ಕುಡುಆಲ. ಕುಡುಪಂಡ ತುಳುಟ್ಟು ದಾನ ಧರ್ಮಂದ್ಲ
ಅರ್ಥ ಉಂಡು. ಅಲ ಪಂಡ
ಜಾಗೆ. ಕುಡ್ಲಡ್ ಕೊಡಿಯಾಲಬೈಲ್ ಪನ್ಪಿ ಜಾಗೊ ಉಂಡು, ಒಂಜಿಕಾಲೊಡು ಈ
ಊರುಡು ದಾನ ದರ್ಮ ಆವೊಂದಿತ್ಡ್ಗೆ. ಅಂಚಾದ್ ಈ ಬೈಲ್ಗ್ ಕುಡು ಅಲ
ಬೈಲ್ಂದ್ ಪುದರಾದ್ ಕ್ರಮೇಣ ಕೊಡಿಯಾಲ್ ಬೈಲಾಂಡ್, ಈ ಕೊಡಿಯಾಲನೇ
ಕುಡಲ ಆಂಡ್ಂದ್ ಕೆಲವು ಸಂಶೋಧಕೆರ್ನ ಅಭಿಪ್ರಾಯ. ತುಳು ನಾಡ್ದ್ ಧರ್ಮದೈವ
ನೆಲೆಯಾಯಿನ ಕ್ಷೇತ್ರನೇ ಧರ್ಮಸ್ಥಳ. ಧರ್ಮಸ್ಥಳಗ್ ತುಳುಟ್ಟು ಕುಡುಮ,
ಕುಡುಮಪುರಂದ್ ಲ ಪನ್ಪೆರ್, ದಾನ ಧರ್ಮ ಮೂಲು ಆವೊಂದಿತ್ತ್ ನೆಡ್ದಾದೆ ಈ
ಊರುಗು ಕುಡುಮಂದ್ ಪುದರ್ ಬತ್ತ್ಂಡ್. ನಮ್ಮ ಹಿರಿಯಕ್ಲು ಊರುಗು ಪುದರ್
ದೀನಗ ಆ ಊರುಗು ಸಂಬಂದ ಇತ್ತಿನ ಬೇತೆ ಬೇತೆ ಸಂಗತಿಲೆನ್ ತೂವೊಂದಿತ್ತೆರ್.
ಊರುಡು ಏರಾಂಡ ಎಡ್ಡೆ ಕೆಲಸ ಮಲ್ದಿತ್ತೆರ್ಡ ಅಕ್ಲೆ ನೆಂಪುಗಾದ್ ಅಕ್ಲೆ ಪುದರ್ನೇ
ಊರುಗು ದೀವೊಂದಿತ್ತೆರ್ ಉಂದು ಸಮಾಜ ಅಕ್ಲೆಗ್ ಸಂದವುನ ಋಣಲ ಅಂದ್.
ಕುಡ್ಲದ ಹಂಪನಕಟ್ಟೆನೇ ಉಂದಕ್ಕೆ ಎಡ್ಡೆ ಉದಾರ್ಮೆ, ಕುಡ್ಲಗ್ ಸಿಟಿ ಬಸ್ಸ್ ಸುರು
ಆಯಿನೇ 1947ಟ್ಟ್, ಬಸ್ಸುತ ಸೌಕರ್ಯ ಆಪುನೆಕ್ಕ್ ದುಂಬು ಸುತ್ತಮುತ್ತದ ಹಳ್ಳಿಲೆಡ್ದ್
ಬೇರದಕ್ಲು, ಬೆನ್ನಿದಕ್ಲು ಬೋರಿದ ಗಾಡಿಡ್, ನಡತೊಂದು ಪೇಂಟೆಗ್ ಬರೊಂದಿತ್ತೆರ್.
ಅಪಗ ಇತ್ತೆದ ಲೆಕ್ಕ ಅವುಲವುಲು ಹೋಟೆಲ್ ವ್ಯವಸ್ಥೆಲ ಇಜ್ಜಾಂಡ್. ಅಪ್ಪಣೆ
ಪನ್ನುನಾರ್ ಒಂಜಿ ಕಟ್ಟೆಡ್ ಕೆರೆಂಗ್ಲ, ಕಣ್ಣ ಚಾಲ ಮಾರೊಂದಿತ್ತಿರ್ಗೆ. ಆರ್ ಬೇರ
ಮಲ್ಲೊಂದಿನ ಜಾಗೆಗ್ ಅಪ್ಪಣ್ಣನ ಕಟ್ಟೆಂದ್ ಪನೊಂದಿತ್ತೆರ್. ಉಂದುವೇ ಅಪ್ಪಣ್ಣನ
ಕಟ್ಟೆ ಜನೊಕ್ಕೆ ಬಾಯಿಡ್ ಹಂಪನಕಟ್ಟೆ ಆಂಡ್.
ತೊಕ್ಕೊಟ್ಟುಡ್ದು ಒಂತೆ ದುಂಬು ಪೋದು ಕುತ್ತಾರ್ ಕಡತ್ಂಡ ದೇರಳಕಟ್ಟೆ ತಿಕ್ಕುಂಡು.
ಸುಮಾರ್ ನೂದು ವರ್ಸೊಗು ದುಂಬು ಬಾಕ್ರಬೈಲ್, ಮುಡಿಪು ಮಂಜನಾಡಿ, ಅಸೈಗೋಳಿ
ಈ ಪ್ರದೇಶೊಲೆಡ್ ಜನೊಕ್ಲು ನಡತೊಂದೇ ಕುಡ್ಲದ ಪೇಂಟೆಗ್ ಪೋವೊಂದಿತ್ತೆರ್.
ತಲ್ಲಂಗಡಿ ಬೂಡುದ ದೇರಾಳ್ವ ಪನ್ಪುನಾರ್ ಒಂಟಿ ಕಟ್ಟೆಡ್ ಪುಲ್ಯ ಕಾಂಡೆರ್ದ್ ರಾತ್ರೆ
ಮುಟ್ಟ ಸಾದಿ ಪೋಪುನಕ್ಲೆಗ್ ಅಲೆತ ನೀರ್ ಅತ್ಂಡ್ ಬೆಲ್ಲ ನೀರ್ ಕೊರುನ ವ್ಯವಸ್ಥೆ
ಮಲ್ಲೊಂದಿತ್ತೆರ್ಗ್. ಅಂಚಾದ್ ಈ ಊರುಗು ದೇರಾಳ್ವ ಕಟ್ಟೆಂದ್, ಪುದಾರಾಂಡ್.
ಈ ದೇರಾಳ್ವ ಕಟ್ಟನೇ ಇತ್ತೆ ದೇರಳಕಟ್ಟೆ ಆತ್ಂಡ್. ಮುದರಂಗಡಿ, ಚುಕ್ರನ ಮಕ್ಕಿ.
ಗುರುವಾಯನಕೆರೆ, ತಂಕರಪಡ್ಪು, ಕಳೆಂಜಮಲೆ, ಕೇಳುಗುಡ್ಡೆ, ಬಾಬುಗುಡ್ಡೆ, ಬಟ್ರೆ ಗುಡ್ಡೆ
ಉಂದು ಪೂರ ಒರ್ಯೊರ್ಯನ ಪುದುರುಡಿತ್ತಿನ ಊರುದ ಪುದರುಲು.
31
