ಬುಗುಡಿದ ಸರಪೊಲಿ 7. ಚಂದ್ರಮುರು 8. ಮಾಗಾಯಿ 9. ಲಾಂಗ್ದ ಕಡ್ಡಿ 10. ಕೆಬಿ ಪೂ 11. ಟಿಕ್ಕಿ 12. ಒಂಟಿ 12, ಅಂಬುಲೆ.... ಇತ್ಯಾದಿ.
ಹಿಂದೂ ಪೊಂಜೊವೊಲು ವಿಶಿಷ್ಟವಾದ್ ಮೂಂಕ್ದ ಪದ್ದಯಿಲೆನ್ ದೀಪೆರ್. ಪೊಣ್ಣು ಪೊಂಜೊವಾವೊಡ್ಡನೇ ಮೂಂಕುತಿನ್ ದೀವೊಂಡೆರ್ಲಾ ಹಿಂದು ಸಂಸ್ಕೃತಿದ ಭಾಗದ ತುಳುವೆರ್ಲಾ ಮೂಂಕುತಿನ್ ಮುತ್ತೈಸನದ ಪ್ರಮುಖ ಭಾಗವಾದ್ ದೀಪೆರ್. ಅತ್ತಂದೆ ಮೂಂಕುಗು ದೀಪಿ ಪದ್ದೆಯಿಲು ಪಂಡ-1. ನತ್ತ್ 2. ಮೂಂಕುತಿ 3. ಬೊಟ್ಟು ಬುಲಕ್.
ಮಾತೆಡ್ದ ಎಚ್ಚ ಪದ್ದೆಯಿಲೆನ್ ಕೆಕ್ಕಿಲ್ಗ್ ದೀಪ, ಕೆಕ್ಕಿಲ್ದ ಪದ್ದೆಯಿಲು ದೆರ್ತ್ ತೋಜುನೆಡ್ದಾತ್ರ ಕೆಕ್ಕಿಲ್ಗ್ ಭಾರೀ ನಮೂನೆದ ಪದ್ದೆಯಿಲೆನ್ ದೀವೊನುವೆರ್. ಬೇತೆ ಬೇತೆ ವಿನ್ಯಾಸದ ಬಕ್ಕ ವೈಶಿಷ್ಟ್ಯಪೂರ್ಣವಾಯಿನ ಪದ್ದೆಯಿಲು ಕೆಕ್ಕಿಲ್ಡ್ ತೋಜುಂಡು.
1. ಬೊಟ್ಟು ಮಾಲಕ್ 2. ಗುಂಡಂತಿಗೆ 3. ಗೆಜೆತಿಕ್ 4. ಮಿಸಿರಿದ ಮಾಲೆ 5. ಕರಿಮಣಿ ತಾಳಿ 6. ಏಳಿಲೆತ ಕಟ್ಟಾಣಿ ಸರ 7. ಕಾಸ್ದಳ 8. ಬೇಲಾಣಿ 9. ಒರುವರ್ದಣಿ 10. ಬ್ಲೂಸರ 11. ಗುಂಡುಸರ 12. ಚಕ್ರಸರ 13. ಮಿಸಿರಿದ ಸರ 14. ಬಂದಿ 15. ಚಾನೂಲು..... ಇತ್ಯಾದಿ.
ಜುವೊದ ಮುಖ್ಯ ಅಂಗ ಕೈ. ಈ ಕೈಕ್ ಕೂಡಾ ಪದ್ದೆಯಿಲೆನ್ ದೀಪೆರ್. ಕೈಟ್ಟ್ ಲಾ ಬಿರೆಲ್, ಲಟ್ಟೆ, ಕೈ, ತಟ್ಟ್ ಲೆಗ್ ಪದ್ದೆಯಿಲೆನ್ ದೀಪೆರ್. ಬೇತೆ ಬೇತೆ ವಿನ್ಯಾಸದ ಪದ್ದಿಯಿದ ಒಟ್ಟುಗು ಪೊಸ ಪೊಸ ಆವಿಷ್ಕಾರೊಲೆನ್ ಮಲ್ಪುವೆರ್.ಕೈಕ್ಕೆ ದೀಪಿನ ಪದ್ದೆಯಿಡ್ಲಾ ಲಟ್ಟೆಗ್ ಬಂಗಾರ್ದ ಉರು ಸರಿಯ, ಒಂಕಿ ದೀಪೆರ್. ಈ ಉರ್ಕ್ ಸರಿಯ ಒಂಕಿದೊಟ್ಟುಗು ಬೇತೆ ಬೇತೆ ವಿನ್ಯಾಸಲೊಡು ಮುಂಗೈಗ್ ದುಂಡು ಪನ್ಪಿ ಪದ್ದೆಯಿಲಾ ಅತ್ತಂದೆ ಕೈ, ತಟ್ಟ್ ಲೆಗ್ ದೋರೆ, ಪಕಲ್ ಕಟ್ಟೆ, ಉಗುರು ಕಾಜಿ, ಚಲಾಕಿ, ಕಡವು ವಜ್ರ, ಚೂಡ, ಅಂಗೈ ಬಲೆ, ಮುಂಗೈ ಸರಪೊಲಿ, ಕಡಗ, ಕಂಕಣ ಇಂಚಿತ್ತಿ ಪದ್ದೆಯಿಲೆನ್ ದೀಪೆರ್. ಬಿರೆಲ್ಗ್ ಉಂಗಿಲ ದೀಪ, ಐಟ್ಟ್ ಲಾ ಮದ್ಮೆ ನಿಗಂಟಾಯಿನ ಇಜಿಂಡ ಮದ್ಮೆದಾನಿ 'ದೆಕ್ಕಯಿ' ಕಟ್ಟ್ ದ್ ಒಡ್ಡಿಂಗಿಲ ಪಾಡುವೆರ್. ದುಂಬು ಮದ್ಮೆದಾನಿ ಒಡ್ಡಿಂಗಿಲ ಪಾಡೊಂತೆರ್.ಇತ್ತೆ ಕೆಲವು ಜಾತಿಲೆಡ್ ಮದ್ಮಾದಾನಿ ದಾರದುಂಗಿಲ ಪಾಡುನ ಕ್ರಮಲಾ ಉಂಡು.
ಜುವೊದ ಮುಖ್ಯ ಭಾಗವಾಯಿನ ಸೊಂಟೊಗು ಸೊಂಟಪಟ್ಟಿನ್ ದೀಪೆರ್..
39
