ಕಬಟ ಬೆನಂದ, ಬದ್ಕುನಕೇ ಗೇನ ಕೊರುವೆರ್. ತಗ್ಗ್ ಕಂಡೊಡು ಬುಲೆ ಎಚ್ಚಿಂದ್
ತೆರಿಯೊನ್ವೆರ್. ಬರ್ಪೆ ಪನ್ನಾಡೆಗ್ ಬರುವೆರ್, ಕೊರ್ಪೆ ಪನ್ನಾಯಗ್ ಕೊರುವೆರ್, ಸತ್ಯೊಗು
ತಿಗಲೆಡ್ ತಾದಿ ಕೊರುವೆರ್ .
ಸೈತಿ ಬೊಕ್ಕ ಕಾಟಗೂರುನು, ಚಟ್ಟಕಟ್ಟುನು, ಪುಣದೆಪ್ಪುನು, ದೂಪೆ, ಬೊಜ್ಜ
ಬಾರೆನಡ್ಪಿನಿ ಗೋರಿ ಕಟ್ಟುನು, ಕುಲೆಕ್ ಬಳಸುನು, ಕುಲೆಲೆಪ್ಪುನು, ನೀರ್ನಿಸೆಲ್ ದೀಪಿನಿ,
ಸೈತಿನಕ್ಲೆನ ಪರ್ಬ ಇಂಚಿತ್ತಿನೆನ್ ಅರ್ತಿಡೇ ಮಲ್ಪುವೆರ್. ಸೈತಿನಕ್ಲೆನ ಕುಲೆ, ಪಂಡ ಆತ್ಮ,
ಕುಟುಮೊದ ಹಿತೊನು ಕಾತೊಂಬುಂಡಿಣ್ಪಿನ ನಂಬಿಕೆ ತುಳುವೆರ್ನವು. ಕುಲೆ ಮದ್ಮೆ, ಕುಲೆ
ಪತ್ತುವು ಕುಲೆ ಪಾತೆರುನು, ಕುಲೆ ಬುಡ್ತಾವುನು ಇಂಚಿತ್ತಿನೆಲ್ಲಾ ತುಳು ಬದ್ಕ್ಡ್ ತೂವೊಲಿ.
ತುಳುವೆರೆಗ್ ದೆಯ್ಯದೇವೆರ್ನ ಬಯಬಗ್ತಿ ನಂಬಿಕೆ ದಿಂಜ. ಅಂಚಾದ್ ತುಳುನಾಡ್
ಕೊಡಿಕಡೆ, ಗುಡಿಗುಂಡೊಲು, ಸಾನ, ಆಲಡೆ, ಮಾಡ, ಗರೋಡಿಲ್. ಶಿಲ್ಪ ವಾಸ್ತು
ಶಿಲ್ಪೊಡು ಬಗೆತರೊಟುಪ್ಪುನ ಈ ಜಾಗಲೆಡ್ ನಡಪುನ ಪೂಜೆದ ವಿಧಿ ವಿಧಾನೊಲೆಡ್ಲಾ
ಬಗೆತರನೇ. ತುಳುವೆರ್ ಎಚ್ಚಿಗೆ ಆದ್ ಅತಿಮಾನುಷ ಸಗ್ತಿಲೆಂದ್ ಬೂತೊಲೆನ್
ನಂಬುವೆರ್.. ಬೊಬ್ಬರ್ಯ, ಕಲ್ಕುಡ ಕಲ್ಲುರ್ಟಿ, ಕೋಟಿ-ಚೆನ್ನಯ, ಕುಜುಂಬಕಾಂಜ,
ಕಾಂತಬಾರೆ-ಬೂದಾಬಾರೆ, ಮೈಸಂದಾಯೆ, ಪಂಜುರ್ಲಿ, ಕೋಡ್ಡಬ್ಬು, ಕೊಡಮಣಿತ್ತಾಯ,
ಕೊರಗತನಿಯ, ಕಾಣದ-ಕಾಟದೆ, ಇಂಚ ಏತೋ ಸತ್ಯೊಲು ನಂಬಿನಕ್ಲೆಗ್ ಇಂಬು ಕೊರ್ಪ.
ನ್ಯಾಯ ನುಡಿ ಕೊರ್ಪ... "ನಂಬಿನ ಸತ್ಯೊಲು ದೀಯಿಲೆಕ ಆವಡ್ಂದ್" ಎಣ್ಣ್ದ್
ಪಟ್ಟ-ಪರಕೆ, ಕೋಲ-ನೇಮ, ಅಗೆಲ್, ಬಂಡಿ, ಜಾಲಾಟ, ತಂಬಿಲದಂಚಿನ ವರ್ಸಾದಿ
ಕಟ್ಟಲೆನ್ ತುಳುವೆರ್ ನಡಪಾವರ್, ಪತ್ತ್ಕೋಡಿದ ಪತ್ತಪ್ಪೆ ಬಾಲೆಲ್ ಒಂಜಪ್ಪೆ
ಬಾಲೆಲೆಲೆಕ ಕೊಡಿಯಡಿಟ್ ಕೂಡ್ದು ಮಲ್ಪುನ ಈ ಆರಾಧನೆಡ್. ಮೆಚ್ಚಿದ್ ಒಸಯೊ
ಆಪಿನ ಸತ್ಯೊಲು, ಪಾರಿಕೇಣೊಂದು, ಮಾಣಿ ಎಚ್ಚಿಡ್ ಬತ್ತ್ದ್ ಅಬಯ ಕೊರ್ಪ,
ಮದಿಪು ಕೇಣ್ದ್ ನ್ಯಾಯನುಡಿ ಕೊರ್ಪ.
"ಅದ್ದೆರ್ಪೊದ್ದರ್ ಪತ್ತ್ಕುಟುಮ ಒಂಜಿ ಮಲ್ಪುನ ಮಾಮಲ್ಲ ಮಣ್ಣ್ದ ಸಗ್ತಿಯಾನ್, ಈ ಮಣ್ಣ್ಡ್ ಸತ್ಯ ಅತ್ತಂದೆ ಅಸತ್ಯೊನು ಕೊಡಿ ಎತ್ತೆರೆ ಬುಡಯೆ... ಕುಟುಮ ಸಂಸಾರೊದ ಉಲ್ಲೆಸೊನು ಪೇರ್ ಉರ್ಕಾಯಿಲೆಕ ಉರ್ಕಾದ್ ಕೊರ್ಪೆ... ನಾಲ್ಕಾರ್ ನಡೆಡ್ದ್ ರಡ್ಡ್ಕಾರ್ ನರಮಾನಿ ಮುಟ್ಟ... ಬತ್ತಿಂಚಿತ್ತೀ ಬುಲೆಟ್,
24
