ರಾಮಾಯಣ ಮಹಾಭಾರತದಂಚಿನ ಪುರಾಣದ ಕೆಲವು ಸಂಗತಿಲು ನಮ್ಮ ಊರುಡ್ಲಾ
ನಡತ್ಂಡ್ ಪನ್ಪಿ ನಂಬೊಳಿಗೆಡ್ ಊರುಗು ಪುದರ್ ದೀತೆರ್. ಕಾಸರಗೋಡುದ
ಕೈತಲುಪ್ಪುನ ಪಂಜಿಕಲ್ಲ್ ದ ಬಗೆಟ್ ಇಂಚಿನನೇ ಅಭಿಪ್ರಾಯೊಲೆನ್ ಊರ್ದಕ್ಲು ಕೊರ್ಪೆರ್.
ಒರ ಪಾಂಡವೆರೆಟ್ಟ್ ನಡುವನೆ ಅರ್ಜುನೆ ಈಸರ ದೇವರೆನ್ ತಪಸ್ಸು ಮಳ್ತೊಂನ್ದುಪ್ಪುನಗ
ಆಯನ ಬೀರ, ಬಿರ್ಸಾತಿಗೆನ್ ಪರೀಕ್ಷೆ ಮಲ್ಪೆರೆ ಈಸರ ದೇಬೆರ್ಲ ಪಾರ್ವತಿಲ
ಬೋಂಟೆದಕ್ಲೆ ಏಸೊಡು ಬತ್ತ್ ದ್ ಒಂಜಿ ಪಂಜಿನ್ ಸೃಷ್ಟಿ ಮಲ್ತದ್ ಅರ್ಜುನನ
ತಪಸ್ಸ್ಗ್ ತೊಂದರೆ ಕೊರ್ಪಯೆರ್ . ಅರ್ಜುನೆ ಕೋಪೊಡು ತಪಸ್ಸ್ ಡ್ದ್ ಲಕ್ಕ್ ದ್ ಆ
ಪಂಜಿಗ್ ಪಗರಿ ಬುಡ್ಪೆ ,ಅವ್ವೆ ಪೊರ್ತುಡು ಈಸರ ದೇಬೆರ್ಲ ಪಂಜಿಗ್ ಪಗರಿ
ಬುಡ್ಪೆರ್, ಪಗರಿದ ಪೆಟ್ಟ್ ಗ್ ಪಂಜಿ ಸಯ್ಪುಂಡು. ಆಂಡ ಪಂಜಿನ ಕೆರ್ನಯೆ ಯಾನ್
ಯಾನ್ಂದ್ ಇರ್ವೆರ್ಲ ವಾಚಾಟೊಗು ಸುರು ಮಲ್ಪುವೆರ್, ಲಡಯಿ ಆಪುಂಡು...!
ಲಡಯಿಡ್ ಸೋತುನ ಅರ್ಜುನೆ ಅವುಲೇ ಒಂಜಿ ಶಿವಲಿಂಗೊನು ಸೃಷ್ಟಿ ಮಲ್ತ್ ದ್
ಈಸರ ದೇಬೆರೆನ್ ಸುಗಿಪುವೆ. ಆಂಡ ಅಯೆ ಶಿವಲಿಂಗೊಗು ಪಾಡ್ನ ಒಂಜೊಂಜಿ
ಪುರ್ಪಲ ಬೋಂಟೆದಾಯನ ತರೆಕ್ಕ್ ಬೂರ್ನಗ ಅಯೆನೇ ಈಸರ ದೇವೆರ್ಂದ್ ತೆರಿದ್
ಮಾಪು ನಟ್ಟುವೆ. ಈಸರ ದೇಬೆರ್ ಅಯನ ತಂಕೊಗ್ ಒಲಿದ್ ಪಾಶುಪತ ಪನ್ಪಿ ಪಗರಿನ್
ಉಡಿಗಿರೆ ಆದ್ ಕೊರ್ಪೆರ್. ಮೊಕ್ಲೆನ ಪಗರಿಗ್ ಸೈತ್ ನ ಪಂಜಿ ಮೂಲೇ
ಕಲ್ಲಾತ್ಂಡ್ಂದ್ ಊರ್ದಕ್ಲು ಒಂಜಿ ಕಲ್ಲ್ ನ್ ತೋಜವೆರ್. ಈ ಊರೇ ಇತ್ತೇ ಪಂಜಿ
ಕಲ್ಲಾತ್ಂಡ್. ಕೃತಲೇ ಉರುಡೂರು ಉಂಡು. ಪಂಜಿದ ಏತ್ಡ್ ಇರ್ವೆರ್ಲ ಉರುಡುನ
ಊರೇ ಉರುಡೂರು. ಈ ಉರುಡೂರೇ ಇತ್ತೆದ ಅಡೂರು. ಇಂಚೆನೇ ಪಾಂಡವರೆ ಕೆರೆ,
ಪಾಂಡವೆರೆ ಗುಹೆ, ಅಮೇದಿಕಲ್ಲ್ ಉಂದು ಪೂರಾ ಪುರಾನೊಗು ಸಂಬಂಧ ಇತ್ತ್ ನ
ಊರ್ದ ಪುದರ್ಲು. ಶಿಶಿಲ ಕೈತಲ್ದ ಅಮೇದಿಕಲ್ಡ್ದ ಸರಿಯಾಯಿನ ರೂಪ ಅಮೆ ದಿಕ್ಕೆಲ್
ದೌಪದಿ ಪೆದ್ಮೆದಿಯಾದುಪ್ಪುನಗ ಅಲೆಗ್ ಅಮೆ ನೀರ್ ಮೀಯರೆ ಬೀಮೆ ಪಾಡ್ದ್ ನ
ದಿಕ್ಕೆಲ್ಂದ್ ಅಲ್ತ ಮಲ್ಲ ಪಾದೆನ್ ತೋಜವೆರ್. ಉಂದುವೇ ಊರಕ್ಲೇ ಬಾಯಿಡ್
ಅಮೇದಿಕಲ್ಲ್ ಆತ್ಂಡ್.
ತುಳುನಾಡ್ಡ್ ದೇವಸ್ಥಾನ ದೈವಸ್ಥಾನಲೆಗ್ ದಾಲ ಕಮ್ಮಿ ಇಜ್ಜಿ, ದೇವಸ್ಥಾನದ ಪುದರೇ ಊರುದ ಪುದರ್ ಇತ್ತ್ನಲ ಉಂಡು. ಧರ್ಮಸ್ಥಳ, ಕಟೀಲ್, ಕಾಂತಾವರ, ಶಿಶಿಲ, ಮದವೂರು, ಸುರ್ಯ, ಕೋಟೇಶ್ವರ, ಸೋಮೇಶ್ವರ ಉಂದು ಪೂರಾ ದೇವಸ್ಥಾನದ ಪುದರ್ಲ ಅಂದ್, ಆ ಊರುದ ಪುದರ್ಲ ಅಂದ್.ಈ ಒಂಜೊಂಜಿ ಪುದರ್ದ ಪಿರವುಲಾ
32
