ಪುಟ:ಮದಿಪು ಲೇಖನೊಲು.pdf/೪೨

ಅಂಗೊಲಿತ್ತಿನ ಊರ್ದ ಪುದರುಲು.

ಮರತ್ತ ಪುದುರುಲಿತ್ತಿನ ನೇರಳಕಟ್ಟೆ, ಬೆದ್ರಡ್ಕ, ಪೆಲತ್ತಡ್ಕ, ಕಾಪಿಕಾಡ್, ದೈಗೋಳಿ, ಕುಂಟಂಗೇರಡ್ಕ, ನೆಲ್ಲಿ ಕಟ್ಟೆ, ತಾರಿ ಪಡ್ಪು, ಬಾರೆಪುಣಿ, ಕುಕ್ಕುದ ಕಟ್ಟೆ, ಕಾಯೇರ್, ಪುಳಿತ್ತಡಿ ರೆಂಜಾಡಿ ಇಂಚ ಆ ಊರುಡು ಎಚ್ಚಾದ್ ವಾ ಮರ ಬುಳೆವುಂಡ ಆ ಮರನೆ ಊರುದ ಪುದರ್ಲ ಆಪುಂಡು, ಮರಕ್ಕೊಂಜಿ ಕಟ್ಟೆ ಕಟ್ಟ್oಡ ಒಂತೆ ವರ್ಸೊಡು ಅವ್ವೇ ಒಂಜಿ ಊರುದ ಪುದರಾಪುಂಡು.
ಅಂಕೆ, ಸಂಖ್ಯೆಲುಲಾ ಊರುದ ಪುದರಾತ್ಂಡ ಎಣ್ಮಕಜೆ, ಎಣ್ಮೂರು, ಒಂರ್ಬಕೆದು, ನಾಕೂರುಕಯ, ಪತ್ತ್‌ಮುಡಿ, ಏಳಿಂಜೆ ಅಂಕೆಲು ಇತ್ತ್‌ನ ಊರುಲಾಂಡ, ಕರಿಯಂಗಳ, ಬಿಳಿಯೂರು, ಪಚ್ಚನಾಡಿ, ಮಜಲ್ಪಾದೆ, ಕೆಂಪಲ್ಲ ಬಣ್ಣೊಲು ಇತ್ತಿನ ಊರುದ ಪುದರುಲು.
ಕೆಲವೊಂಜಿ ಊರುದ ಪುದುರುಲು ಕ್ರಮೇಣ ಅವೆತ ಮೂಲ ರೂಪೆನು ಕಳೆವೊಂದು ಅರ್ಥೊನೇ ಇಜ್ಜಂದಿ ಶಬ್ದೊಲಾತ್ಂಡ್. ಬಿಕ್ರು ನಾಯ್ಕನ ಕಟ್ಟೆ ಪೋದು ಬಿಕರ್ನಕಟ್ಟೆ ಆತ್ಂಡ್. ಮಧ್ವಾಚಾರ್ಯೆರ್ ಪೋಯಿನೆಡ್ಡಾವರ ಯತಿಯಡ್ಕಂದ್ ಇತ್ತಿನ ಆ ಊರುದ ಪುದರ್ ಇತ್ತೆ ಯೇತಡ್ಕ ಆತ್ಂಡ್. ಅಂಚೆನೇ ಕುತ್ತಿಕಳ ಪೋದು ಕುತ್ಯಾಳ ಇಡೆಕಿದು - ಇಡ್ಕಿದು, ಶಣ್ಮೂರು - ಶಂಭೂರು ಉಂದು ಪೂರ ಮೂಲ ರೂಪ ಕಳೆವೊಂದಿನ ಊರುದ ಪುದರುಲು.
ಬ್ರಿಟಿಷೆರೆ ಆಡೊಳ್ತೆದ ಪ್ರಭಾವೊಡ್ಡಾದ್ ಕೆಲವು ಜಾಗೆಲೆಗ್ ಇಂಗ್ಲೀಷ್ ಪುದರ್ಲ ಬೈದ್ಂಡ್ ಮೋರ್ಗನ್ಸ್ ಗೇಟ್, ಸಿಲ್ವರ್‌ಗೇಟ್, ಐಲ್ಯಾಂಡ್, ಕಾರ್‌ಸ್ಟ್ರೀಟ್, ಹ್ಯಾಟ್‌ಹಿಲ್ ಉಂದು ಪೂರಾ ಇಂಗ್ಲೀಷ್ ಶಬ್ದೊಲಿತ್ತಿನ ಊರ್ದ ಪುದರುಲು.
ಇತ್ತೆ ತುಳುವೆರ್ನ ಬದ್ಕ್‌ದ ಪದ್ಧತಿ ಬದಲಾತ್ಂಡ್ ಮಿತಿ ಮೀರ್ನ ಸುದಾರ್ನೆಡ್ದಾದ್ ನಮ್ಮ ಆಲೋಚನೆದ ಮಿತ್ತ್‌ಲಾ ಪ್ರಭಾವ ಆತ್ಂಡ್. ನಮ್ಮ ಹಿರಿಯಕ್ಲು ಒಂಜಿ ಊರುಗು ಪುದರ್ ದೀನಗ ಅಲ್ತ ಪರಿಸರ, ತುದೆತೋಡು, ಪ್ರಕೃತಿ ಸಂಪೊತ್ತುಲು, ನಡತಿ ಸಂಗತಿಲು ಉಂದೆನ್ ಪೂರಾ ಗೇನೊಡು ದೀವೊಂದಿತ್ತೆರ್. ಇತ್ತೆ ಉಂದು ಒವುಲಾ ಬೊಡ್ಚಿ, ಏರ್ನಾಂಡ ಪುದರ್ದ ಎದುರು ನಗರ ಸೇರಂದ ಊರ್ದ ಪುದರಾಪುಂಡು. ವಿವೇಕ ನಗರ, ಗಾಂಧಿನಗರ, ವಸಂತ ನಗರ, ರಾಮನಗರ, ಶಾಂತಿ ನಗರ, ಮರಿಯ ನಗರ, ಶಾಫಿ ನಗರ ಉಂದು ಪೂರಾ ಇತ್ತೆದ ಊರ್ದ ಪುದರುಲು, ಗುಡ್ಡೆದ ಕೊಡಿಟ್ ನಾಲ್

34