ಬಳಸುದುಪ್ಪೆಡುಂಡು ಗೊತ್ತಾಪುಂಡು. ಆಂಡ ಈ ಶಬ್ದದ ರಚನೆ ಗಮನಿಸಾದ್ ಇಂಚ
ಪನೊಲಿ:
ಅವುಲು ರಡ್ಜ್ ಶಬ್ಧೊ ಉಲ್ಲ. ಪದ್ದೆಯಿ ಬೊಕ್ಕ ಬಂಗಾರ್, ಬಂಗಾರ್ ಪಂಡ
ಬಂಗಾರ್ (ಚಿನ್ನ), ಪದ್ದೆಯಿ ಪಂಡ ಆಭರಣ ಈ ಪದ್ದಿಯಿನ್ಲಾ ಬಂಗಾರ್ದ ಇಜಿಂಡ
ಬೇತೆ ಒವುಲಾ ಲೋಹೊಡು ಮಲ್ತಿನ ಪದ್ದೆಯಿ ಎಂದೊಪ್ಪುಡು, ಇನಿಕ್ಲಾ ನರಮಾನಿ
ಕಾಲಿ ಬಂಗಾರ್ದತ್ತಂದೆ ಬೇತೆ ಲೋಹದಲಾ ಪದ್ದೆಯಿನ್ಲಾ ದೀವೊಂದುಲ್ಲೇರೇಂದ್
ನಮ ತೂವೊಂದುಲ್ಲ. ಅತ್ತಂದೆ ಇತ್ತೆ ಭೂತ ದೈವೊಲೆಗ್ ಬಂಗಾರ್, ಬೊಳ್ಳಿ, ಪಿತ್ತಾಳೆ,
ತಾಮ್ರದ ಪಟ್ಟಿಯಿಲೆನ್ ದೀಪಿನೆನ್ ತೂಪ, "ಪದ್ದೆಯಿ ಬಂಗಾರ್" ಪನ್ಪಿ ಶಬ್ದ
ಆಭರಣೊಲೆಗ್ ಕುರಿತಾದ್ ಬಳಕೆಡ್ ಉಪ್ಪುನ ತೀರಾ ವಿಶಿಷ್ಟವಾಯಿನ ಪದ. ಅತ್ತಂದೆ
ಭಾರಿ ಅರ್ಥ ದಿಂಜಿ ವಿಸ್ತಾರವಾಯಿನ ಪದಲಾ ಅಂದ್.
ತುಳು ಬದ್ಕ್ ಪಿರಾಕ್ಡ್ದ್ ಬದ್ಕಿನ ತುಳುನಾಡ್ದ ತುಳುವೆರ್ ಬೇತೆ ಬೇತೆ
ನಮೂನೆದ ಪದ್ದೆಯಿಲೆನ್ ದೀವೊಂದಿತ್ತೆರ್, ಉಂದೆಡ್ಡಾತ್ರನೆ ತುಳುನಾಡ್ ಪದ್ದೆಯಿ
ಬಂಗಾರ್ದ ವಿಶಿಷ್ಟವಾಯಿನ ಪರಂಪರೆನ್ ಹೊಂದ್ದ್ಂಡ್ಂದ್ ತೆರಿಯುಂಡು.
ತುಳುವೆರೆಡ್ ದುಂಬುಡ್ಡಿಂಚಿ ದೀವೊಂದಿತ್ತ್ದ್ ಇತ್ತೆ ತೂವೆರ್ ಕಮ್ಮಿಯಾಪಿನ
ಪದ್ದೆಯಿದ ವಿವರದೊಟ್ಟುಗು ಒಂಜಿ ಮಿತಿತ್ತ ಉಲಯಿ ಪದ್ದೆಯಿ ಬಂಗಾರ್ದ ಪೊರ್ಲುದ
ತಿರ್ಲ್ನ್ ತೆರಿಪಾವುನನೇ ಈ ಬರವುದ ಉದ್ದೇಶ.
ಸಾಮಾನ್ಯವಾದ್ ಪದ್ದೆಯಿಲೆನ್ ನರಮಾನಿ ತನ್ನ ಅಂಗಾಂಗೊಲೆಗ್ ದೀಪೆರ್,
ಕೈ, ಕೈಬಿರೆಲ್, ರಟ್ಟೆ, ಕಾರ್, ಕಾರ್ಬಿರಲ್, ಸೊಂಟ, ಕೆಬಿ, ಮೂಂಕು, ಕೆಕ್ಕಿಲ್, ಇಂಚ
ಒಯಿಟಿ ಪೂರಾ ಜುವೊದ ಭಾಗೊಲು ತೋಜುಂಡು ಅಡೆಗ್ ಈ ಪದ್ದೆಯಿ ಬಂಗಾರ್ಲೆನ್
ದೀವೊನುವೆರ್, ಪೊರ್ಲುಗಾತ್ರ, ಅಲಂಕಾರೊಗಾತ್ರ ರೂಪಿಸಾವೊನ್ನ ಪದ್ದೆಯಿಲು ತುಳು
ಬದ್ಕ್ ಕಟ್ಟಕಟ್ಟೆಳೆದ ವಿಶಿಷ್ಟ ಅಂಶೋಲಾದ್ ಬುಲೆದ್ ಬೈದ್ಂಡ್.
ಆಂಜೊವೊಲೆಡ್ದ್ಲಾ ಪೊಂಜೊವೊಲು ಪದ್ದೆಯಿ ದೀವೊನ್ನೆಟ್ಟ್ ಮಲ್ಲ ಪಾಲ್ನ್
ಪಡೆವೊನುವೆರ್. ಕೆಲವು ಪದ್ದೆಯಿಲೆನ್ ಮರ್ಯಾದೆದ ನಿಲೆಟ್ಲಾ ದೀವೊನುವೆರ್.
ಪದ್ದೆಯಿ ದೀವೊನುನ ರೀತಿ ಬಕ್ಕ ವಿಧಿ ವಿಧಾನ್ಲಾ ಗಮನಿಸಾದ್ ತೂನಗ ಪದ್ದೆಯಿ
ಬಂಗಾರ್ನ್ ಸ್ಥೂಲವಾದ್ ನಾಲ್ ರೀತಿಡ್ ವಿಭಾಗಿಸಾವೊಲಿ.
1. ಪೊಂಜೊವು ಬಕ್ಕ ಅಂಜೊವು ದೀಪಿನ ಪದ್ದೆಯಿ ಬಂಗಾರ್.
2. ಕೆಲವು ವಿಧಿಡ್ದ್ ಬಕ್ಕ ದೀಪಿನ ಪದ್ದೆಯಿಲು,
37
