ಬರೊಂದುಂಡು. ಟಿ.ವಿ. ಆಕಾಸವಾಣಿದಂಚಿನ, ಪತ್ರಿಕೆ, ಬೂಕುದಂಚಿನ ಮಾಧ್ಯಮೊಲು ಭಾಷೆದ ರೂಪವ್ಯತ್ಯಾಸೊ ಕಡಮೆ ಆವರೆ ಎಡ್ಡೆ ಸಹಾಯ ಮಲ್ಪುವೊ. ಅತ್ತಂದೆ, ತುಳುವೆರ್ ವಿದ್ಯಾವಂತೆರಾವೊಂದು ಬನ್ನಗ ಒಂಜಿ ಕಡೆದ್ದ್ ತುಳುತ್ತ ಪರಿಷ್ಕಾರೊಲಾ ಆವೊಂದುಂಡು. ತುಳುಟ್ಲ ಒಂಜಿ 'ಶಿಷ್ಟತೆ' ತೋಜಿದ್ ಬರಿಯರೆ ಸುರುವಾತ್ಂಡ್. ಉಂದೆನ್ 'ಶಿಷ್ಟ ತುಳು'ಪಣ್ಣುನೆಡ್ದ್ 'ವಿಶಿಷ್ಟ ತುಳು'ನ್ದ್ ಪಣೋಲಿ! ದಾಯೆಗ್ ಪಂಡ, ಈ ವಿಶಿಷ್ಟ ತುಳುಟ್ಟ್ ತುಳುಭಾಷೆದ ಶಬ್ದೊಲೆ ಬದಲ್ಗ್ ಬೇತೆ ಭಾಷೆದ ಶಬ್ದೊಲೆಗ್ ಒಂತೆ ಹೆಚ್ಚಿನ ಸ್ಥಾನ ತಿಕ್ಕೊಂದುಂಡು. ಅಯಿಟ್ಲಾ ಸಂಸ್ಕೃತೊಕ್ಕ್ ಸುರುತ ಸ್ಥಾನ, ಕನ್ನಡೊಗು ರಡ್ಡನೆ ಸ್ಥಾನ, ಮೂಜನೆದವು ಇಂಗ್ಲಿಷ್'ಗೆ! ಉದಾ: ಕನ್ನಡೊದ 'ಕುಣಿ'ತುಂಬು'ಇಂಚಿನ ಧಾತುಲೆಗ್ ತುಳುತ್ತ 'ಉನಿ'ಪ್ರತ್ಯಯೊ ಸೇರ್ದ್ 'ಕುಣಿಪುನಿ'(ನಲಿಪುನಿ)'ತುಂಬುನಿ'(ದಿಂಜಾವನಿ)ಇಂಚಿನ ವಿಚಿತ್ರ ರೂಪೊಳು ಸೃಷ್ಟಿಯಾವೊಂದುಲ್ಲೊ. ಇತ್ತೆ ಏರೆಗ್ಲಾ 'ಟೈಮೇ'ಇಜ್ಜಿ. ಒಣಸ್ ಬಳಸೊಂದು ಪೋಯಿನಗ ಏರ್ಲ 'ನುಪ್ಪು 'ಕೇನುಜ್ಜೆರ್; ಒಂತೆ 'ರೈಸ್'ಪಾಡ್ಲೆ ಪನ್ಪೆರ್! ಅಯಿಟ್ಲ 'ವೈಟ್ ರೈಸ್'ಇಜ್ಜಿಡ 'ಬಾಯಿಲ್ಡ್ ರೈಸ್'- ಅಲ್ಪ 'ಬೊಲಂತೆ'ಲ ಇಜ್ಜಿ 'ಉರ್ಪೆಲ್' ಇಜ್ಜಿ! ಇತ್ತೆ 'ಸರ್ಬತ್ತ್'ಪರ್ಪುನಾಲ್ ಏರ್ ಪನ್ಲೆ? ಪೂರ 'ಜ್ಯೂಸ್ದಾಕ್ಲೆ! ಅಯಿಟ್ 'ಲೆಮನ್'ಇಜ್ಜಿಡ 'ಆರೆಂಜ್'! ಲಿಂಬೆಲ ಬೊಡ್ಡಿ, ಚಿತ್ರುಪುಲಿ ಬೊಡ್ಚಿ. ಇತ್ತೆ ಆಣ್ಜೊವುನಕುಲು ಪಾಡುನವು 'ಅಂಗಿ'ಯತ್ತ್ 'ಶರ್ಟ್', ಇತ್ತೆದ ಪೊಣ್ಜೋವುನಕುಲು ಏರ್ಲ 'ರವಕೆ'ಪಾಡುಜೆರ್, ಆಂಡ 'ಬ್ಲೌಸ್'ಪಾಡುವೆರ್. ಒರಲ ಅಯಿತ 'ಕೊಲಿಕೆ ತುಂಡು'ಆಪುಜಿ, ಒರೊರ 'ಹುಕ್ ಕಟ್'ಆಪುನಿ ಮಾತ್ರ!
Recently ಎನ್ನCousin brother Railway stationಗ್ ಪೋದು three thirty ದtrain ಗ್ ticket reserve ಮಲ್ಪೆರೆ queಟ್ join ಆದ್two and half hours wait ಮಲ್ತೆರ್.
ಉಂದು -ತುಳುಭಾಷೆದ ನಡುಟು ಇಂಗ್ಲಿಷ್ ಶಬ್ದಲಾ? ಅತ್ತ್ ಇಂಗ್ಲಿಷ್ ಭಾಷೆದ
ನಡುಟು ತುಳು ಶಬ್ದಲಾ? ಗೊತ್ತಾಪುಜಿ! ಬಹುಶಃ ಉಂದೆನ್ 'ಇಂಗ್-ತುಳು'ಪನೊಲಿ!
ಇಂಗ್ ಪಾಡ್ದಿನ ಪಾಯಸೊದ ಲೆಕ್ಕ!
ಭಾಷಾಶೈಲಿದ ಪರಿವರ್ತನೆನ್ ತಡೆವರೆ ಸಾಧ್ಯ ಇಜ್ಜಿ. ಅವುಲ ಅತ್ತಂದೆ ಭಾಷೆಡ್ ಉಂದು ಒಂಜಿ ಮಿತಿತ್ತ ಉಲಾಯಿ ಆವೊಡಾಯಿನವೇ. ಕಾಲೊಗು ಸರಿಯಾದ್ ಕೋಲ ಕಟ್ಟೊಡೇ; ಆಂಡ ವಾ ಮಿತಿತ್ತ ಉಲಾಯಿ ಕೋಲ ಕಟ್ಟೋಡು ಪನ್ಪುನವು ಮುಖ್ಯವಾಯಿನವು.ಮಿತಿ ಮೀರಿನ ಪರಿವರ್ತನೆ ತುಟಿ ಮೀರಿನ ಕೂಳಿದ ಲೆಕ್ಕ-ಒಂಜಿ ಕಡೆಟ್ ತುಳುಭಾಷೆದ
16
