ತುಳುವೆರ್ ಪದ್ದೆಯಿ ಬಂಗಾರ್' ಒಂಜಿ ವಿವೇಚನೆ.
– ಶ್ರೀಮತಿ ಜ್ಯೋತಿ ಚೇಳ್ಯಾರು
ಜನಕುಲೆಗ್ ಮಾತೆರೆಗ್ಲಾ ಎಚ್ಚಾದ್ ಎಂಕು ತೂಪಿನಕ್ಲೆಗ್ ದೆರ್ತ್ ತೋಜೊಡು
ಪನ್ಪಿನ ಒಂಜಿ ಆಲೋಚನೆ ಉಪ್ಪುಂಡು. ಉಂದೆಡ್ಡಾತ್ರನೆ ನರಮಾನಿಯಗ್ ತನನ್
ತಾನೆ ಸಿಂಗಾರ ಮಲ್ತೊನುಡುಂದು ಗೇನೆ ಸುರುವಾದುಪ್ಪುಂಡು. ಅವ್ವೇ ಇನಿತ
ದಿನಮಾನಿಡ್ ತುತ್ತೊನುನ-ತೊಟ್ಟೋನುನೆಡ್ಡಾತ್ರ 'ಫ್ಯಾಶನ್' ಆದ್ ಬುಲೆದುಪ್ಪೋಡು.
ಆಂಡಲಾ ಜನಸಾಮಾನ್ಯೆರ್ ತನ್ಕುಲೆನ ಜುವೊನು ಐತ ಬಲ್ಮನೊಡು ಪೊರ್ಲು
ಮಲ್ತೊಡುನ್ಪಿನನೆ ಸಿಂಗಾರದ ತಿರ್ಲ್. ಪದ್ದೆಯಿ ಬಂಗಾರ್ಲಾ ಸಿಂಗಾರದ ಒಂಜಿ
ಮಾದ್ಯಮ.
ಪದ್ದೆಯಿ ಬಂಗಾರ್ನ್ ಪಾಡೊನುನ ದೀವೊನುನ ಇಚಾರೊನು ಗೇನ ಕೊರುದು
ತೂಂಡ ಪಿರಾಕ್ದ ಕಾಲೊಡು ಕಾಡ್ನರಮಾನಿ ತನ್ನ ಮಾನ ಮುಚ್ಚೆರಾತ್ರ ಸುರುಟು
ತುತ್ತೊಂದು ಬಕ್ಕ ತೊಟ್ಟೊಂದು ಪದ್ದೆಯಿ ಬಂಗಾರ್ನ್ ದೀವೊಂದಿತ್ತೆರಡ ಕಾಲ ಕರಿನಗ
ಅವ್ವೇ ಸಿರಿವಂತಿಕೆನ್ ತೊಜಿಪಾವುನ ಆಡಂಬರ ಅಂಶೋಲಾದ್ಲಾ ಬುಲೆದ್ ಬೈದ್ಂಡ್.
ಇಂಚಿಪಗದ ದಿನಮಾನಿಡ್ ಪದ್ದೆಯಿ ಬಂಗಾರ್ಲಾ 'ಫ್ಯಾಷನ್' ಪನ್ಪಿ ಮಾಯಾ
ಪ್ರಪಂಚದ ಪಾಂಪ್ರವಾದೇ ಉಂಡು.
ಪದ್ದೆಯಿ ಬಂಗಾರ್ (ಆಭರಣ) ಪಂಡ ದೀವೊನೆರೆ ಯೋಗ್ಯವಾಯಿನ ವಸ್ತ್. ಪಿರಾಕ್ದ ಬರವುಲಾಯಿನ ಕಾವ್ಯಲೆಡ್ ಆಭರಣಗು 'ಆಭಾಯನ' ಪಂದ್ ಲೈದಿನ ಉಲ್ಲೇಖ ಉಂಡು, 'ಆಭ' ಪಂಡ ಬೊಲ್ಪುಡು ದಿಂಜಿದಿನ ಪನ್ಪಿ ಅರ್ಥಲಾ ಉಂಡು. ಆಭ+ಆವರಣ->ಆಭಾವರಣ->ಆಭವರಣ->ಆಭರಣ ಆದುಪ್ಪುನ ಸಾಧ್ಯತೆಲಾ ಉಂಡು. ಬೊಲ್ಪುಡು ಕೂಡಿನ ಆಭರಣ ಆಪುಂಡು. ತುಳುವೆರೆಡ್ ಅಯಿನೇ ಪದ್ದೆಯಿ ಬಂಗಾರ್ಂದ್ ಪನ್ಪೆರ್. "ಪದ್ದೆಯಿ ಬಂಗಾರ್" ಪನ್ಪಿ ಶಬ್ದೊಗು ಬಂಗಾರ್ಡ್ ಮಲ್ತಿಂಚಿ ಆಭರಣೋಲು. ಭೂತದ ಆಭರಣ ಪಿರಾಕ್ದ ಆಭರಣ ಪನ್ಪಿ ವಿವರಣೆನ್ ಜನಪದೆರ್ ಕೊರ್ಪೆರ್. ಈ ಮಾತಾ ವಿವರೊಲೆನ್ ತೂನಗ ಈ ಶಬ್ದ ಬೇತೆ ಬೇತೆ ಅರ್ಥೋಡು
36
