೧.೨ ತೆಣ್ಕಾಯಿ - ಮಧ್ಯಬಾಗೊದ ತುಳು (ಪುತ್ತೂರು, ಬೆಳ್ತಂಗಡಿ, ಬಂಟ್ವಾಳ ತಾಲೂಕ್ಲೆ ತುಳು)
೧.೩ ತೆಣ್ಕಾಯಿ - ಮೂಡಾಯಿದ ತುಳು (ಸುಳ್ಯ ತಾಲೂಕ್ದ ತುಳು) ರೂಪ - ರಡ್ಡೆಟ್:
೨.೧. ಬಡಕಾಯಿ-ಪಡ್ಡಾಯಿದ ತುಳು (ಮಂಗಳೂರು, ಉಡುಪಿ ತಾಲೂಕ್ಲೆ ತುಳು)
೨.೨. ಬಡಕಾಯಿ-ಮೂಡಾಯಿದ ತುಳು (ಕಾರ್ಕಳ ತಾಲೂಕ್ದ ತುಳು)
ಸಾಮಾಜಿಕ ರೂಪೊಲು
ಭೌಗೋಳಿಕವಾದ್ ಇಂಚ ಪಾಲ್ ಮಲ್ತ್ಂಡಲ ತುಳುತ್ತ ಸ್ವರೂಪೊನ್ ಪೂರ ತುವೊಡುಂದಾಂಡ ಸಾಮಾಜಿಕವಾದ್ಲ ಪಾಲ್ ಮಲ್ಪೊಡಾಪುಂಡು, ಭೌಗೋಳಿಕವಾದ್ ಪಾಲ್ ಮಲ್ತಿ ಬುಕ್ಕೊ ಸಾಮಾಜಿಕವಾದ್ ಪಾಲ್ ಮಲ್ಪುನವು ಸರಿಯಾಪುಂಡು.
೧. ಬ್ರಾಣೆರೆ ತುಳು : ಈ ತುಳುಟ್ಟ್ ಶಿವಳ್ಳಿ ಬುಕ್ಕೋ ಸ್ಥಾನಿಕ ಬ್ರಾಣೆರೆ ತುಳುರೂಪೊಲು ಬರ್ಪೊ.
೨. ಜೈನರೆ ತುಳು : ಜೈನರ್ನಕ್ಲೆನ ತುಳು ಈ ವಿಭಾಗೊಡು ಬರ್ಪುಂಡು.
೩. ಸಾಮಾನ್ಯ ತುಳು : ಬಂಟ, ಬಿಲ್ಲವ, ಗೌಡ, ಓಡಾರಿ - ಇಂಚಿನ ಬೇತೆ ಬೇತೆ ಜಾತಿವರ್ಗೊದ ಬುಕ್ಕೊ ಬೇತೆ ವಿಭಾಗೊಡು ಸೇರಂದಿನ ತುಳು ಈ ವಿಭಾಗೊಡು ಬರ್ಪುಂಡು.
೪. ಹರಿಜನ -ಗಿರಿಜನೊಕ್ಕುಲೆ ತುಳು : ಹರಿಜನ, ಗಿರಿಜನೊಕ್ಕುಲೆ ತುಳುರೂಪೊ ಈ ಪಾಲ್ಡ್ ಸೇರುಂಡು,
ಸಾಮಾಜಿಕ ನಿಲೆಟ್ಟ್ ತುಳು ರೂಪೊಲು
೧. ಬ್ರಾಣೆರ್ ತುಳು :
ತುಳುನ್ ಮಾತೃಭಾಷೆಯಾದುಪ್ಪುನ ಬ್ರಾಣೆರೆಡ್ ಶಿವಳ್ಳಿ ಬ್ರಾಣೆರೆ ಸಂಖ್ಯೆ ಹೆಚ್ಚ ಇಪ್ಪುನೆಡ್ದಾವರ ಈ ರೂಪೊನ್ "ಶಿವಳ್ಳಿ ತುಳು"ನ್ದ್ ಲ ಪಣ್ಪೆರ್. ಈ ತುಳುತ್ತ ಮಿತ್ತ್ ಸಂಸ್ಕೃತೊದ ಪ್ರಭಾವೊ ಬಾರಿ ಹೆಚ್ಚ. ಪರಂಪರೆದ ವಿದ್ಯಾಭ್ಯಾಸಕ್ರಮೊ, ಶಾಸ್ರೋಕ್ತ
11
