ಇಲ್ಲಡೆ ಪತೊಂದು ಪೋಯೆಗೆ. ಆನಿಡ್ದ್ ಬೊಕ್ಕ ಈ ಸುದೆಕ್ಕ್ ಎಣ್ಣೆ ಹೊಳೆಂದ್
ಪುದರಾಂಡ್. ಇತ್ತೆ ಈ ಊರುಗ್ಲ ಎಣ್ಣೆ ಹೊಳೆಂದ್ ಪನ್ಪೆರ್, ಅಜ್ಜೆರ್ ಕತೆ ಪನೊಂದೇ
ಇತ್ತೆರ್, ಪಾತೆರ್ ಪಾತೆರ್ದ್ ಕಾರ್ಕಳಗ್ ಎತ್ತನನೇ ಗೊತ್ತಾಯಿಜಿ. ಬಸ್ಡ್ದ್ ಜತ್ತಿ
ಬೊಕ್ಕಲ ಅಜ್ಜೆರ್ನ ಎಣ್ಣೆ ಹೊಳೆನೇ ಮನಸ್ಸಡ್ ತಿರ್ಗೊಂದಿತ್ತ್ಂಡ್.ಊರುಗೊಂಜಿ
ಪುದರ್ ಏತ್ ಅರ್ಥ ದಿಂಜಿನವು ತರೆ ದೆರ್ತ್ ತೂನಗ ಕಾರ್ಕಳ ಪುದರ್ದ ಬೋರ್ಡು
ಎನನ್ ಎದ್ಕೊನುಂಡು. ಅಂಚಾಂಡ ಕಾರ್ಕಳ ಪುದರ್ಗ್ಲ ಒಂಜಿ ಹಿನ್ನೆಲೆ
ಉಪ್ಪಡತ್ತ...? ಅಂದ್ ಈ ಪುದರ್ಲ ಅರ್ಥ ಉಂಡು. ಮೂಲು ಮಸ್ತ್ ಕರಿಕಲ್ಲ್
ಪಂಡ ಕಪ್ಪು ಕಲ್ಲ್ ಉಂಡು. ಇತ್ತೆಲಾ ಕಾರ್ಕಳದ ಕಲ್ಲ್ ಗ್ ಭಾರೀ ಪುದರ್. ದೇವಸ್ಥಾನದ ಕೆಲಸೊಲೆಗ್ ಎಚ್ಚಾದ್ ಕಾರ್ಲದ ಕಲ್ಲ್ ನೇ ಗಳಸುವೆರ್. ಮುಲ್ತ ಕರಿಕಲ್ಲೇ ಕರ್ಕಲ್ಲ್ ಆದ್ ಇತ್ತೆ ಕಾರ್ಕಳ ಆತ್ಂಡ್.
ನಮ್ಮ ಹಿರಿಯಾಕ್ಲು ಊರುಗೊಂಜಿ ಪುದರ್ ದೀನಗ ಬಾಯಿಗ್ ಬತ್ತಿ ಪುದರ್
ದಿವೊಂದಿಜಂಡ್. ಈ ಪುದರ್ಗ್ ಒಂಜಿ ಅರ್ಥ ಉಪ್ಪುಂಡು, ಪಾತರುನ ಬಾಸೆ
ಎಂಚ ನರಮಾನ್ಯೆರ್ನ ಪ್ರಯತ್ನದ ಫಲನ ಅಂಚೆನೇ ಆ ಬಾಸೆಲೆಡುಪ್ಪುನ ಊರುದ
ಪುದರುಲುಲಾ ಆಯೆ ಎಷ್ಟೇನೆ ಆಲೋಚನೆ ಮಲ್ತ್ ದೀನವು ಊರುದ ಇಸೇಸೊಲು,
ಗುಡ್ಡೆ ಬೈಲ್ ತೋಡು ಒರುಂಕು, ಅವುಲುಪ್ಪುನ ಮುರ್ಗ ಪಕ್ಕಿಲು, ಎಚ್ಚಾದ್ ಬುಳೆಪುನ
ಮರೊಕ್ಕುಲು, ಅವುಲು ನಡತ್ಂಡ್ಂದ್ ನಂಬೊಳಿಗೆ ಇತ್ತಿನ ಪೌರಾಣಿಕ-ಐತಿಹಾಸಿಕ
ಸಂಗತಿಲು ಉಂದೆನ್ ಪೂರಾ ಒಂಜಿ ಊರುಗು ಪುದರ್ ದೀನಗ ತೂವೊಂದಿತ್ತೆರ್.
ಊರುದ ಪುದರ್ದ ದುಂಬು ಪಿರ ನಮ್ಮ ನಾಡೊಂದು ಪೋಯಡ ಆ ಊರುದ ಸಂಸ್ಕೃತಿದ ಪೊಲಬು ನಂಕಾವು.
ಕಾಟಿಪಳ್ಳ ಪುದರ್ ಕೇನ್ನಗನೇ ಆ ಪುದರ್ದ ಅರ್ಥ ನಮ್ಮ ಗೇನೊಗು ಪೋಪುಂಡು.
ಇತ್ತೆದ ಜವನೆರ್ ಇಸ್ಮಯೊಡು ಕೇನೆರ್ ಅವುಲು ಕಾಟಿಲುಪ್ಪುಂಡಾಂದ್ . ಅಂದ್...
ಅಂಡ ಇತ್ತೆ ಅತ್ತ್. ಸುಮಾರು ನೂದು ವರ್ಸೊಗು ದುಂಬುದ ಸಂಗತಿ. ಅಪಗ ಸುತ್ತಲ
ಕಾಡೇ ಇತ್ತ್ಂಡ್. ಮೂಲಿತ್ತಿನ ಮಲ್ಲ ಮಲ್ಲ ಪಲ್ಲೊಲೆಡ್ ಗುಂಪು ಗುಂಪು ಕಾಟಿಲು
ಬತ್ತ್ ದ್ ಜೆತ್ತೊಂದಿತ್ತಗೆ. ಅಂಚಾದೇ ಈ ಊರುಗು ಕಾಟಿಪಳ್ಳಂದ್ ಪುದರಾಂಡ್.
ಇತ್ತೆ ಉಂದು ಕಾಡ್ ಪೋದು ಎಲ್ಯ ಪೇಂಟೆನೇ ಆತ್ಂಡ್.
ತುಳು ನಾಡ್ದ ಮಲ್ಲ ಪೇಂಟೆ ಕುಡಲ ಪಂಡ ಕುಡ್ಲ , ಕುಡಲದ ಮೂಲ ರೂಪ
30
