ಕಂಡನಿಗ್ ಬರಪಣ್ದ್ ಪಿರ ಬರ್ಪಿನೆಕ್, ಪಿರ ಮದ್ಮೆ ಆಪಿನೆಕ್ ಅವುಕಾಸ ಇತ್ತಿನೆನ್.. ಸತ್ಯನಾಪುರೊತ ಸಿರಿನ ಉದಾರ್ಮೆ ದೆರ್ತು ಪತ್ತುಂಡು.
ಅಪ್ಪೆ ಕಲ್ಪಾಯಿ ಬುದ್ದಿ ಅಕೇರಿ ಮುಟ್ಟ... ಅಪ್ಪೆನ ಮನಸ್ ಬೇನೆ ಮಲ್ತ್ಂಡ ಬರ್ಕತಿಜ್ಜಿ... ಅಜ್ಜಿದಾಂತಿ ಇಲ್ಲ್ ಅಳೆದಾಂತಿ ವನಸ್.. ಇಂಚಿತ್ತಿನ ದಿಂಜ ಪಾತೆರೊಲು ಪೊಂಜೊಲೆನ ಪೆರ್ಮೆಗ್ ಸಾಕ್ಷಿಯಾದುಲ್ಲ. ತುಳು ಪೊಂಜೊಲುಲಾ ಮರ್ದ್ ಮಾಯೊಡು ಬಲ್ಲಿದೆರ್, ಗುಣೋಟು ಮಲ್ಲಾಕುಲಿಣ್ಪಿನವು ದೇಯಿಬೈದೆತಿನ ಉದಾರ್ಮೆಡ್ ತೋಜಿ ಬರ್ಪುಂಡು.
ತುಳುವೆರ್ನ ಕುಟುಮೊಲೆಡ್ ಪರಬೆರ್ಲಾ ಮುಕ್ಯನೇ. ಒಂಜೇಳ್ಯ ಪರಬೆರೆನ ಪಿರಿಪಿರಿ ಇಪ್ರೀತ ಆಂಡ ಇಲ್ಲ್ ಡೇ ಕೋಡಿಮುಲ್ಲೆಡ್ ಕುಲ್ಲಾವೆರತ್ತಾಂದೆ, ಪಿದಯಿ ನೂಕಯೆರ್, ಪರಬಾರೆ ಮಲ್ಪಾಯೆರ್... "ಹೆರಿಯೆರೆನ್ ದಂಕ್ಂಡ, ಕಾರ್ದಕಸ ಮಲ್ತ್ಂಡ ಪೂರಿಬೂರುದು ಸೈಪನಾ?, ಎಲ್ಲ ನಮಗತಿಯೆಂಚಿನನಾ?" ಪಣ್ಪಿನ ಅ ಧಿಮಾಕ್ಗ್ ತಡೆಪು ಪಾಡುಂಡು.
ತುಳುವೆರೆಗ್ಲಾ ಅತಿಥಿದೇವೋಭವ'ನೇ.. ಬಿನ್ನೆರ್ ಬತ್ತಿಪೆಟ್ಟ್ ಗ್ ಜಾಲ್ಡೇ ಎದ್ಕೊಂದು, ಕಾರ್ದೆಕ್ಕೆರೆ ನೀರ್ ಕೊರುದು, ಚಾವಡಿಡ್ ಪಜೆ ಪಾಡ್ದ್ ಕುಲ್ಲಾದ್ ಪರಿಯೆರೆ ಬೆಲ್ಲ ನೀರ್, ತಿನಿಯೆರೆ ಬಚ್ಚಿರೆವೂಲು ಕೊರುದು ಸುಕದುಕ್ಕ ಪಾತೆರ್ಪಾವೆರ್. ಕಿದೆತ ಎರು ಮಾರ್ದಾಂಡಲಾ, ಅಟ್ಟದ ಅರಿತ ಮುಡಿ ದೆತ್ತ್ದಾಂಡಲಾ ಬತ್ತಿ ಬಿನ್ನೆರೆಗ್ ಕೊರಾನ ತಮ್ಮನ ಆವೊಡೆ.. ಬಿನ್ನೆರ್ ಬರ್ಪಿನಿ, ಬಿನ್ನೆರ್ ಕಟ್ಟುನಿ, ಉಂದು ಮಾತ್ರ ತುಳುವೆರ್ನ ಬದ್ಕ್ ಡ್ ಉಲ್ಲಾಸ್ ದಿಂಜಾವುನ ಸಂಗತಿಲೇ..
'ಅಂಬಡೆ ಕೊರಿನಾಯಗ್ ಕುಂಬುಡ ಕೊರು', ಉಂದು ನಿರಕರೆತಕುಲು, ಅಂದ್ ಬಂದುಲು ಒಪ್ಪತಪ್ಪೊಡುಪ್ಪುನೆಕ್ ಮೂಲ ಪಾಟ. 'ಸಾದಿಡ್ ಪೋವಂದಿಲೆಕ ಅಡ್ಡಿ ಮಲ್ತಿನಾಯೆ ಸಾದಿಡ್ ಬೂರುದು ಸೈಪೆ' ಪಣ್ಪಿನ ನುಡಿಗಟ್ಟ್ ದ ಎಚ್ಚರೊಡಾದ್ ಊರುಡು ಬೇಲಿ, ಪಾಗಾರ ಕಮ್ಮಿ. ಗಡಿಕಲ್ಲ್ ದ ಗಡಿಲಡಾಯಿಲಾ ಆತೆಕಾತೇ.. ಬೆನೊಡು, ತಿನೊಡು, ತೆಲ್ತ್ ನಲ್ತ್ ದ್ ಬಡ್ಕೊಡು.. ಬದ್ಕ್ ಸಾಸಿತ ಅತ್ತ್. ವಾ ಕಾಲ ತತ್ತ್ಂಡಲಾ ಸೈಪಿಕಾಲ ತಪ್ಪಂದ್. ಸೈಪಿನತ ಬಗ್ಗೆಡ್ಲಾ ದಿಂಜ ಸಿಂತೆ ಮಲ್ಪಯೆರ್. "ಸಯ್ಯಮುಟ್ಟ ಎಡ್ಡೆಡ್ ಬದ್ಕಲಾ.." ಪಣೋದೆಯ್ಯದೇವರಡ ನಟೊಂಬಿನ ತುಳುವೆರ್, ಪಿರಪ ಪುಟ್ಟುನೆತ ಬಗ್ಗೆಡ್, ಸೊರ್ಗದ ಬಾಕಿಲ್ ದೆಪ್ಪುನೆತ ಬಗ್ಗೆಡ್ ಬೊಂಡುಬೆಚ್ಚ ಮಲ್ಪಯೆರ್, ಕಲುಪಣಂದೆ,
23
