ಒಂಜೊಂಜಿ ಐತಿಹ್ಯ ಉಂಡು. ಕಾಸರಗೊಂಡು ಕೈತಲ್ದ ಮದೂರುಗು ಈ ಪುದರ್
ಬರಿಯೆರೆ ಮದರು ಪನ್ನುನ ಕಾಡ್ದಾಲ್ ಕಾರಣಾಂದ್ ಮುಲ್ತ ಐತಿಹ್ಯ ಪನ್ಪುಂಡು.
ಒರ ಮದರು ಪನ್ಪುನಾಲ್ ನರೆ ಒಕ್ಕೆರೆ ಕಾಡ್ಗ್ ಪೋಪಲ್. ಕಾಡ್ಡ್ ಅಲೆನ ಕೆತ್ತಿ
ಒಂಜಿ ಕಲ್ಗ್ ತಾಗ್ದ್ ಕಲ್ಲ್ಡ್ದ್ ನೆತ್ತೆರ್ ರಟ್ಟುಂಡು. ಉಂದೆನ್ ತೂಯಿನ ಮದರು
ಪೋಡಿದ್ ಅರಸುಲೆಡ ಪೋದು ಪನ್ಪಲ್. ಅರಸುಲು ಬತ್ತ್ದ್ ತೂನಗ ಅವುಲೊಂಜಿ
ಶಿವಲಿಂಗ ತೋಜುಂಡು, ಈ ಶಿವಲಿಂಗೊನು ಎಡ್ಡೆ ಜಾಗೆಡ್ ಪ್ರತಿಷ್ಠೆ ಮಲ್ಪೊಡುಂದು
ಎನ್ನಿನ ಅರಸುಲು ಮದರುದ ಕತ್ತಿನ್ ಬೀಜಿದ ದಕ್ಕಿಯೆರ್ ಪನ್ಪೆರ್. ಮದರು ದಕ್ಕ್ನ
ಕತ್ತಿ ಒಂತೆ ದೂರ ಪೋದು ಬೂರುಂಡು. ಉಂದುವೇ ಸರಿಯಾಯಿನ ಜಾಗೆಂದ್
ಶಿವಲಿಂಗೊನು ಅವುಲು ಪ್ರತಿಷ್ಠೆ ಮಲ್ಪುವೆರ್. ಇಂಚ ಮದರುಡ್ಡಾಡ್ ಈ ಊರುಗು
ಮದರೂರುಂದು ಪುದರಾಂಡ್ ಇತ್ತೆ ಮಧೂರು, ಮದವೂರು, ಮರೂರುಂದುಲಾ ಪನ್ಪೆರ್.
ಕಾಂತಾವರ, ಶಿಶಿಲ, ಸುರ್ಯ, ನೆಟ್ಟಣಿಗೆ, ಕಟೀಲ್ ದೇವಸ್ಥಾನೊಲೆಗ್ಲ್ ಉಂದುವೇ
ರೀತಿದ ಐತಿಹ್ಯ ಎಲ್ಯ ವ್ಯತ್ಯಾಸೊಲೆಡ್ ನಂಕ್ ತಿಕ್ಕುಂಡು.
ಕೆಲವು ಊರುದ ಪುದರೇ ಸ್ವಾರಸ್ಯದವು, ಬಂಟ್ವಾಳ ತಾಲೂಕುದ ಬಾರೆಪುಣಿ ಗ್ರಾಮೊಡು
ಪೂಪಾಡಿಕಲ್ಲ್ ಪನ್ಪುನ ಊರುಂಡು. ಕನ್ನಡೋಡು ಈ ಊರುನು ಹೂ ಹಾಕುವ ಕಲ್ಲುಂದು
ಪನ್ಪೆರ್. ಕನಂದೂರುಡು ನಿಲೆಯಾಯಿನ ತೋಡಕ್ಕಿನಾರ್ ದೈವ, ಘಟ್ಟ ಜಪ್ಪೊಡು,
ತುಳುವೆರೆನ್ ತುವೊಡುಂದು ಘಟ್ಟ ಜತ್ತ್ದ್ ಬನ್ನಗ ನಡತ್ನ ಬಚ್ಚೆಲ್ಗ್ ಒಂತೆ
ಪೊರ್ತು ಮೂಲಿತ್ತಿನ ಕಲ್ಲ್ಡ್ ಕುಲ್ಲಿಯೆರ್ಂದ್ ನಂಬೊಳಿಗೆ. ಅಂಚಾದೇ ಊರ್ದಕುಲು
ಈ ಕಲ್ಲ್ಗ್ ಪೂಪಾಡ್ದ್ ಸುಗಿಪು ಸಂದವೆರ್, ಪ್ರಾಕ್ದ ಕಲ್ಲ್ಗ್ ಪೂಪಾಡ್ಜ್ ಸುಗಿಪು
ಸಂದವುನೆಡ್ಡಾದೇ ಈ ಊರುಗು ಪೂಪಾಡಿ ಕಲ್ಲ್ಂದ್ ಪುದರಾಂಡ್.
ಮುರ್ಗ ಪಕ್ಕಿಲೆನ ಪುದರ್ಡ್ ಮೂಲು ಊರ್ದ ಪುದರ್ಲೆಗ್ ದಾಲ ಕಮ್ಮಿ ಇಜ್ಜಿ,
ಎರುಕಡಪು, ನಾಯ್ಕಾಪು, ಪುಚ್ಚೆ ಮೊಗರು, ನರಿಕೊಂಬು, ನಂದಿಕೂರು ಉಂದು ಪೂರಾ
ಮುರ್ಗೊಲೆಗ್ ಸಂಬಂಧ ಇತ್ತಿನ ಊರುದ ಪುದರುಲು, ಅಂಚನೇ ಕಕ್ಕೆಪದವು,
ಕೊರಂಗ್ರಪಾಡಿ, ಕೋಳ್ಯೂರು, ಗಿಳಿಯಾಲ ಇಂಚ ಪಕ್ಕಿದ ಪುದರ್ಡ್ಲ.
ಊರುಲುಂಡು, ಈ ಮಾತ ಪುದರ್ದ ಪಿರವುಲ ಒಂಜೊಂಜಿ ಐತಿಹ್ಯ ಉಂಡು.
ನರಮಾನ್ಯರೆ ಅಂಗ ಅಂಗೊಲುಲಾ ಊರ್ದ ಪುದರ್ಲೆಗ್ ಸೊತ್ತುಲಾತ್ಂಡ್. ಕೈಕಂಬ, ಕೈರಂಗಳ, ಕೈಯಾರ್, ಕೋಟೆಕಾರ್, ಬಾಯಾರ್, ಕಣ್ಣೂರು ಉಂದು ನರಮಾನ್ಯರೆ
33
