ಪರ್ಬೊಲೆಡ್, ಇಲ್ಲ್ ಜಾಲ್, ಮೆಯಿಮಂಡೆದ ಸುದ್ದೊಲಾ ಮುಕ್ಯನೇ... ವರ್ಸ ಇಡಿಲಾ ಬಿಂಜತ್ತ್ ಡೊಂಜಿ ಪರ್ಬೊಲು... ಬಿಸು ಪರ್ಬ ಕಡೀರ್ದವಾಂಡ, ಬೊಕ್ಕ ಆಟಿದ ಅಮಾಸೆ, ನಾಗರ ಪಂಚಮಿ, ಸೋಣ ಸಂಕ್ರಾಂದಿ, ಸೋಣ ಸುಕ್ರಾರ, ತಡ್ಡೆದಜ್ಜಿ, ಕುರಳ್ ಕಟ್ಟುನಿ, ಪೊದ್ವಾರ್, ದೀಪೊಲಿ, ಕಾವೇರಿ ಸಂಕ್ರಾಂದಿ, ಕೆಡ್ಡಸ ಇಂಚಿತ್ತಿನತ ನಡುನಡುಟು ಅಸ್ಟೆಮಿ, ಚೌತಿ, ಮಾರ್ನೆಮಿ, ಶಿವರಾತ್ರದಂಚಿನೆನ್ಹಾ, ಉಪ್ಪಾಸ, ಪೂಜೆ ಇಂಚಮಾತದ ಬೇರೆ ಬೇತೆ ಕಿರ್ಮೊಡು ಮಲ್ಪುವೆರ್. ಪರ್ಬಗದ್ದಲೊಡು ವನಸ್ ತಿನಸ್ ಲಾ ಗಡದ್ದೇ.. ಸೀಪೆ ಕೈಪೆ ರಡ್ಡ್ ಲಾ ತಿನ್ಪಿನೆತೊಟ್ಟುಡು. ಪಿತ್ತೆಲ್ಡ್ ಬುಳೆಪಿನ ಚೇವು, ತೊಜಂಕ್, ಪದ್ಪೆ, ತಿಮರೆ, ಪೂಂಬೆ, ಕಣಿಲೆದಂಚಿನೆಲ್ಲಾ ಬೇತೆ ಬೇತೆ ಸಂದರ್ಪುಡು ತಿಂದ್ ದ್ ಜೀವೊದ ಸತು ಎಚ್ಚಾವೊಂಬೆರ್.. ತುಳು ಪೊಂಜೊಲು ಅಡ್ದ್ ಬಳಸುನೆಟ್ ಬಿರ್ಸೆರ್. ಪುಳಿಕೂಟುದು ಮುನ್ನೂದು ಬಗೆ, ಅಳೆಕೂಟುದು ಐನೂದು ಬಗೆ ಅಡ್ದ್ ಬಳಸೆರ್ಗೆ! ಆತೇ ಅತ್ತ್ ತುಳು ಪೊಂಜೊಲು ಅಡ್ತ್ಂಡ ಕಜವು ಒರಿಯಂದ್ಗೆ! ಬಳಸ್ಂಡ ಬಡವು ಒರಿಯಂದ್ ಗೆ! ಇಲ್ಲಡ್ ಹರಿಪೊಂಜೊಲಿತ್ತ್ಂಡ ಇಲ್ಲದಕ್ಲೆಗ್ ದಾಕ್ದಾಕ್ಷಿನ ಅಗತ್ಯ ಇಜ್ಜಿಣ್ಣಿನ ಪಾತೆರಲಾ ಉಂಡು.
ತುಳು ಸಂಸ್ಕೃತಿಡ್ ,ಪೊಂಜೊಲೆಗ್ ತಾನ-ಮಾನ ಯಾರು ಜಿಣ್ಪಿನ ಚರ್ಚೆಗ್ ಅವುಕಾಸ ಕಮ್ಮಿಯೆ. ಪೊಂಜೊಲಿಜ್ಜಂದಿ ಇಲ್ಲತ್ತ್ ಪಣ್ಪಿನೆಕ್ ಅಡ್ಡ ಪಾತೆರ ಇಜ್ಜಿ. ಪೊಣ್ಣು ಬಾಲೆ ಪುಟುಂಡಲಾ ಬಟ್ಟಲ್ ಬೊಟುದು, ಸೀಪೆ ಪಟ್ಟುನಾತ್ ಸಂಬುರ್ಮನೆ. ಪೊಂಜೊಲುಲಾ ಬೊಲ್ಪುಡ್ಡು ಬಯ್ಯಮುಟ್ಟ ಬೆರಿಬಗ್ಗಾದ್ ಬೆನುವೆರ್. ಇಲ್ಲದ, ಬೆನ್ನಿದ ರಕೋಲೆಡ್ ಮಿಂಜೆಸೆರ್. ಒರೊರ ಕಂಡನಿಬೊಡೆದಿ ಕಂಟ್ಯೊಡಲಾ ಅವು ಉಂಡುತಿಂದ್ ಜೆಪ್ಪುನೆಟ ಮಾತ್ರ. ತುಳು ಸಂಸಾರೊಲೆಡ್ ಸ್ತ್ರೀವಾದ ಇತ್ತ್ಂಡಲಾ ಅಯಿತ ಚುರು ಬೋಡಿತ್ತಿನಾತೇ. ಅಂಚಾದ್ ಸಂಸಾರಸಾರ ಪೂರ ತೋರುದು ಪೋಪುಜಿ. ಕಂಡನಿನ ಪುದರ್ ಪಣಿಯೆರೆ ಬಲ್ಲಣ್ಪಿನೆಟ್ ನಂಬಿಕೆ, ಮುತ್ತೇಸಿ ಸಾವುದ ಬಯಕೆ ಇತ್ತ್ಂಡಲಾ, 'ಪತಿಯೇ ಪರದೈವ ಪಣ್ಪಿನ ಅತಿರೇಕ ಇಜ್ಜಿ. ಕಂಡನಿನ ಕಾಟೊಡೇ ಸೈಪಾವುನ ದುಷ್ಟ ವಾಡಿಕೆಗ್ ಇಡೆ ಇಜ್ಜಿ. ಒಂಜೇಳ್ಯ ಕಂಡನಿಲ್ಲಡ್ ಬಗ್ಗಿನಡೆಗ್ ಗುದ್ದು ಮಿತಿಮೀರ್ಂಡ... ಮಾಮಿ ಮಿನಿ ಜಗತೂಟೆ ಆಂಡ, ಜೀವಪರವಾಯಿನ ತುಳು ಸಂಸ್ಕೃತಿಡ್ ಪರಿಹಾರ ಉಂಡು, “ಅಳಿಯ ಕಟ್ಸ್"ಡ್ ಅಪ್ಪೆ ಇಲ್ಲ್ ಮಗಲೆಗ್ ಬಾಕಿಲ್ ದೆತ್ತ್ ದೀಪುಂಡು. ತಗೆನಕುಲು ತಂಗಡಿಗ್ ತಮೆರಿಲಾಪೆರ್. ಕಂಡನಿ ನನೊರ್ತಿನ ಸೆರಂಗ್ ಪತ್ತೆರೆ ಪೋಂಡ, ಪಂಡಿಪಾತೆರ ತತ್ತ್ಂಡ,
22
