪ್ರತ್ಯೇಕಿಸಾದ್ ಎತ್ತರಕ್ಕೇರಾಯರ ಈ ರೀತಿದ ನಂಬಿಕೆಲು ಚಾಲ್ತಿದುಂಡು. ಅಂಚಾದೇ ಕಾರ್ಗ್ ಬೊಲ್ಲಿದ ಪದ್ದೆಯಿಲೆನ್ ಮಾತ್ರ ದೀವೊನುವೆರ್.
1. ಕಾರಸರಪೊಲಿ 2. ಪೈಜಾಣಿ 3. ಒಂಕಿ 4. ಪಾಡಗ 5. ತೋಡ, ಕಾರ್ದ ಬಿರಲೆಗ್ ಕಾರುಂಗಿಲ ಬಕ್ಕ ಪಿಲಿಮಿಂಚಿನ್ ದೀಪೆರ್. ಕೊಂಬಬಿರೆಲ್ದ ಕೈತಲ್ದ ಬಿರೆಲ್ಗ್ ಕಾರುಂಗಿಲಲಾ ಐತ ಕೈತಲ್ದ ಬಿರೆಲ್ಗ್ ಪಿಲ್ಲಿಮಿಂಚಿನ್ಲ್ ದೀಪೆರ್.
ದುಂಬುದ ಕಾಲೊಡು ತರೆಕುಜಲ್ ಬುಲೆಪಾವೊಂದಿತ್ತಿ ಅಂಜೊವೊಲು ತರಸೂಡಿಗ್ ಕೆಲವು ಪದ್ದೆಯಿನ್ ದೀವೊಂದಿತ್ತೆರ್. ಪೂಂಜೆಯೆಲೆಕ್ಕನೆ ತಲೆಸೂಡಿಗ್ ಪೂ ದೀದ್ ಐತ ಬಲ್ಮನ ಆವೊಂದಿತ್ತಿನ ಅಂಜೊವೊಲು ಅಂಗೈ, ಮುಂಗೈಲೆಗ್ ದೀಪಿಂಚಿ ಪದ್ದೆಯಿದ ವಿವರ ಪಾಡ್ಡನೊಡು ಬರ್ಪುಂಡು.ತರಕ್ ಕೂರಿ ಕುತ್ತರಿ, ಬಾವೊರಿ, ಬಪ್ಪರಿಯತ್ತಂದ ಅಂಗೈ ಬಲೆ, ಮುಂಗೈ ಸರಪೊಲಿ, ಬಕ್ಕ ಮುತ್ತು ರತ್ನದ ಉಂಗಿಲೊಲು
40
