ತುಳುವೆರೆಗ್ ಒರ್ಗು ಜಿ..
ತುಳುವೆರೆನ್ನ ಕೂಡುಕುಟುಮೊಲೆಡ್ ಏತೋ ಎಡ್ಡೆ ರಿವಾಜಿಲಿತ್ತ. ಮಾತೆರ್ಲ ಒಟ್ಟುಡು ಕುಲ್ಲುದು ಪಟ್ಸೇರ್ದ್ ಉಣ್ಪಿನವು, ಗುರುಹಿರಿಯೆರೆಗ್ ಗೌರವೊ ಕೊರ್ಪಿನವು, ಕಾರ್ಗ್ ಬೂರುದು ಆಸ್ರಾದ ಪಡೆತೊಂಬಿನವು, ಒರಿಯಗೊರಿ ಒಂದೊಂದು, ಸುಕದುಕ್ಕ ಇಚಾರ್ತೊಂದು, ಬೆರಿಸಾಯೊಗುಂತುನವು... ಇಂಚ ಮಾತದ ರೀತಿಡ್ ಕುಟುಮೊಡು ಬೊಡಿ ಬೆಸರ್ ಪೋಡಿಗೆ ದೂರನೇ, "ಪಾಲ್ಗ್ ಬಿತ್ತನನೇ ಪಂಚಾಮೃತ" ಪಂಡ್ದೆಣ್ಣೊಂದು, ಎಕ್ಕಂದಿನೆಕ್ ಕಂಟೆ ಉದ್ದ ಮಲ್ಪಂದೆ, ಪಜೆ ಇತ್ತಿನಾತ್ ಕಾರ್ ನೀಡೊಂದು ಬದುಕುನಗ, ಅತಿ ಆಸೆಡ್ ಗತಿಸೆಟ್ಟುನ ಇರಸ್ತಿಗೆ ಬರಂದ್. ಕುಟುಮೊಡು ಮದ್ಮೆಮಸ್ತಿ, ಪೆರಸ್ತ, ಬಯಕೆ, ಪೆದ್ಮದಿ ಬಾಲೆ, ತೊಟ್ಲಾಲೆ. ಕಂಚಿಲ್ಬಾಲೆ, ಇಂಚಿತ್ತಿನ ಸಂಬುರ್ಮೊಲು ಅಪಗಪಗ ಬನ್ನಗ, ಬಂದುಲೊಂಜಾದ್ ಸಂತೋಸು ಅನ್ಬೇಸುನಗ ಒಗ್ಗಟ್ಟ್ ದ ತಿರ್ಲ್ ತೆರಿಲೆಕನೇ..
ಎಲ್ಯ ಜೋಕುಲಾದುಪ್ಪುನಗನೇ ಮದಿಮೆ ಮಲ್ಪುನ ರೂಢಿ ದುಂಬು ಇತ್ತ್ಂಡಲಾ ರಕ್ತಸಮ್ಮಂದೊಡು ಮದಿಮೆ ಆಯೆರೆ ಬಲ್ಲಿನ್ಪಿನ ಕಟ್ಟ್ ಇತ್ತ್ಂಡ್, ಒವೇ ಬೇಲೆ ಆವಡ್, ಒವ್ವೇ ಲೇಸ್ ಆವಡ್, ಸುರುಟು ಅರಿತಾರಾಯಿ ದೆತ್ತ್ ದ್ ಕುಲ, ತಲ ದೇವೆರೆನ್ ನಿನೆತೊನೆಡೇ... ಬುಳೆಯಿನ ಪೊಸಪಲೊನು ಸುರುಟು ದೇವೆರೆಗ್ ಅರ್ಪಣೆ ಮಲ್ತೊನೊಡೇ.
ಕೈಕಂಜಿಲ್ಲಾ ಕುಟುಮೊದ ಪರಿವಾರನೇ... ಲಕ್ಕಿಪೆಟ್ಟ್ ಗ್ ಕೈಕಂಜಿಲೆ ಮೋನೆ ತೂಪಿನಿ, ಬೈಪಜಿರ ಬೈಪಣೆಗ್ ಪಾಡ್ದ್ ಮೆಯಿ ಪೂಜುನು, ಕಂಟಕ ಬರಂದಿಲೆಕ, ಸಂಕ್ರಾಂದಿದಾನಿ 'ಬೊಬ್ಬರ್ಯ ದೀಪಿನಿ' ಗೋಪೂಜೆ ಮಲ್ಪುನು. ಉಂದು ಮಾತ ತುಳುವೆರೆನ ರೂಢಿಯೇ... ಬೆನ್ನಿಗ್ ಸಮ್ಮಂದ ಆದ್, 'ಪತ್ತನಾಜೆ", "ಕಂಡಕೋರುನಿ", “ಕಡೆನಟ್ಟಿ 'ಪೂಕರೆಪಾಡುನು", ಇಲ್ಲ್ ದಿಂಜಾವುನಿ", "ಪೊಲಿಕಟ್ಟುನಿ", ಬೂಮಿಗ್ ಬೊಲ್ಪು ದೀಪಿನಿ ಇಂಚಿತ್ತಿನ ಕಿರ್ಮೊಲು ಬೆನ್ನಿದ ಬೇಲೆದ ನಡುಟು ಸಂಬುರ್ಮೊಗು ಇಂಬು ಕೊರ್ಪ.
ದಿನನಿಚ್ಚದ ಬೆನ್ನಿದ ಬೇಲೆದ ಬೊಡಿಬಚ್ಚೆಲ್, ಉರು ಇತ್ತಿನನೇ.. ಅಯಿನ್ ಅರಪಾದ್, ಉಲ್ಲಾಸ್ಗ್ ಅವುಕಾಸ ಮಲ್ತೊನೆರೆಗಾದೇ ಏತೋ ಪರ್ಬಪಂಚಮಿಲ್ ತುಳು ಸಂಸ್ಕೃತಿಡುಲ್ಲ. ಧಾರ್ಮಿಕ ಅಂಶೋಲೆನ್ಲಾ ಕೂಡಾವೊಂದು ನಡಪುನ ಈ
21
