ಪುಟ:ಮದಿಪು ಲೇಖನೊಲು.pdf/೪೩

ಇಲ್ಲಾಂಡಲ ಅವು ಪ್ರಗತಿ ನಗರ ಆಪುಂಡು.
ದುಂಬುದ ಊರ್ದ ಪುದರ್ಲೆನ್ ಬದಲ್ ಮಲ್ತ್‌ದ್ ಪೊಸ ಪುದರ್ ದೀಪುನ ಸೀಕ್‌ಲ ಇತ್ತ ನಮ್ಮ ಸಮಾಜೊಡುಂಡು, ಕುಡುಲ್ತಾಯಿ ಪನ್ಪಿ ದೈವ ನಿಲೆಯಾಯಿನ ಊರು ಕನ್ಯಾನ ಕೈತಲ್ದ ಕುಡ್ಪುಲ್ತಡ್ಕ. ಕೆಲವು ವರ್ಸೊಗು ದುಂಬು ಉಂದುವೇ ಪುದರ್ದ ಇಸಯೊಡು ಪೆಟ್ಟ್, ಲಡಯಿ ಆದ್ ಆ ಊರುಗು ವಿಜಯಡ್ಕಂದ್ ಪುದರ್ ದೀಯೆರ್. ಸುಣ್ಣದ ಕೆರೆ ಪನ್ಪಿ ಜಾಗೆನ್ ಸುನ್ನತ್ ಕೆರೆ ಮಲ್ಪುನ ಪ್ರಯತ್ನಲಾ ನಡತೊಂದುಂಡು.
ನಮ್ಮ ಹಿರಿಯಕ್ಲು ಎಡೇನ ಗೇನ ದೀದ್ ದೀನ ಊರ್ದ ಪುದರ್ಲೆಗ್ ಏತೊಂಜಿ ಅರ್ತ ಉಂಡು. ಡಾ. ಸುಬ್ಬಣ್ಣ ರೈಕುಲು ಅರೆನ ದಕ್ಷಿಣ ಕನ್ನಡ ಜಿಲ್ಲೆಯ ಐತಿಹ್ಯಗಳು ಪನ್ಪಿನ ಬೂಕುಡು ಇಂಚ ಬರೆತೆರ್ “ಪ್ರತಿಯೊಂದು ಸ್ಥಳ ನಾಮವೂ ಏನಾದರೊಂದು ಅಂಶವನ್ನು ಒಳಗೊಂಡಿರುತ್ತದೆ. ಭಾಷೆ ಹೇಗೆ ಮಾನವನ ಸ್ವಪ್ರಯತ್ನದ ಫಲವೋ ಹಾಗೆಯೇ ಭಾಷೆಯೊಳಗಿನ ಸ್ಥಳನಾಮ ಕೂಡ ಆತ ಬುದ್ದಿ ಪೂರ್ವಕವಾಗಿ ನಿರ್ಮಿಸಿ ಕೊಂಡುದು ಭಾಷೆಯಂತೆ ಇಲ್ಲೂ ಒಂದು ವ್ಯವಸ್ಥೆ ಇರುತ್ತದೆ. ಆ ವ್ಯವಸ್ಥೆಗೆ ಒಂದು ಅರ್ಥವಿರುತ್ತದೆ. ಆ ಅರ್ಥವನ್ನು ಹುಡುಕ ಹೊರಟರೆ ಈ ನಾಡಿನ ಸಂಸ್ಕೃತಿಯ ಅರಿವಾಗದಿರದು". ಅಂಚಾದ್ ಹಿರಿಯಕ್ಕು ದೀನ ಊರ್ದ ಪುದ‌ರ್ಲೆನ್ ಅಂಚನೇ ಒರಿತೊಂದು, ಪೊಸ ಪುದರ್ ದೀಪುನ ಪ್ರಸಂಗೊಲು ಬತ್ತ್ಂಡ ಆ ಊರ್ದ ಇಸೇಸೊಲೆನ್ ಪಿಂದೊಂದು ಅರ್ಥ ದಿಂಜಿನ ಪುದರ್ ದೀಕ... ಆವಂದೆ?

35